repost _news

Бугун доим танқид қилиб келадиган ўрта бўғин судида яна адолатсизлик бўлди.

Биринчи инстанция суди ишонч билдирувчим (мижозим)ни ишга тиклаш ҳақида, яъни аввалги раҳбар лавозимига тенг бўлган бошқа лавозимга тиклаш ҳақида қарор чиқарган эди. Лекин, иш берувчи суд ижро ҳужжатини ижро қилмай, аввалги лавозимини очмасдан туриб, ўша лавозимга гўёки ҳавога тиклаб қўйган эди. Ижро варақасида “А” лавозим дейилган бўлса, ишга тиклаш буйруғида “Б” лавозим дейилган эди.

Шу сабабли биз кассация судлов ҳайъатига шикоят хатолик билан қабул қилинганини билдириб, иш юритишни тугатиш ҳақида ариза берган эдик. Судлов ҳайъати ишни бошқа кунга қолдириб, ҳақиқатда ижро ҳужжатидаги ишга тикланган-тикланмаганини аниқлаш учун, тарафлардан МИБдаги ҳужжатлар ва ўша лавозим ҳақиқатда очилган-очилмагани юзасидан ҳужжатларни тақдим этишни сўради. Биз бугун МИБдан ишга тиклаш бўйича ижро иши давом этаётгани ҳақида маълумотнома тақдим этдик. Бу ходимни амалда ишга тикланмаганини тасдиқлар эди.

Бироқ, негадир судлов ҳайъати иш юритишни тугатиш ҳақида аризамизни рад қилди. Нохолис деган хулосага келганимиз учун шикоятни иш юритувга қабул қилган судьяни рад қилиш ҳақида ариза бердик.

Асосий “томоша” шундан кейин бошланди. Судлов таркиби алоҳида маслаҳатхонага чиқмади ва биздан суд мажлисини тарк этишни сўради. Мен адвокат сифатида ФПКнинг 24-моддасига асосан рад этиш ҳақидаги масалани ҳал қилиш учун суд маслаҳатхонага чиқиши кераклигини тушунтирдим. Мен аксинча, биз эмас, суд суд мажлисини тарк этиши лозимлигини айтдим.

Буни қарангки, судлов ҳайъати суд котибига топшириқ бериб, гўёки мен уларнинг талабларини бажармаганлигим ҳақида далолатнома тузишни буюрди. Суд котиби далолатнома ёзиб менга олиб келганда, мен ФПКнинг 24-моддаси бўйича ўз эътирозларимни ёзиб имзо қўйдим. Шундан кейин суд ФПКнинг 24-моддасига бўйсуниб, алоҳида маслаҳатхонага чиқди.

Табиийки, суд бизнингча, нохолис судьяни рад қилиш ҳақидаги аризамизни рад қилди. Уларнинг шубхали ҳаракатларидан келиб чиқиб, таркибга ҳам раддия бердик. Бу сафар, таркиб ФПКнинг 24-моддасига бўйсунди, алоҳида маслахатхонага кирди. Раддиямиз эса рад қилинди.

Шу билан, суд муҳокамаси бошланди. Важларимизни билдира бошладик. Даъво аризани меҳнат инспекцияси киритганлиги сабабли, меҳнат инспекциясини ишга жалб қилишни илтимос қилдим. Сабаби, менинг адвокатлик ҳимоямда меҳнат инспекцияси кўрсатмаларидан келиб чиқиб айтиладиган фикрлар бор эди.

Жуда ғалати иш бўлди. Суд илтимосномани муҳокама қилдида, “илтимосномани қаноатлантириш рад қилинсин ва суд муҳокамаси тугаган деб ҳисоблансин” деб ажрим чиқарди. Ё товба! Суд адвокат сифатида ҳимоямга имкон бермаслик мақсадида шу ишни қилганига ишондим. Ўзиз ўйлаб қаранг, “илтимоснома рад қилинсин ва суд муҳокамаси тугаллансин”. Шундай бўлиши мумкинми? Ахир менинг айтиладиган важларим бор эдику. Ишнинг натижаси аввалдан маълум деган фикрим янада қатъийлашди. Афсуски, бу судга янги олиб кеинлган судьялар ҳам эскича ишлар ва эскича фикрлар экан.

Муҳокамани тугатган суд маслахатхонага кирди ва чиқиб, қарши томоннинг шикоятини қаноатлантириш ҳақида қарор чиқарди.

Энг қизиғи, менга нисбатан ҳусусий ажрим ҳам чиқарди, нима эмиш, мен суднинг маслахатда қолиш учун суд мажлисини тарк этиш ҳақидаги талабларини бажармаган эмишман. Ие, уларку, ФПК 24-моддаси талабини бузган. Мен "биз эмас, сизлар маслахатхонага киринглар (чиқинглар)" дедим, улар чиқди. Лекин қарангки, қонунни талаб қилишим уларга ёқмабди.

Сизлардек билан курашиш мен учун шараф билсангиз.

yuristkadr

Бугун "Инсон ҳуқуқлари ҳимояси учун" кўкрак нишони билан қуйидагилар мукофотланди:

I. Инсон ҳуқуқларини ҳимоя қилиш соҳасидаги амалий фаолияти учун:

Мирбобоев Бахтиёр Шамсутдинович – Ўзбекистон Конституциявий судининг фахрийси;

Сайидов Тошпўлат Давронович – "SAYIDOV TOSHPO’LAT DAVRONOVICH" адвокатлик бюроси раҳбари;

Пўлатов Абдукамал Қодирович – Инсон ҳуқуқлари бўйича Ўзбекистон Республикаси Миллий марказининг фахрийси.

II. Инсон ҳуқуқларини ҳимоя қилиш соҳасидаги нодавлат ташкилотларнинг фаолияти учун:

"VETERAN" жангчи-фахрий ва ногиронлари бирлашмаси;

"Тараққиёт стратегияси" маркази;

Ўзбекистон истеъмолчилар ҳуқуқларини ҳимоя қилиш жамиятлари федерацияси.

III. Аёллар ва болалар ҳуқуқларини ҳимоя қилишдаги ҳиссаси учун:

Раҳимова Гулнора Хошимовна – Ўзбекистон Иқтисодиёт ва молия вазири ўринбосари;

Хусанова Дилноза Ғафуровна – Ўзбекистон Президенти ҳузуридаги Ижтимоий ҳимоя миллий агентлиги бош мутахассиси.

IV. Инсон ҳуқуқлари соҳасидаги таълим ва тарғиботдаги ҳиссаси учун:

Матчанов Олимжон Отабоевич – Ўзбекистон ИИВ Академиясининг факультет бошлиғи;

"YURIST VA KADR" хусусий таълим муассасаси.

Бобо қуёшга раҳмат!

Қуёшнинг қиздириши ва ҳароратнинг 10 даражадан кўтарилиши бугун воҳа тарафда Бухородан Сирдарёгача метан заправкаларни навбатларсиз ишлашига имкон берган. Яъни қуёш тафти труба ва станциялардаги газ босимини кўтариб берган.

Эртагаям шу жараён давом этиши мумкин. Совуқ ҳарорат сақланиб қолаётган водий тарафда газ заправкалар ёпиқ ёки қаттиқ чекловлар билан ишламоқда.

Табиийки, савол туғилади: труба ва станцияларда газ босими фақат қуёш қиздирганида ошса, совуқ тушганида пасайиб кетса, охирги 3 йилда ўрнатилган, таъмирланган ва янгиланган компрессорлар қани?

Ахир газ омборлари, тақсимлаш ва узатиш станцияларидаги компрессорлар учун триллионлаб маблағ сарфландику.

Нега компрессорлар лозим даражада ишламаяпти? Нега тармоқда босим яратмаяпти? Ким эди компрессорларни таъмирлаган ва янгилаган олифта пудратчилар? Сотиб олинган компрессорлар спецификацияси ва нархи талабларга ва бозор нархига қанчалик мувофиқ?

Нега Астана ва Павлодарда минус 25 ҳароратда газ трубаларида босим тушиб кетмайди, Тошкент ва Андижонда ноль даражада ҳам босим йўқ?

Энди нима бўлади?

Экспертиза вазир Мирзамаҳмудов аризаси бўйича кўрсатилган ҳолатларда ҳақорат ва обрўсизлантириш бор ёки йўқлигини аниқлаши керак. ИИБ шикоят аризасига менинг бугунги тушунтириш ва кўрсатмаларимни қўшиб экспертизага юбориши керак. Балки зарурият туғилса, қўшимча маълумот ва кўрсатмалар тўпланиши мумкин.

Нима бўлгандаям вазирнинг ҳатти-ҳаракатини энергоцензурага уриниш деб қабул қилдим, қисқа айтганда, аҳволи тобора оғирлашаётган энергетикадаги муаммоларни ечиш, бартараф этиш ўрнига,  танқидни тўхтатишга, ёпиқлик муҳитини яратишга ва кучайтиришга уриниш деб баҳолайман.

Бу уринишлар қанча маъмурий ресурс йўналтирилмасин, самарасиз.

Ҳозирча мавжуд имкониятлар шароитида энергетикадаги оғир аҳвол ҳақида ўрганиш, сабаблари тўғрисида ёзиш ва масъулларга ёқимсиз савол бериш мумкин экан, бу давом этаверади.

Қолаверса, ҳамманинг овози барибир ўчириб бўлмайди.

Танқид учун тақиб қилиш жиноий жавобгарликка сабаб бўлади!

Жисмоний шахсни, унинг вакилини, уларнинг оила аъзоларини, юридик шахсни, унинг вакилини ва юридик шахс вакилининг оила аъзоларини улар давлат органига, давлат муассасасига ёки фуқароларнинг ўзини ўзи бошқариш органларига мурожаат қилганлиги муносабати билан ёхуд билдирилган фикри ва мурожаатидаги танқид учун, худди шунингдек бошқача шаклда танқид қилганлиги учун мансабдор шахс томонидан таъқиб этиш —базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади.

ЖК 144-модда

Ўзбекистонда букмекерлик идоралари фаолиятига рухсат берилмоқда

Ҳукуматнинг «Лотереялар ва таваккалчиликка асосланган ўйинларни ташкил этиш ва ўтказишни тартибга солишни такомиллаштириш чора-тадбирлари тўғрисида»ги президент фармони ижросини таъминлаш чора-тадбирлари тўғрисида” қарори қабул қилинди.

Қарорга мувофиқ, ставкалар ва ўйинларнинг ягона давлат реестри юритилади. Унда ўйинчилар, чекловлар, шунингдек, ўйинларда сарфлаш мумкин бўлган маблағлар бўйича лимитлар ҳамда молиявий транзакциялар юритилади.

Лицензия талабларига кўра, букмекерлик фаолияти ташкилотчиси устав капитали камида БҲМнинг 150 минг баравари миқдорида (56 млрд 250 млн сўм), лотерея ташкилотчисининг устав капитали эса 55 минг баравар (20 млрд 625 млн сўм) миқдорида бўлиши лозим.

Букмекерлик фаолиятини амалга оширишга лицензия учун ариза берилганда БҲМнинг 500 баравари (187,5 млн сўм) миқдори йиғим олинади. Лицензия ўзгартирилганда, лицензия учун тўловнинг 50 фоиз миқдорида тўлов қилинади. Шунингдек лоторея ташкилотчиси ўйин ҳажмининг 0,1 фоиз миқдорида маблағни лицензияловчи ташкилот ҳисобига ўтказиб туради.

Ушбу қоидалар «Лицензиялаш, рухсат бериш ва хабардор қилиш тартиб-таомиллари тўғрисида»ги қонунга букмекерлик фаолиятини лицензиялашга оид тегишли ўзгартириш ва қўшимчалар киритилгандан сўнг кучга киради.

Айблов ҳукми тахминларга асосланган бўлиши мумкин эмас ва фақат судланувчининг жиноят содир этишда айбли эканлиги суд муҳокамаси давомида исбот қилинган тақдирдагина чиқарилади. Айблов ҳукмига жиноят содир этилишининг иш бўйича барча мумкин бўлган ҳолатларини текшириш, иш материалларида маълум бўлиб қолган барча кам-кўстни тўлдириш, юзага келган ҳамма шубҳа ва қарама-қаршиликларга барҳам бериш натижасида йиғилган ишончли далилларгина асос қилиб олиниши лозим.

ЖПК 463-модда

Сиёсатшунос Камолиддин Раббимовнинг волидаи муҳтарамалари вафоти муносабати билан MANIFEST жамоаси таъзия билдиради.

Аллоҳ таоло марҳуманинг бу дунёда қилган барча солиҳ амалларининг ажрини зиёдаси билан бериб, иймонларини саломат қилсин, Ўз мағфиратига олсин, барча саҳву хатоларини кечирсин, раҳматига чулғасин, қабрларини жаннат боғчаларидан қилиб, охиратларини обод айласин, жаннатнинг олий даражаларига етказсин.

Ислом оламининг улуғ мутафаккирлари, хусусан юртдошларимиз Абу Наср Форобий, Абу Али ибн Сино ва Абу Ҳомид Ғаззолийлар дунёвий фанлар орасида энг афзали, энг улуғи ва энг шарафлиси сиёсат илми эканлигини таъкидлаганлар.

Аниқ ва табиий фанларга асосланган билимлар ўрганишга энг осон, энг содда ва энг бирламчи билимлар ҳисобланади. Ҳатто, тиббиёт фани Абу Али ибн Синонинг хоббиси бўлган, деса ҳам бўлади.

Абу Али ибн Синонинг асл йўналиши ҳаёт фалсафаси, жамиятшунослик, метафизика ва сиёсат бўлган. Унинг ҳам "Фозил одамлар шаҳри" сингари китоби мавжуд бўлиб, бошқа китоблар таркибида ўрин олган.

Бугун ислом оламидаги зиёлилар оқсаётган энг муҳим соҳа ҳам айнан сиёсатшуносликдир. Қачонки биз сиёсат соҳасини яхши ўргансакгина, маънавий ва маърифий жиҳатдан камолотга эришамиз.

Сиёсат қандай ўрганилади?!

1. Сиёсат аниқ фан эмас. Унинг маълум қоидалари ва аниқ мезонлари йўқ. Сиёсат бир кишидан ўрганилмайди. Бир мутахассиснинг фикри тўғри чиқавермайди. Ҳудди тил сингари, сиёсат ижтимоий фандир. Бунда бир киши маълум нарсаларни билиши, бошқа киши бошқа нарсаларни билиши мумкин. Олимларнинг ўзаро иттифоқ қилган нарсалари аниқроқ бўлади. Шунинг учун ҳам, сиёсатда бир олимнинг фикрини ушлаб, ўзингиз тушунмаган мавзуда бошқа олимни танқид қилинмайди. Сиёсатни ўрганишдаги энг катта хато "Мана, фалончи бундай деяпти, сиз нима дейсиз" дейишдир.

2. Сиёсат ўзгарувчан соҳадир. Бугунги мақсадлар эртанги воқеъликка тўғри келмаслиги мумкин. Шунинг учун ҳам, сиёсатшуносларнинг бугунги гапи бугунга тўғри, эртага нотўғри бўлиб чиқиши мумкин.

3. Сиёсат тарих билан бирга ўрганилади. Сиёсий тарихни ўрганган инсон бугунги сиёсатни англаш ёки тажрибалироқ бўлиш имконига эга бўлади. Масалан, тарихий шартномалар қандай шартларда имзоланган ва уни тарафлар қандай бузганлигини билиш, мавжуд шартномаларни ҳам эртага қандай бузилиши мумкинлигини кўрсатиб бериши мумкин.

4. Сиёсат фалсафа билан ўрганилади. Сиёсат гуманитар фандир. Ҳар гуманитар соҳа инсоннинг ички кечинмалари, ҳаётий мақсадлари, дунёқарашлари билан боғлиқдир. Сиёсий кучларнинг дунёқарашини, яъни ҳаёт фалсафасини билиш, уларнинг ишларидаги мақсадларини тахмин қилишни осонлаштиради.

Шундай сиёсий-фалсафий назарияларга, масалан, либераллик, анъанавийлик, исломийлик, утилитеризм, модернизм, бундан ташқари, материализм, капитализм, гедонизм ва бошқа қарашлар ҳам киради. Қайси сиёсий кучнинг қандай дунёқарашда эканлигини билиш, уларнинг хоҳишларини англаш имконини беради. Хўш, сиёсат фалсафаси ҳақида нималарни биласиз?

5. Сиёсат воқеълик билан ўрганилади. Сиёсат амалий фандир. Сиёсат соҳасида фикр билдириш ва хулоса чиқариш дастлабки, мавжуд маълумотларни талаб этади. Кимда воқеълик ҳақида (яширин ва ошкор) маълумотларга эришим кўпроқ бўлса, унинг фикрлари аниқ, башоратлари тўғрироқ чиқиш имкониятлари ортади. Бу ҳудди "Қора оққуш" феноменига ўхшайди. Бир инсон фақат оқ рангдаги оққушлар атрофида (масалан, омма учун тайёрланган маълумотлар) билими шаклланган бўлса, унинг оққуш ҳақидаги хулосаси "Оққуш оқ рангда бўлади" шаклида бўлади. Кимнинг қора оққушлар ҳақидаги (маҳфий маълумотларга) эришими бўлса, у "Оққуш қора ҳам бўлади" дейди.

Узун гапнинг қисқаси, сиёсатни тизимли ўрганмай туриб сиёсатни тушунолмайсиз.

Сиёсат мураккаб, лекин энг шарафли фандир.

Ҳикмат истаганга...

Камбағал оила фарзандларини чет тили, IT ва касб-ҳунарга ўқитиш учун қўшимча имкониятлар яратилади. 1 мартгача тўгараклар очилиб, камбағал оиладаги 118 минг ёшларни ўқитишни бошланади.

Тўгарак харажати 80 фоизгача бюджетдан қопланади.

Камбағал оилалар фарзандларини тайёрлаб, 2025 йилда 3,5 минг ёшларни олийгоҳга грант асосида қабул қилинади.

Олийгоҳ ректорлари ҳам камбағал оиладан жами 4 минг нафар ёшларни ўқитишга бош-қош бўлади. Бу бўйича вазио Қ.Шариповга тегишли топшириқлар берилди.