1-م تخشيش المجالس وأنتي عابسه وجهـك.🤍
2-ارفعي صوتك شوي بالسلام وابدي باليمين .🤍
3-عند السلام على أقاربك ومحارمك لازم تكون قبضتك قويه وم تسحبيش يدك بسرعه لان عيـب.🤍
4- واطيّ صوتك .🤍
5- مَ تحطيش رجل ؏ رجل قدام حد ڪبير.🤍
6- مَ تقعدش مقعمزه و مسيبه حد ڪبير واقف .🤍
7- مَ تتصليش بحد متأخر .🤍
8- لما تخشي لحوش ناس إختاري المڪان المستخطي إللي مَ يبينش الحوش عليك .🤍
9- اللي عندك عليه ملاَم وإلاَ عتاب ويجي لحوشك مَ تزعليشي .. واللي يدق بابك طالبك فِ خدمة مَ ترديشي .🤍
10- طقطقي ؏ الباب قبل مَ تفتحيه .🤍
11- ڪُولي من ناحيتك و بعدي عليك الصونية شوية .🤍
12- نوضي أول وحده من ؏ الصفرة كان معزومه .🤍
13- ڪلهم ينوضو كان انتي إللي عازمه .🤍
14- مَ تمشيش لحد براني فجأة .🤍
15- تخشي حوش الناس عميا و تطلعي بڪُوشه .🤍
16- فِ حوش الغريب مَ تنوضيش من مڪان غير لما حد يناديك .🤍
17- تعالو نمشو نعيدو على الاقارب .🤍

18- ارفعي هاديّ للجارة و قوللها اُمي تسلم عليك وذوقي مأنا وملحنا .🤍
19- انتي مش احسن من حد ولاَ فِ حد احسن منك .🤍
20- مَ تقارنيش روحك بحد .🤍
21- قولي شڪرًا قولي اسفه إللي يعتذر الاٴول هو الاقوى🤍
22- مَ تاخديش حاجه من إيد حد .🤍
23- مَ تسبقيش حد ڪبير وانتي ماشيه .🤍
24- اي باب مسڪر طقطقي عليه حتى لو عارف إن مَ فيش حد .🤍
25- قولي الحق ولو ؏ قص رقبتك .🤍
26- عيب هذا اڪبر منك .🤍
27- هذا حرام ويغضب ربي .🤍
28- هذا غلط مَ إديراشي .🤍
29- نضفي مڪانك إللي مسختيه .🤍

30" هڪيّ زمان ڪانو الناس المُحترمين يربّو فِ صغارهم🤍
وهڪي ربونا اهلنا !🤍
وهڪي ﺣَ نربوا اصغارنا بعون الله .🤍