Nurbuloq yangiliklari

Sektor rahbari ijtimoiy soha obyektlaridagi qish mavsumiga tayyorgarlik holati bilan tanishdi

Bugun Nurobod tumani soliq inspeksiyasi boshlig'i, 4-sektor rahbari M. Erkinov hududdagi ijtimoiy soha obyektlarida bo'lib, ularning qish mavsumiga tayyorgarlik holatini batafsil o'rgandi.

Sektor rahbari umumta'lim maktablari, maktabgacha ta'lim tashkilotlari va tibbiyot muassasalariga tashrif buyurib, mavsumni betalafot o'tkazish borasida qilingan ishlar holati, ulardagi isitish tizimlari, ko'mir zaxiralari, uzluksiz elektr energiyasi bilan ta'minganlik holati bilan tanishdi.

Shuningdek, Chorvador mahallasida aholi murojaat va takliflarini tinglash, og'ini yengil qilishga qaratilgan sayyor qabul o'tkazildi.

Qabul davomida fuqarolar tomonidan bir qator masalalar yuzasidan 10 dan ortiq murojaatlar yo'llandi.

Murojaatlarning ijobiy yechim topishi hamda ijtimoiy soha obyektlarida aniqlangan kamchiliklarni bartaraf etish yuzasidan chora-tadbirlar belgilanib, ijrosi nazoratga olindi.

©️ @nur_press

Bugun Nurobod tumani hokimligida yoshlar o‘rtasida jinoyatchilik va huquqbuzarlik holatlarining oldini olish bo'yicha yoshlar bilan uchrashuv tashkil etildi.

Unda tuman hokimi S.Berdiqulov, tuman prokurori J.Abdihakimov, tuman IIB boshlig'i A.Otamurodov, tegishli mas'ullari va tuman yoshlari ishtirok etishdi.

Uchrashuvda rahbarlar tomonidan yoshlarning huquqiy ong va savodxonligini yuksaltirish, foydali mashg'ulot bilan band bo'lishlarini ta'minlash va ta'lim-tarbiya sifatini yanada oshirish ular o'rtasidagi jinoyatchilik holatlarining oldini olish va yot g'oyalar ta'siridan saqlashning muhim sharti ekanligi alohida ta'kidlandi.

Shuningdek, yaqinlashib kelayotgan bayram kunlarini munosib o'tkazish, turli ko'ngilsiz holatlarning oldini olish, pirotexnika vositalaridan foydalanmaslik, ulardan foydalanish va tarqatish uchun qonunda belgilangan javobgarlik holatlari yuzasidan kerakli huquqiy tushuncha va axborotlar berildi.

Yakunda tumanni jinoyatchilikdan, xususan, yoshlar jinoyatchiligidan xoli hududga aylantirish, jinoyatchiliklar profilaktikasi, yoshlarni vatanparvarlik va qonunlarga hurmat ruhida tarbiyalash borasidagi maʼnaviy-maʼrifiy ishlar samaradorligini oshirish yuzasidan kerakli chora-tadbirlar belgilandi.

©️ @nur_press

Nurobod tumani hokimi yoshlar bilan muloqot o'tkazdi

Nurobod tumanida yoshlarni har tomonlama qo‘llab-quvvatlash, ularning manfaatlarini ta’minlash va hayotda o‘zlarining mustahkam o‘rinlarini topishlariga ko‘maklashish maqsadida muntazam ravishda “Hokim va yoshlar uchrashuvlari" tashkil etib kelinmoqda.

Bugun Nurobod tumani hokimligida "Yoshlar forumi – 2024" doirasida tuman hokimi S.Berdiqulov tuman yoshlari bilan samimiy muloqot o'tkazdi.

Dastlab tuman rahbari yoshlarni bugungi kunda davlatimiz tomonidan yaratib berilayotgan imkoniyatlardan unumli foydalanishga, el-yurt ravnaqi yo‘lida xizmat qiladigan munosib kadr bo‘lib yetishish uchun zamonaviy kasb-hunar va bilimlarni puxta egallashga chaqirdi.

Shuningdek, muloqot davomida faol va tashabbuskor yoshlar tomonidan o‘z-o‘zini band qilish, o'quv markazlari tashkil etish, chet tillarini o‘rganish va kasb-hunarga o'qitishning samarali usullari, o‘quv xarajatlari va boshqa mavzular yuzasidan 30 dan ortiq taklif va murojaatlar yo'llandi.

Tuman rahbari yo‘llangan hech bir murojaat e’tibor va nazoratdan chetda qolmasligini ta’kidlab, ularning ijobiy yechimi va ijrosi yuzasidan mas’ullarga tegishli topshiriq va ko‘rsatmalar berdi.

Uchrashuv yakunida tadbirda faol ishtirok etgan o'quvchi-yoshlarga tuman hokimligining esdalik sovg'alari topshirildi.

©️ @nur_press