Нурбек Нарзиллаев

Olimlarning yaqinlariga

Siz mohi tobonsiz, malaksiz, pari,
Eng ulkan dahriylar topingan sanam.
Siz buyuk davrimning fidoiylari,
Ahli donishlarga eng munis hamdam.

Olimning uyini charog‘on etgan
Mehru shafqatingiz, yurak taftingiz.
U olam kitobin bitgan chog‘ida,
Yelkasida bo‘lgan ilik kaftingiz.

Sevgan yoringizga jon fido aylab
Parvona bo‘lursiz kechayu kunduz.
Sizning nomingizni olsa ne ajab
Osmon jadvalida bir talay yulduz.

Kimyogar yangi bir zarra kashf etsa,
Bu ijod boisi bo‘lgan, hoynahoy —
Stolning chetiga siz qo‘yib ketgan
Bir chakmok qand bilan bir piyola choy.

Yulduzlar qo‘yniga samoviy yo‘ldan
Parvoz qilar ekan buyuk tafakkur,
Olimlar zehnining charog‘i bo‘lgan
Munis ayajonlar, Sizga tashakkur.

© Erkin Vohidov

@nurbeknarzillaev