لطميه لابي الفضل العباس عليه السلام
وزن الشموس
فاعلاتن فاعلاتن......... فاعلن فعلن
☆☆☆☆☆☆☆☆☆☆☆☆☆☆☆
گوم ليه ياكفيلي.......حرگو الخيمه
إلحرم كلها تنادي....... راعي الشيمه
☆☆☆☆☆☆☆☆☆☆☆☆☆☆☆
بقيت بس انخه وانادي......وين المشكر
طاح عالرمله ابن ابويه.......ويلي امطبر
صحت وينك ياعليينه.......يابطل احضر
خواني كلهه مگتله....... وسط هالچيمه
☆☆☆☆☆☆☆☆☆☆☆☆☆☆☆
عالهزل خويه خذونه.......وانته عالغبره
نام عالتربان طولك.......گلبي شيصبره
بقت سكنه بالمخيم....... تنحب بعبره
مشمره كلهه العمايم....... وآنه إيتيمه
☆☆☆☆☆☆☆☆☆☆☆☆☆☆☆
طاح جودك عالشريعه.......ياگمر هاشم
گطعو ايساره ويمينه........ والبطل نايم
عيونه طفوهه بسهم.......والعدو ظالم
ويلي محتاره يخويه........ بگلبي وبظيمه
☆☆☆☆☆☆☆☆☆☆☆☆☆☆☆
شال جوده وگال اترسه.......مايهمه العسكر
بطل صنديد ابو فاضل.......للعدو يقهر
چفوفه ناذرهن لخيته.......كفو ماقصر
فرت النسوان عگبه ........ وسط هالهيمه
☆☆☆☆☆☆☆☆☆☆☆☆☆☆☆
فزعت النسوان تصرخ ....... ياعلي وينك
هامن بوسط البراري....... من بعد عينك
گوم لينه يبو فاضل.......شعلو خيمك
انخه بيك وبالحسين....... والد اليمه
☆☆☆☆☆☆☆☆☆☆☆☆☆☆☆
صحت وينك يبو سكينه......وبدمع ساچم
تفرهد العز إلعلينه....... ونكتل جاسم
اطفال عطشانه يتامه....... من بني فاطم
خيولهم هجمت علينه........تفرهد اخيمنه
☆☆☆☆☆☆☆☆☆☆☆☆☆☆☆____________________________
لا اجٌيز حذف الاسم ، وغير مبرئ الذمة من يفعل ذلك .
____________________الحاجة ام احمد "الحجامي"
https://t.me/oo775
