O‘qituvchi bullingi.
Muammoning sabablari va hal qilish usullari.
🤔 Keling, bir ssenariyni tasavvur qilaylik. O‘qituvchi yorug‘lik yetarli bo‘lmagan, butunlay keraksiz bayroqlar bilan bezatilgan, 35 nafar o‘quvchidan iborat havosi dim sinfda turibdi. U bir vaqtning o‘zida davomat qiladi, mavzu boʻyicha dars o‘tadi va sinfdagi bolalarning xatti-harakatlarini kuzatishga harakat qiladi, ammo hojatxonaga borish yoki shoshilmasdan ovqatlanish kabi oddiy ehtiyojlarini qondira olmaydi. Bu orada bir nechta oʻquvchilar o‘zlarini yomon tutib, to‘xtovsiz shovqin soladi. To‘g‘ri yechim o‘zini yomon tutgan oʻquvchilar bilan xotirjam suhbatlashib, ularni tartibga chaqirish bo‘lar edi, albatta. Biroq ortiqcha aqliy yuklama tufayli o‘qituvchi oqilona fikrlay olmaydi.
✋🏻 Nega bolalarni kaltaklashadi?
O‘qituvchining tiniq fikr yuritish qobiliyati zaiflashgani uchun ular odatlarga tayanadilar. Bu vaziyatda odat — “xotirjamlikni buzgan” bolani urish yoki bu bolani izza qilish. Biz bunday usullar bolaning ruhiy va jismoniy sog‘lig‘iga zarar yetkazishini, ularni yo‘qotish kerakligini bilamiz. Shunday bo‘lsa-da, bu har kuni mamlakatning ko‘plab sinflarida kuzatiladi. Har qanday holatda ham jismoniy jazo qo‘llash oqlanmaydi, lekin biz o‘qituvchini bunday qilishga undaydigan omillarni tushunishimiz ham kerak. O‘ylamasdan, shunchaki, o‘qituvchini ayblash o‘rniga, muammoning asosiy sababini hal qilishimiz kerak.
🥲 O‘qituvchiMASlar ham bor
Kadrlar yetishmasligi sababli maktablar pedagoglikka qanaqa shaxs, qanday holatda kelganiga ahamiyat bermaydi. Ruhiy salomatlik holati to‘g‘risidagi maʼlumotnomalar qanday berilishini esa hammamiz bilamiz) Ammo zamonaviy bolalar o‘tgan yillardagi bolalar emas. Ular sezgir, himoyasiz va alohida yondashuvni talab qiladilar. O‘qituvchining zimmasiga esa eng katta mas’uliyat tushadi, bundan tashqari ular oʻquvchilar, ota-onalar, ma’muriyat, tuman XTBga ulangan kameralar tomonidan kuzatiladi, baholanadi. Bosimni sezyapsizmi? Ha, qonun va qoidalar mavjud, ammo ular odamga oʻz psixo-emotsional holatini tartibga solish imkonini bera olmaydi.Tan olish kerak, ko‘pincha maktablarga kelajak avlodni o‘qitish niyati bilan borishmaydi. Bunday odamlarni esa darhol aniqlash kerak. Buning mexanizm bormi? Hozircha, yo‘q.
📝 Hozirgi vaqtda nima qilish mumkin?
✔️ Maktabda o‘qituvchilarni yaxshi psixologlar bilan ta’minlash. Ular faqat Karnegi kitobini o‘qib, ijtimoiy tarmoqlardagi statuslar tilida gapiradiganlar bo‘lishi kerak emas.
✔️ Ortiqcha ishlardan va yugur-yugurlardan xalos qilish. Direktorlar, jamoangizning huquqlarini rahbarlar oldida himoya qiling!
✔️ Bolalarni tarbiyalash. Hurmatli ota-onalar, o‘qituvchi yoki maktab uchun emas, balki o‘zingiz uchun dunyoga keltirgan farzandlaringizni tarbiyalang.
@ochiqdarsuz | #fikr