Assalomu alaykum. Bugungi maqolamizda dasturchilar uchun eng kerakli bo'lgan til bilish haqida gaplashamiz. Avvallari ingliz tilini yetarli darajada bilishni o'zi kifoya qiladi deb o'ylardim, misol uchun dokumentatsiyani o'qib tushunish, youtube videolarni ko'rib tushunish, qilayotgan ishingizni boshqa dasturchilarga tushuntirib berish. Lekin FAANG kompaniyalarga kirish uchun ingliz tilida fluent(ravon) gapira olish kerak ekan, chunki bu kompaniyalarga kirish uchun raqobat juda kuchli bo'lgani uchun yaxshi muloqot qila olish qobiliyatiga ega dasturchi qolganlaridan afzal hisoblanadi. Shuning uchun FAANG ga kirish uchun minimum til bilish darajasi qanday bo'lishi kerakligini bilish uchun linkedin dan FAANG kompaniyalarida ishlaydigan hamyurtlarimizni til bilish darajalarini ko'rib chiqdim. Qarabsizki, deyarli hammalari IELTS dan 7+ olishgan ekan, bu degani ular ingliz tilini yuqori(advanced) darajada bilishadi. Demak, o'z sohamizda yuqori darajalarga erishishimiz uchun ingliz tilini yuqori darajada bilishimiz kerak degan xulosaga kelsak ham bo'ladi.

1. Jahongir Rahmonov - Amazon - IELTS 8.5
2. Sherali Obidov - Google - IELTS 7
3. Farruh Habibullaev - Google - IELTS 7
4. Azimjon Pulatov - Google - IELTS 7
5. Muhammadjon Toshpulatov - Google - IELTS 8
6. Bekhzod Soliev - Google - IELTS 7.5
7. Ogabek Yuldashov - Microsoft - IELTS 7.5
8. Vohid Karimov - Google - IELTS 7

✍️ @otabek_kholmirzaev