Qahvali mutolaa

​​#taqriz

✍ Varis Dirie
📖 "Sahro guli"

        Varis Diriening "Sahro guli" asari oʻzining hayotiy kechinmalariga asoslangan, memuaristik uslubda yozilgan avtobiografik asar. Afrikalik fotomodel, hassos yozuvchi, jamiyat arbobi jahonning mashhur ayoli Varis Dirie Somalining Efiopiya bilan chegarasi yaqinida yashovchi katta ko'chmanchi oilasida tug'ilgan oʻn ikki  farzanddan biri. Mutolaa davomida oʻqirman u bilan birgalikda bir necha kunlab suv izlash azoblarini, yoz kunlarida Afrika jazirama sahro qumlarining kuydiruvchi issiqlarida oyoqyalang qoʻy-qoʻzilarini boqish, ularni  yirtqish hayvonlardan himoyalab uyga olib borish qiyinchiliklarini boshdan oʻtkazadi.

         Oʻn uch yoshga toʻlganida bir keksa odamga besh tuya evaziga turmushga bermoqchi boʻlgan otasining zulmlaridan charchagan Varis onasining yordamida uyidan qochib ketadi. Ulkan sahroni bir oʻzi yayov kesib oʻtadi. Avval Afrikadagi qarindoshlarinikida ogʻir mehnatlar qilib kun koʻrib yuradi, soʻngra amerikadagi qarindoshlarini uylarida xizmatkor boʻlib ishlaydi. Har qanday qiyinchilikga duch kelsa ham hammasida ulkan jasorat, mardlik koʻrsatib yoʻlini topishga harakat qiladi. Afrikada hayotini iziga qoʻya olmaydi va qarindoshlarining uyida xizmatkorlik qilish uchun Amerikaga ketadi. Oʻqish yozishni ham bilmaydigan Varis jamiyatga moslashish uchun sekin-asta ingliz tilini ham oʻrganishni boshlaydi. Oʻz orzusiga yetish uchun harakat qiladi.

"Yoʻqsillik bagʻrini yorib chiqib, faqir insonlarni oʻziga doʻst qilib olgan oddiy somalilikman. Modelyerlikda meni oʻziga jalb qilgan narsa mashhur yulduz boʻlishgina emas, balki dunyo kezish, uning goʻzalliklaridan bahramand boʻlish, oddiy bir inson sifatida turli xil odamlar hayoti bilan tanishish, boshqalarga yaxshilik qilish edi. Oltin quyosh taftida, koʻm-koʻk osmon gumbazi ostida, ona tabiat bagʻrida erkin va ozod yashash eng oliy baxtdir."

       Asrning boshida Varis Dirie faollikka e'tibor qaratish uchun modellikdan nafaqaga chiqadi. U Somali klinikalari va maktablari uchun mablag' to'plash maqsadida Cho'l Tong jamg'armasi (2001), shuningdek, FGMni bekor qilishni himoya qilish uchun Varis Dirie jamg'armasiga (2002) asos solgan. Berlin, Stokgolm, Parij va Amsterdamda FGM qurbonlarini davolash uchun tibbiy markazlar tashkil etadi. Uning Somaliga qaytishi haqida hikoya qiluvchi "Cho'l tongi" (2002) va FGM haqida ma'lumot beruvchi "Cho'l bolalari" (2005). 2009-yilda uning kitobiga moslashtirilgan “Cho‘l guli” filmida ham hayoti haqida hikoya qilinadi.‌‌

         Inson har qanday qiyinchilikkka duch kelganida ham qoʻrqmasdan oʻz maqsadlari tomon ildamlab borishga, orzu va umidlarining roʻyobini koʻrishga tomon borishga undaydi. Roman xotin-qizlar huquqlarini himoya qilishga qaratilgan, tiriklikning asosi boʻlgan suvning, tabiat va hayvonlarning hayot uchun nechogʻlik muhim oʻrin tutishi kabi gʻoyalar ilgari surilgan. Barchaga kitobni oʻqishni tafsiya qilaman.

Hayotingizda maqsad qoʻyish va u tomon borishda hech qachon ortga chekinmang. Mazmunli mutolaa 💛

@qahva_va_kitob

#hislar

​​Sevishimiz kerak bo'lganlari:
- o'zimiz.
- samimiy tabassum
- tabiat koʻrki boʻlgan goʻzal gullar
- bizni baxtli qiladigan insonlar
- kitob varoqlarining hidi
- botayotgan quyosh nuri
- oy, yulduzlar va moviy osmon
- yomgʻirdan keyingi tuproq isi
- va yana o'zimiz...

Qahvali mutolaa

​​"Keyin kutubxonadagi olovi gurillab turgan kamin oldiga oʻtardik. Kutubxona devorlariga oʻrnatilgan chiroyli javonlardagi nodir asarlar va chiroyli kitoblarga qarab koʻzimiz quvnar, istagan paytimizda ulardan birortasini olib mutolaaga berilishimiz mumkin edi."

✍ Dafna dyu Mor'e
📖 "Reychel"

Qahvali mutolaa☕️