تعريفي للريد :ـ
الريد شنو ..
الريد كأنك في بحر .. غرقان
ومستمتع .. ورافض للمروق
..
الريد طوافك حول روحك .. مرتين
الأولى .. تديك إنتماك للذات
وما بتعرف فروق
والتانية .. تفتحلك سراديب للفرح
تديك شموس .. من غير شروق
أها بإختصار ..
الريد شعور .. مليااااان عكار
ما أظن يروق
..
هسع عرفت الريد شنو ..
طيب تعال ..
خت مرة إيدك ..
في مكان ما إنت بتحس بي رجيج
وأسمع معاي براااااحة
شن بتقول .. خواطرك حين تهيج
طوااااالي يتكرر
إسم زولك هناك
سامع معاي .. هذا الضجيج
أها ده البقولو عليهو ( ريد)
.
..
...
#رَمَّاحْ_إبِنَعَوفْ

هي ❤️ كمان سألتها واحده عن الريد .. قامت قالت :ـ

معرفتي بالريد ربما
تلقيها تعريف مقتبس
انا ح اعرفو حسبما
عيشني ليهو حبيبي بس
..
الريد: بيعني الانتحال
كينونة الزول في الحبيب
لي دارو تهوى الارتحال
وقتو اليودع شان يغيب
وقت الفراق يبقالو حال
بيولي وجعتو للرقيب
لكنو ينسى من المحال
كان روحو لاوت للمغيب
..
الريد سلام ايدين بعاد🤝
لو كل واحد في بلد
الريد وقت ما البت تغير
في ثانية تبقى"ولد ولد"😠
ما عندو تمييز لي صغير
لا البي غتا الكبر إنجبد
الحسا ما بيصبح فقير
ان عاش مفلس للابد
..
الريد يطَّعِم للمساخ
ويسَّمِح الحظ الردي
بيقش جميع الاتساخ
كان جاك تلويث معتدي
لو صادو توقيف ولا داخ
من نفس وقفتو يبتدي
الريد دا راجل الريده ياخ
يازولة عرفي بس كدي
#هي
..
.
..
#ن_و_ر