﮼رنو👩🏻‍⚕️

فـَخر الي واثقة كُلش بأن رب العالمين حيفرحها ويعوضها عن كُلشي دتمر بي♥️وتذكري دائماً من سار على خطا الحجة المنتظر عج مراح يخيب أبداً ..
التوفيق للجميع يارب♥️.

صافنة وأحَس أريد أبجي بدون سبب .. چنت أفكر بهواي اشياء لو ما صار كذا .. لو نعادت نفس السالفه .. لو ما طلعت شي زين .. لو ما طلعت معدل ..
شنو حيصير ؟؟
بعدين رحت ركض طلعت هل آية وطمئنيت♥️.
گلت ليش دآخاف وأبجي وآحزن واشيل هم واكو من يدبر آمري وعيني تنام وعينة متنااام ..
فأطمئنيت كُلش ودعيت هواي بهل لحظات ..
وتركت آمري لربي وحتوكل علية♥️
عمق وآمان هل آية يوديك لعااالم ثاني ..

ڪلنا تَعبنا بَس ڪلنا لازم نكمل . .

طلاب باجر بأمتحان الوزاري اول خطوه تخطيهابحياتك باجر اول خطوه تخطيها بارادتك ..
بكل حياتنا يمكن جنه مجبورين نعيش بمكان منريده مجبورين نروح أماكن منحبها..
لكن بيوم الامتحان نروح بكامل ارادتنا للامتحان نروح بكل مانملك من قوه نروح واحنه نحمل آمال الناس آمل اهلنا بينا وأصدقائنا وأحبابنا نروح واحنه كاشخين بثقتنا بأنفسنا،كل معركة اخذتها بحياتك جنت مجبور على وقتها لكن باجر بالامتحان انت تحدد وقت المعركه باجر هو وقت الرد على كل من أساء الك وقت الرد على كل من أنتقص منك كل ايامنا نعيشها عادية او تكون ايام عظيمة فترة وتمضي وتصير سوالف لكن  باجر هو اليوم العظيم الخاص بيك بكل عائلة شخص مهم وبكل جيش اكو قائد وبكل وطن اكو رئيس لكن في كل سنه لكل قاعه بطل باجر خليك بطل القاعه الامتحانيه باجر متروح  وحدك باجر وراك جيش خفي ..أولهم
(دُعاء امك وظهر ابوك وضحكه صديقك وعناد اخوك)شايف اخوتك شلون يعاندوك بكلشي يعاندونك اله باجر همه يحظرولك اقلامك ويذكرونك بطاقتك  ويوصلوك للسياره باجر الجميع ينتضرك ربما سنوات وتجهل نفسك انتَ منو لكن افعال هذول باجر يبينولك أنتَ منو حته بالاعلام باجر تشوف مئات القنوات تنشر على امتحانك لان باجر مو بس امتحان هو قظيه وطن هو قصه نجاح لكل شخص باجر تعَرف نفسك بدون هوية وتعرف نفسك بدون كلام باجر راح تسطر اروع امكانياتك وتنحت عله دفترك بقلمك كلشي يوجعك وكلشي يسعدك اكيد من راح تدخل القاعه راح يعم الهدوء..
وتبقى بس النضرات بس النضرات بينك وبين اصدقائك هيه تشرح كلشي بداخلك مهما جنت قاسي ومهما جنت انسان سيئ
لكن بهاي اللحظه(راح تكون ابرئ شي موجود على وجه الأرض)يمكن تستحي تدعي كدام الاساتذه عادي اترك الامر لقلبك هو راح ينطق بدل لسانك هوه راح يوصل امنياتك للسماء♥️.
راح تگلب الأسئلة وتشوف اول خمس دقايق تحس وكأنو راح تستسلم كل المعلومات اختفت
لكن راح  تجيك قوة ويجيك ألهام برغم هذا سكونك راح يخليك تتحرك وتلزم قلمك وتجاوب وتبدي تجاوب بلا توقف هاي القوه هي من الرب هي استجابه لدعوة والدتك هيه استجابه لدعوه كل أم بالبيت هي استجابه لدعوه كل اب بالعمل لكل أب منتظر فرحَة بنتة أو أبنة .. منتظر يرفع رآسة بيهم ، هي استجابه لدعوه كل أخ وصديق ومحُب بالروح باجر  أملنا بيك واتذكر هاي العباره دوم(لو تحتم عليكَ السقوط فكن نيزكاً)ربي يوفقكم ويستر عليكم باجر بالامتحان الوزاري والقاعات الامتحانيه راح تدخلها وأنتَ أسد  مو اشخاص أسود  تدافع حته بأقلامها بكل ماتملك ، وتندعي بكل لحظة بأن يارب يكون الجاي خــير ومثل ما ننتظرة♥️ أنتو أبطال وراح توصلون
منتظرة اليوم الي آگول بي (لمن كان في آلامس كلامهُ خنجراً اليوم هوه في طابور المصفقين لي)🙏♥️ ..

‏"إن دعوت الله بالنّجاح ستنجح، وإن دعوته بالتوفيق ستتوفق.. إن دعوت بالتيسير ستتيسر أمورك كلها، إن الله لا يلهمك شيء لا يريده لك ولا ليمنعك أجره؛ بل يلهمك لأنّه يريد أن تأخذ ما تتمنّى بإذنه ،
مادام الله ألهمك الدّعاء، فأمنيتك لك♥️.

اللهم في يوم الجمعه ‏نسألك العوض الجميل بعد الصبر الطويل، اللهم دربآ لاتضيق به الحياه وقلبا لايزال منه الامل 🖤.

بعدين اسولفكم سالفة هذا البوكس والرسائل ألي بي وأذا عجبتكُم الفكرة فسووها♥️.

لا تنسونا بلدُعـاء♥️.

يلا الي گاعد خل يگوم كلشي بهالحياة يحتاج التوفيق من رب العالمين اول شي ورضى الله يلا نگدر نحققَة مو فقط ندرس ..

متتخيلون قيام الليل شون يصنع المُعجزات وشكد ذنوب تنغفر ، بما أنو اليوم جمعة صلوا واقروا سوره يَـس متآخذ منكم ٥ دقايق وفضلها چبير عد رب العالمين♥️

ألي گاعدين او مالهم واهس وميجيهم نوم او ألي ديقرون آخذوا ريست ربع ساعة وعوفوا كلشي وگوموا توضوا وصلوا صلاة الليل الي تكدرون علية الشَفع ركعتين والوتر ركعة وحده كلش سهلة وما تآخذ منكم وقت ..

أكو ناس فعلاً تشوفها مرات تشبه تعبك ولا تقل عنه ، وممكن أكثر ، شحال أذا جنت معيد مو سنه وحده وسامع أشكال الكلام ، تأكدي أنو رب العالمين وآبو صالح دومهم ويانة البارحه من كثر ما أتوسلت بلحجة حت تخيلت خيالة صار ؏ الحايط الي گبالي .. حاشاهم يتركونا كل أمام ومعصوم أجه اسمهم على لسانه وتوسلنا بيهم ما راح يتركونا .. وواثقة الله راح يعوضج بشي ممتوقعتة أبداً وراح تكونين فخوره بنفسج أسم على مسمى أنتِ گدها واصلي مسيرج والله يوفقج بحق ليلة الجمعة ♥️🙏.

كلما طال الفرج وحسيتوا أنو خلص مراح يتحقق الي تتمنوا ولا راح يصير وصبرتوا هواي أتذكروا أنو بلوقت الي تردون تستسلمون وخــلص تتخلون عن كلشي تذكروا هذا هوه الوقت الي راح يتحقق كُل الي تمنيتوا وأيقنوا أنو الفرَج قريب من عدكُم لهذا لا تستسلمون وقاموا كُل شي لأن بلنهاية كُل شي حيخلص وحتصير سوالف وراح يعوضكم الله عن كُلشي واجهتوا وعلى كُل دمعة نزلت وعلى كُل حسره كتمتوها ، الله يشوف كُلشي صدكوا يشوف حسرتكم ودمعتكم وقهركم وكل كلام او حچي صعب آثر بيكم وبچاكم بيوم من الأياام على كُل مرة نزلت دمعتكم ومسحتوها حت تشوفون غيركم بأنو أحنة اقوياء ومراح يآثر بينا شي الله دايماً وياكم ويشوفكم وهوه أقرب الكم من حبل الوريد أدعوا هواي أدعوا بكل لحظة وثانية تمر عليكم وصدكوا راح يفرحكم بلنهاية النهاية جبر وفرحة ما تخليكم تنامون وتذكروا دايماً ادعوا يارب أختارلنا الي بي خيرر النة لأن ممُكن تكون أختيارتنا بيها سوء وشر النه لكن مستحيل يكون أختيار رب العالمين النة بي شر نقطة رأس سطر♥️.