ْ↺♛ #قناة_صنعاء_القديمة♛↺
〰〰〰〰〰〰
المولد النبوي 🟢
اشتي اجابركن عنه 😘
كيف كان يحتفلو به اباءنا☺️
وكيف قد تطور 😁
كان تجي تيك اليله 😊
ونسمع مـن المساجد
من المكرفونات الصلاة على النبي
ويجتمعو الناس بين صلاة المغرب والعشاء
ويدو السيره النبويه كامله
وصلاة وذكر على النبي
وناس قلوبهم ساع الورده 🌸
واحنا النسوان نصلي على النبي
في بيوتنا 😊
والا نفتح التلفزيون نبسر المولد النبوي
ينقلوه بث مباشر من الجامع الكبير
وهم مجتمعين ماشاء اللـه
الرجال والاطفال
فارحين وبيرددو الصلاة على النبي
طول الوقت
مع محمد حسين عامر والحليلي
اللـه يرحمهم بقلوب فارحه
ويملاءها ايمان ❤️
اما الًيَوُمًِ قد المولد النبوي تطور 🌿
قد الا بيحتفلو به من نهاية شهر صفر
وكل يوم وهم في الشوارع بيزوملو
ويبترعو "" والا في القاعات 😆
وكل الحفل عن العدوان
والصماد وحسين بدر الدين
والولي العلم وعن المجاهدين
والجبهات تبرعوا
وسب لاامريكا والعدوان 😁
وكله ذكر لعلي
والحسين
والزهراء
ولا من اسمع عن النبي وسيرته
وتوزيعات للببسي والماء 😅
والكيك
وحقهم تيك الخرق في كل شارع 😆
ويرنجو بالاخضر حتى براميل القمامه 🟢
والاوادم والاطفال حتى المعز 😢
هي ايش دخل المولد النبوي بذيه
وتسريجه بالااخضر في الشوارع🟢
وكله من الشعب بالقوه والغصب 😢
التاجر يدي لهم خوف على اعماله
وحتى اصحاب البسطات 🥺
يدوها وهم بيدعو عليهم 😔
والي مابش معه يتسلفها
واصحاب البقلات
يدو لهم العصاير
والكيك والماء
لومابش فلوس 😳
واحتفلو بالغصب 😫
وعادو يجي لهم عاقل الحاره
بالدعوه حق المولد وضرف 😠
التحقو بالقافله لاكل بيت 😂
ماهي من قافله
حق قريش
والا رحلة الشتاء والصيف 😆
المهم بيضحكو على الناس
ويلفلفو الفلوس
وكل يوم حفل في حاره 😊
مش كذيه ماقلش الرسول هكذا 😎
ولا احد من اصحابه او احفاده فعلو هكذا
لايوم المولد النبوي ويدعو اهل القرى
والمحافظات هي جو نحتفل في صنعاء😅
قذاك العدوان افرج عن القاطرات والبترول ملان المحطات 😊
وسهل دخوله
على من هذا الكلام حتى رخص 😁
المهم وزوملو وشعارات بالي يشتو
وبالغصب كله على سب يقلو الحكم لنا
وحقنا والولايه 🤪
وعادو في الدواير الحكوميه يوزعو الشالات الخضر والعمايم والمسابح
والملزمه حق السيد
هي اين النبي وسيرته من كل هذا 😞
وبعدا الحفل جي لك عيفعلو ازمه
وطوبره ورجع العدوان للتقطع 😆
للقاطرات ومافيش غاز
كله على سب يخرجو حق الكهرباء
والتسريجه من عرضك يالمواطن 🤪
ولو انهم قد بزوها قدمه لاكن
ولو يشتو قبل وبعد 😂
وكل ذيه المولد النبوي المطور
الحديث 😆!!!!
والنبي متبري منهم وفي غناء عن
مولدهم 😟
محتاج بس يتبعوه ويصدقوه في الافعال
والاقوال
ويشبعو المساكين والمحتاجين 😕
ويكفيه الصلاة عليه قولاً😌
لاهو بالتسريجه ولا الزوامل والتوزيعات
اللهم صلي على محمد واله واصحابه الطيبين الطاهرين 🌿🌿
♔برنسســــيسهہء♔
♛┊↺
@oldsana ↺┊♛
〰〰〰➰〰〰〰
