Buxorolik 17 yoshli bola 34 mlrd so'm ishlab topmagan ekanOxirgi kunlarda buxorolik 17 yoshli bola kriptovalyuta bozori orqali 3 mln dollarga yaqin pul topgani muhokama qilinyapti.
IIVning ma'lum
qilishicha, aslida o'smir yigit “virtual valyutchik”lik (o'rtakashlik) faoliyati bilan shug‘ullangan.
Bu nima degani?
Hozir har xil jinoiy yo'llar bilan topilgan pullarni kriptoga aylantirib, olib qochish urfga kirgan. O'rtakashlar esa bundan arzimagan foiz olib qoladi.
O'rtakashlar bo'lsa o‘zi bilib yoki bilmay shunday ishlarda vositachi bo‘lib qolayotgani aytilyapti. Bu jarayonda albatta davlat nazorati bo‘lishi kerak, tartibotlar va qoidalarga rioya qilinishi esa shart va zarur.
Bizning qahramonimiz ham “Binance” platformasida 4 mingdan ortiq 34 mlrd so‘mlik shubhali vositachilik (“virtual valyutchik”lik) operatsiyalarini amalga oshirgan hamda vositachilik haqi undirib kelgan. Ya'ni boyagi 34 mlrd so'm yigitning daromadi emas, balki tizimdan o‘tkazilgan boshqa bir insonlarning puli bo'lgan.
Mazkur operatsiyalar tahlil qilinganda yigitcha aylantirgan mablag‘larning aksariyat qismi pensiya, oylik, onlayn kredit kartalaridan kelib tushganligi ma’lum bo‘ldi, ya’ni ushbu mablag‘lar firibgarlik yo‘li bilan o‘zlashtirilgan pullarni legalizatsiya qilishga va ularni izini yo‘qotishga qaratilgan harakat ekanligi gumon qilinmoqda.
Bunga javobni esa tergov va sud organlari beradi. Aybsizlik prezumpsiyasiga ham to‘liq amal qilinadi, deyiladi IIV xabarida.
IIV bu bolani adolatsiz qamashdi, qonun noto'g'ri ishladi deyptgan blogerlardan noto'g'ri axborot tarqatmaslikni so'ragan.
Shunaqa gaplar.
@plossla
