⭐️QALB YO'LI⭐️?™

(Bir nafaslik yo’l ekan ikki dunyo orasi,
Ko’z o’ngimdan hech ketmas ko’zlaringni qorasi.
Kuz yaprog’i singari xazonlarga aylanding,
Qiyomatga qoldi-mi, endi diydor chorasi)

Yuzimga tomchilab yog’ardi yomg’ir,
Ichimdagi dardim bilardi yomg’ir.
Tosh qotgan yurkani o’yardi yomg’ir.
Shu yomg’ir ostida abadiy qolsam,
Yig’larmisiz, azizam, dunyodan o’tsam.

Ishonmang bu qadar tirikligimga,
Zulmatga ziyodek yorishib ketsam.
Ertaga qayerdan toparsiz mani,
Xokisor tuproqqa qorishib ketsam.

Beparvo qaramang, kulyapti-ku deb,
Guldek yashab, guldek ochilib-so’lsam.
Nogahon esib, qayirsa shamollar,
Qolasiz, xazondek to’kilib ketsam.
(To’kilib ketsam, to’kilib ketsam)

Ishonmang bu qadar mening umrimga,
Shu kunim mazmunli etolsangiz, bas.
Ertangi kunlarga atalgan mehriz,
Balki, bu kundan so’ng menga kerakmas.

Yuzimga tomchilab yog’ardi yomg’ir,
Ichimdagi dardim bilardi yomg’ir.
Tosh qotgan yurkani o’yardi yomg’ir
Shu yomg’ir ostida abadiy qolsam,
Yig’larmisiz, azizam, dunyodan o’tsam

@Qalb_yoli

ЁМҒИРҚЎШИҚ

Ёмғир, бунча эздинг, мунча эзилдинг,
Уст-бошим шалаббо, юрак-бағрим ҳўл.
Бугун унинг ўрни ёмон сезилди,
Кел, унинг ўрнига сен дардкашим бўл.

Томчилаб-томчилаб бўлмоқда адо
Ўз-ўзига ҳадди сиғмаган кўнгил.
Тақлид қилмадингми менга мабодо –
Оғир-оғир ёғиб тортасан енгил.

Базўр ўтиб борар кунлар – синашта,
Бир боқсам, осмондан кенгга ўхшайман.
Индамай бўзлашда, сўзсиз куйлашда
Ўхшасам, Ёмғиржон, сенга ўхшайман.

© Беҳзод Фазлиддин

@Qalb_yoli

..«Йиллар ўтди,мункиллаб ҳамон,
Қўй боқади қирда чол тушкур..
Ҳа,айтганча ўғли бор эди,
Ўғли бугун шаҳарда машҳур»!

Муҳаммад Юсуф

@Qalb_yoli

Axir o‘rtamizda to‘siqlar bisyor,
Haqdan ololmaymiz bir visol tilab.
Lekin yuragimda mung qo‘shiqlar bor,
Kuylab yashayapman yuragim bilan,
Unsiz dunyolarda qiynalmagin deb.

Biz yurgan yo‘llar-ku ketdi yo‘qolib,
Ko‘z yetmas yo‘llarni ko‘rib turibman.
Qiynalib ketdingmi zulmatda qolib?
Dilimda olovni olib yuribman,
Kunsiz dunyolarda qiynalmagin deb.

Bir kuni tinadi qo‘shiqlarim ham,
Dilimdagi olov o‘chmog‘i tayin,
Ketarman, sezarsan, sezmas bu olam.
She'rlar yozib ketdim o‘zimdan keyin
Mensiz dunyolarda qiynalmagin deb.

© Ilhom Salimov

@Qalb_yoli

#Ishq_sarchashmasi

***

Шундай севсанг..
коинотнинг ранги ўзгариб
Булутларни яксон этса хоҳишларинг...
Шундай севсанг..
ўзга дунёларни кутмай ҳеч
Бир қалб учун яралгандайин..
Кўзгуга боққанинг замон
Унда фақат севгингни-ўзингни кўрсанг.
Атрофингда минг-минг фаришталар бўлса ҳам
Юрагинг туб-тубида ётган
ҳеч кимга айтолмаган
буюк бахтингнинг хаёлин сурсанг...
Шундай севсанг..
Энг баланд қоя оташингдан сел бўлиб кетса,
Дунёдаги жами мавжудот,
табиат
Ҳаттоки ёзилмаган шеър ҳам
сени бир муддатгина тушуниб етса.
Тўлғонаверсанг,
товлансанг ишқингдан
камалакнинг ўғриси бўлсанг.
Инсон бўлиб,
ошиқ бўлиб,
дўст бўлиб қайта
Ишқ билан туғилиб, ишқ билан ўлсанг..

© Nodira Nazar

@Qalb_yoli

Va'da beraman

"Qasam iching, debsiz, kòz yoshim
Oqizmayman, maģrur turaman.
Bundan buyon men sizni yaxshi
Kòrmaslikka va'da beraman!

Hazillashdim ģo'rlik mahalda,
Endi hayot bòlajak dalda
Kòchangizdan allamahalda
Yurmaslikka va'da beraman.

Yashayvering endi bemalol,
Birov sizga bermaydi halal.
Siz haqda, yor, hattoki xayol
Surmaslikka va'da beraman!

Boshqa sizga ulashmayman ģam,
Ishq shu bilan topajak barham.
Tun kirganda tushingizga ham
kirmaslikka va'da beraman!"

...Deb va'dalar bersam har damda,
Ishonmang hech, bu bir zardam-da...
Sizga shunday bergan va'damda
Turmaslikka va'da beraman!!!

@Qalb_yoli

#Kuz ohanglari

****

Бахор бизни яна алдади,
Кўнглиммизга солиб қўйди муз.
Сочиммизга оқлар қадади ,
Боғ оралаб қайтиб келди куз .

Бахор бизни яна алдади ,
Юзиммизга тўлдирди ажин.
Майсаларни тўкилди қадди ,
Башоратлар ёлғон мунажжим .

Бахор бизни яна алдади,
Энди эзар бир оғир видо .
Бу ёлғонлар ичра англадим ,
Битта ўзинг ростдирсан худо.

© Muslimbek Musallam

@Qalb_yoli

Кўйлаклари хазон эди, хазон эди,
Бир қўлида ақраб, бирда мезон эди,
Кулгулари қиммат, ашки арзон эди,
Унга қандай севмайман, деб айтолардим.

Узуклари бармоғидан узилганди,
Суман сочи тароғидан узилганди,
Бу дунёдан узук кўнгли бузилганди,
Унга қандай севмайман, деб айтолардим.

Кўзларини кўзларимга ботирганди,
Қошларига ёшдан ўсма торттирганди,
Ўттиз йилда битта дардкаш орттирганди,
Унга қандай севмайман, деб айтолардим.

Кўриб қолса, кўзларига қочар жой йўқ,
Боладайин беркинади, кетар рой йўқ,
Бу дунёда ундан кўра гўзал ой йўқ,
Унга қандай севмайман, деб айтолардим.

Кетар бўлсам хайр демай кетинг, дерди
Билмайдики кетсам бошқа қайтолмасдим.
Севмасангиз севмайман деб айтинг, дерди,
Лекин сени севмайман, деб айтолмасдим.

© Vohid Luqmon

@Qalb_yoli

#Satrlar

Shirin uxlar tong chog'i go'dak,
Uxlar go'dak yo tong ko'ksida.
Yoki go'dak quchog'ida tong,
Uxlar shirin ham tinch, osuda.

© Rauf Parfi

@Qalb_yoli

ERTAGA BAXT KELADI EKAN...

Siz ertaga kelasiz, Hozir
Xabarini yetkazdi simlar

Salim ASHUR

Ertaga baxt kelarmish, bugun
Ishoratlar berildi tushda
O, yuragim entikib ketdi
qafasiga sig'magan qushday
Ertaga baxt kelarmish debon
Yo'lga ko'zim tikkandim, xuddi
Chaqmoq urgan oq atirgulday
Birdan ko'zim qamashib ketdi
Ertaga baxt kelarmish, nahot?
Sarhadimni orzular quchdi
Qo'lim cho'zib yetolmagan oy
Poyingizga yumalab tushdi
Boqiy shamsga bog'langan qamar
Sadoqatga eng katta kafil
Ertaga baxt kelarmish deya
Osmonini tark etdi g'ofil
Ertaga baxt kelarkan, tunda
Bashoratlar berildi shunday
Yuragimni parchalab sochdim
Ostonaga qip-qizil gulday
Ertaga baxt kelarmish, ko'rsin
Cho'qqa o'rab qo'ygan anduhim
Tugaydirman afsus ertaga
Ko'kka uchgan bo'ladi ruhim
Ertaga baxt kelarmish, essiz
Topa olmay ketar bekorga
Xazonlarim sochiblar bugun
Qaytolsaydim kuzdan bahorga
Ertaga baxt kelsin, marhabo!
YURAKLARIM sochilgan yo'lga...

NIYATULLO
24.05.2019

@Qalb_yoli