Sayyora Azlarova

​​#Odamlar_nima_deydi...

U qo‘shni shaharning markaziy shifoxonasidagi morgdan kafanlangan holdagi erini olib kelayotgandi. Maxsus tez yordam mashinasida erining jasadi, orqada esa o‘zi va yaqinlari boshqa mashinalarda.

Yo'l bo‘yi yig‘lab keldi. Yig‘lab holdan toyib, hushini yo'qotdi. O‘ziga kelib, ko‘zini ochib, oldinda ketayotgan tez yordam mashinasini ko‘rib, hammasi o‘ngida bo‘layotganini tushundi.
Tushungach, yanayam ko‘proq yig‘lay boshladi....

Shaharga kirib, mahallaga yaqinlashganlarida, to‘plangan odamlarni ko‘rib, esankirab qoldi. Birdan ustiga gulli kiyim kiyib olganini ko‘rib, o‘ylab qoldi:
"Hozir bunday kiyinganimni ko‘rib, odamlar nima deydi? Odmi kiyimi yo'g‘akan, deyishmasin. Men axir, endi falonchining bevasiman...."

Shu xayollari bilan yig‘ini ham unutdi. Mashinadan tushiboq, hovliga o‘tib, xonasiga kirdi. O‘zi mo‘ljallagandek, kiyinib chiqib, tobut olib kirilgan xonaga chopib kirib ketti.

Endi qanchalik urunmasin, umuman yig‘lay olmasdi....

Shu bo‘yi bir necha yil bir dona ham ko‘z yoshi to‘ka olmadi. Bugun psixolog qabuliga kelganida, necha yildan beri yig‘ilib kelayotgan ko‘z yoshlarini to‘kib, o‘pkasi to‘lib yig‘lagisi keldi. Ammo, psixolog nima deb o‘ylaydi, degan xayol bilan yana o‘zini bosdi.

Odamlarning gapi uchun yashaydigan xalqmiz...

Sayyora Azlarova

#Psixologkundaligidan

https://t.me/psixolog_azlarova

​​G‘irrom

To‘yning birinchi kuni kuyov:
– Sen onamning xizmatini qilib, menga yaxshi farzandlar tug‘ib bersang, ularni aqlli, taqvoli qilib tarbiya qilsang, seni boshimga ko‘tarib yuraman, shunda seni yaxshi ko‘raman, dedi.

To‘yga bir oy bo‘lmasdan, onasi ayolini yomonlashni boshladi. Kelin nima qilishni bilmasdi.

– Sen onamga ahamiyat bermagin, ular qarib qolganlar. Seni qanaqaligingni bilaman-ku. Seni baribir yaxshi ko‘raveraman, faqat onamlarga sabr qilgin, dedi.

Kelin sabr qildi, hammasiga chidadi. Erimning onasini rozi qilsam, meni yaxshi ko‘radi, deb ishonardi. Har safar kasal bo‘lganida onasinikiga jo‘natishlariga, erining pulini qaynonasi bermasligiga ham, butun kiyimlarini akasi qilib berishiga ham, mehnatga ham, tuhmatga ham rozi edi. Chunki oxirida mukofot bor edi. Birinchi nikoh kechasi erining va'dasi bor edi. Shunga ishonib sabr qildi.

To‘yiga 12 yil to‘lganida "kuyovbola" ayoliga xiyonat qildi. Tugadi.

Shundan keyin chalasavod "psixolog"ga borganida:
– Ayb o‘zingda, eringga enyergiya bermagansan. Ayollik enyergiyangni qizg‘ongansan, sen aybdorsan.

Yoki

– Sening iching gunohga, hasadga to‘lib ketgan shuning uchun senga Xudo bu jazoni jo‘natgan...

Yoki

– Sen o‘zingga xiyonat qilgansan, o‘zingga yoqqan ishlarni qilmasdan, o‘zing xohlagan narsalarni o‘zingga bermagansan, shuning uchun ham senga xiyonat qilishdi, degan gapni eshitgan ayol o‘zini qanday his qiladi???

#Psixologkundaligidan

https://t.me/psixolog_azlarova