#قصيده_للام الحنون

يمه ماحمل غيابج
يالبقه خالي مكانج
عليج دمعاتي جريه
وانتي يمه شجيه
يمه هداني مصابج

يمه عينج غمضت وعيوني سهرت
والسوالف يالحنينه ابالي طالفت
حيف الجانت ويانه عنه راحت
ردي ردي يالحنينه
فركتج تصعب علينه
يمه عونه الي كعديمج وشافج
*******
بعيني اتوسل ردتهه تغفه لحضات
بالكي اشوفج بالحلم يمه خطفات
ادري متردين لينه بعد هيهات
صارت العشره سوالف
والذكر عالبال طايف
الدنيه حرمتنه ييمه من حنانج
**

العشره فلت ونكضت وهاي هيه
خلاف عينج موحشه وضلمه الثنيه
وياج راحت ذيج الايام الزهيه
يمه فلت ونتهت
ايامنه الحلوه كضت
يمه ندري علينه ميعود زمانج
***
كلشي راح وكلشي يايمه نشطب
بعد هيهات يجي الضمه الترب
بعد متفيد المناحه ولايفيد العتب
لوبجينه شكد بجينه
ابد متعود علينه
ياروح لاتعتبين كفي من عتابج
****
لوبجينه شكد بجينه ونعمي العين
مايردون الجفو ا وصارو بعيدين
المناحه ماترد الخذهم البين
الي ضماه الحد
شلون تتأمل يرد
ياروح عتبي عالدهر الي خانج
*****
بقلم الشاعره ام رائد زوين


☆
قناة 🎬

‏℘(✍)⇣✿ ℘الشــاعرة 🌹🕊

العلويه ام رائد زوين ✨