Fred Brooks 1986 yilda shunday bashorat qilgan: dasturlashda xech qanday metod yoki amaliyot, bir dekada ichida, dasturlarni tezlikda, ishonchlilikda yoki soddalikda kamida bir magnitudalik rivojlanishga olib keladi.

Brooks dasturlash murakkabliklarini ikki qismga bo'ladi:
- dasturlash mohiyatidagi murakkabliklar. Ular shunchaki dasturlashning abstrakt tabiati tufayli xosil bo'lgan qiyinchiliklardir. Misol qilib murakkablik, moslashuv majburligi (dasturlash, masalan, kompyuter arxitekturasiga va yer fizikasi mos bo'lishga majbur va shu faktorlar orqali cheklangan), o'zgarishga majburlik va tasvirlash qiyinligini olish mumkin.
- tashqi murakkabliklar. Bularga texnologiya chegaralari, dasturlash tillari kamchiliklari va hkz kiradi.

Tashqi murakkabliklar yechilishi mumkinligi va dasturlashning o'ziga tegishli murakkabliklar yechimi imkonsizligi o'sha maqolaning eng asosiy tasdiqi bo'lsa kerak. Xech qanday yangilik, metod dasturlashni o'zgartirolmaydi.

Bunday o'zgarishlar masalan, kompyuterlarning qattiq qismlari rivojlanishida kuzatilgan. Eslataman: Mur qonuni har 2 yilda hisoblash tezligi 1.5 barobar o'sishini qayd etadi. Brooks esa xuddi shunday anti-teorema taklif qilgan: xech qanday "katta" o'zgarish yuz bermaydi: barcha o'zgarishlar inkremental kichik o'zgarishlar evaziga yuz berishi kerak.

Hop, afsuski Brooks tirik emas, tirik bo'lganda katta til modellarini ko'rib "gapini qaytib olgan bo'lardi". Aslida, ungacha ham davomiy integratsiya va davomiy yetkazish (CI-CD) instrumentlari qarshi argument sifatida berilishi mumkin edi, lekin ChatGPT kattaroq va ishonarliroq argument bo'lsa kerak. U aynan avtomatlashgan ko'dlash haqidagi argumentga qarshi chiqadi.

Til modellari tufayli barbod bo'lgan tarixiy argumentlar va tasdiqlar talaygina. Biror kun Turing haqida ham yozaman.