RSN WEB

🟣 တောင်ဥက္ကလာမြို့နယ်

နိုဝင်ဘာ ၂၁ ရက်နေ့ ည ၉ နာရီခန့်က တောင်ဥက္ကလာမြို့နယ်၊ ငွေတောင်စားသောက်ဆိုင်ဘေးရှိ ၁၄ ရပ်ကွက်ရုံးကို ပစ်မှတ်ထား၍ မြောက်ဥက္ကလာမြို့နယ် ပကဖ အဖွဲ့မှ လက်ပစ်ဗုံး ၂ လုံးဖြင့် တိုက်ခိုက်ခဲ့ကြောင်း သိရှိရသည်။

၂၀၂၃ ခုနှစ်တွင် မစ်ရှင်းလုပ်ဆောင်ရင်း ငွေတောင်စားသောက်ဆိုင်ဝန်ထမ်းများ၏ ဖမ်းဆီးသတ် ဖြတ်ခြင်း ခံလိုက်ရသော ရဲဘော် ချောကလက် (ခ) သာဒင်အတွက် လက်စားချေတုန့်ပြန်သည့် အနေဖြင့် တိုက်ခိုက်ခဲ့ခြင်းဖြစ်ကြောင်းလည်း သိရသည်။ – Khit Thit

22 Nov 2024
#RangoonScoutNetwork

DAILY HIGHLIGHTS (21 Nov 2024) - 1
•••••••••••••••®•••••••••••••••
⚠️ စစ်ရေးထူးခြားသတင်းများ

ရခိုင်၊ တောင်ကုတ်မြို့ပေါ်ကို အေအေထိန်းချုပ် – BBC

လေကြောင်းမှ အပြင်းအထန်ခုခံခဲ့သော်လည်း အမ်းရှိ ခမရ ၃၇၁ကို စစ်ကောင်စီ လက်လွှတ်လိုက်ရ – AT

ကန်ပိုက်တီမြို့နှင့် တရုတ်-မြန်မာ နယ်စပ် ချစ်ကြည်ရေး ဥမင်လှိုဏ်ခေါင်းတွင် ကချင်အမျိုးသားအလံတော်ကို KIA က လွှင့်တင်လိုက်ပြီး ထွက်ပြေးနေသော စစ်ကောင်စီဘက်တော်သားများကို ဖမ်းဆီးရှင်းလင်းနေ – KT

စစ်ကောင်စီက ဆုံးရှုံးသွားသော အရှေ့မြောက်တိုင်းစစ်ဌာနချုပ် အပါအဝင် ဒကစနှင့် ဗျူဟာဌာနများ၊ မြို့နယ် အုပ်ချုပ်ရေးအဖွဲ့များကို ပြန်လည်ဖွဲ့စည်း၊ နယ်မြေများ ပြန်သိမ်းပိုက်ပြီးပါက ချက်ချင်းအစားထိုးနိုင်ရေး အသင့်ပြင် – KT
•••
📊 စီးပွားရေးထူးခြားသတင်းများ

စည်းကမ်းတင်းကျပ် အခွန်ကောက်မှုများကြောင့် အွန်လိုင်းဈေးရောင်းလုပ်ငန်းများ အခက်ကြုံ – DVB

ပို့ကုန်ရငွေ ၂၅ ရာခိုင်နှုန်းကို ဗဟိုဘဏ်သတ်မှတ်နှုန်းဖြင့် ပေးသွင်းနေရသဖြင့် ကုန်သည်များ အရှုံးပေါ် – DVB

တရုတ်စီမံကိန်း တည်ရှိသည့် ကျောက်ဖြူတွင် ဘဏ်စနစ်အားလုံးရပ်ဆိုင်း – DVB

ရွှေရည်ညွှန်းဈေး ကျပ်၂သိန်းနီးပါး ပြန်မြင့်တက် – DVB

ဗဟိုဘဏ်က ဒေါ်လာ သန်း ၂၀ နှင့် ဘတ် သန်း ၁၀၀ ထုတ်ရောင်း – DVB
•••
🖥 အခြားထူးခြားသတင်းများ

ခြံအမှတ် ၅၄ ကို လေလံကြမ်းခင်းဈေး ထပ်မံလျှော့ချရန် တရားရုံးဆုံးဖြတ် – DVB

ခြံအမှတ် ၅၄ ကို ဈေးလျှော့ပြီး ရောင်းချမဲ့အပေါ် ဒေါ်အောင်ဆန်းစုကြည် ရှေ့နေအဖွဲ့ ကန့်ကွက် – RFA

နေပြည်တော်၊ ပုဗ္ဗသီရိမြို့နယ်တွင် ဝန်ကြီးဟောင်း၊ ဗိုလ်မှူးချုပ်ဟောင်းများနှင့် စစ်အရာရှိဟောင်းများ၏ နေအိမ်များကို စည်ပင်ပိုင်မြေ ကျူးကျော်သည်ဟုဆိုကာ စစ်တပ်၊ရဲနှင့်စည်ပင်များက ဝင်ရောက်ဖျက်ဆီး – KT

လူဦးရေရဲ့ ၆၃ ရာခိုင်နှုန်းကျော်ကို သန်းခေါင်စာရင်း ကောက်ယူ နိုင်ခဲ့ – BBC

သန်းခေါင်စာရင်း ရှေ့ပြေးအစီရင်ခံစာကို ဒီဇင်ဘာလဆန်း စစ်ကောင်စီ ထုတ်ပြန်မည် – DVB
•••
နိုဝင်ဘာ ၂၁ ရက်နေ့တွင် 🌐 နိုင်ငံခြားရေးထူးခြားသတင်း များပြားသဖြင့် သပ်သပ်ခွဲ၍ နိုင်ငံအလိုက် ဖော်ပြထားသည်။

DAILY HIGHLIGHTS (21 Nov 2024) - 2

#RangoonScoutNetwork

DAILY HIGHLIGHTS (21 Nov 2024) - 2
•••••••••••••••®•••••••••••••••
🌐 နိုင်ငံခြားရေးထူးခြားသတင်းများ

🇨🇳 တရုတ်

စစ်ကောင်စီအသက်ဆက်နိုင်ရေး ယွမ်ငွေဘီလီယံချီ တရုတ်ကူညီမည် – MN

တော်လှန်ရေးတပ်ထိန်းချုပ်ဒေသများကို ဆက်လက်ပိတ်ဆို့ပေးမည့် ကတိကဝတ် တရုတ်ထံမှရခဲ့ကြောင်း စစ်ကောင်စီကြေညာ – MN

မူဆယ် ကျင်စန်းကျော့ - ဝမ်တိန် ဂိတ် ပြန်ဖွင့် – DVB
•••
🇷🇺 ရုရှား

စစ်ခေါင်းဆောင်က ၎င်း၏ တရုတ်ခရီးစဉ်အပြီး စစ်ရေးကိစ္စအတွက် ရုရှားသို့ ထပ်မံသွားရောက်ရန် ပြင်ဆင် – AT
•••
🚩 အာဆီယံ

စစ်ကောင်စီကာကွယ်ရေး ညွှန်ချုပ် လာအိုမှာကျင်းပတဲ့ အာဆီယံ ADMM Plus အစည်းအဝေးကို တက်ရောက် – BBC

နေပြည်တော်ကို ပထမဆုံးသွားခဲ့တဲ့ အာဆီယံအထူးသံ ကမ္ဘောဒီးယားနိုင်ငံခြားရေးဝန်ကြီးအဖြစ် ပြန်လည်ခန့်အပ်ခံရ – BBC

မြန်မာလုပ်ရပ်ကြောင့် အာဆီယံ ထိခိုက်ဟု စင်ကာပူ ကာကွယ်ရေးဝန်ကြီးပြော – TI

မြန်မာပဋိပက္ခကြောင့် ထိုင်းအိမ်ခြံမြေ အဝယ်လိုက်နေ – TI
•••
🇺🇳 ကုလသမဂ္ဂ

မြန်မာ့အရေး လုံခြုံရေးကောင်စီ တံခါးပိတ်စည်းဝေး – VOA

မြန်မာ့အရေး ဆုံးဖြတ်ချက်အဆိုမူကြမ်းကို ကုလလုံခြုံရေးကောင်စီ အဖွဲ့ဝင်နိုင်ငံအချို့ တားဆီးပိတ်ပင် – PS

မြန်မာတွင် လူဦးရေ ၁၃သန်းကျော် စားနပ်ရိက္ခာ လုံလောက်မှုမရဟု WFP ပြော – TI
•••
🇪🇺 ဥရောပ

မြန်မာစစ်တပ်ကို လက်နက်ခဲယမ်းနှင့် ထောက်လှမ်းနည်းပညာလွှဲပြောင်းရောင်းချခြင်းမပြုရန် EU တောင်းဆို – DVB

စစ်တပ်က ဩဂုတ်နဲ့ အောက်တိုဘာမှာ လေကြောင်းတိုက်ခိုက်မှု အမြင့်ဆုံးလုပ်ခဲ့တယ်လို့ ဗြိတိန်ပြော – BBC
•••
🇧🇩 ဘင်္ဂလာဒေ့ရှ်

ကျူးကျော်ဝင်ရောက်လာသော ဘင်္ဂလားဒေ့ရှ်ငါးဖမ်းသမားများ GBF ထံ AA ပြန်လွှဲ – TI

#RangoonScoutNetwork

🟣 မှော်ဘီမြို့နယ်

ယနေ့ ညနေ ၅ နာရီ ၁၀ မိနစ်ခန့်တွင် မှော်ဘီမြို့နယ်၊ စစ်ကောင်စီ မြဝတီအသံလွှင့်ဌာကို ပစ်မှတ်ထား၍  Yangon Army တပ်ဖွဲ့က အဖွဲ့တည်ထောင်ခြင်း ၁ နှစ်ပြည့်အထိမ်းအမှတ်အဖြစ် M79 လက်နက်၊ ၄၀ မမ  ဗုံး ၃ လုံးဖြင့် ပစ်ခတ်တိုက်ခိုက်ခဲ့ကြောင်း သိရှိရသည်။ – Yangon Army

21 Nov 2024
#RangoonScoutNetwork

DAILY HIGHLIGHTS (20 Nov 2024)
•••••••••••••••®•••••••••••••••
⚠️ စစ်ရေးထူးခြားသတင်းများ

တရုတ်နိုင်ငံ၏ ဖိအားရှိနေသည့်ကြားမှ နှစ်နိုင်ငံနယ်စပ်မြို့ ကန်ပိုက်တီကို KIA က အပြီးသတ် တိုက်ခိုက် သိမ်းပိုက်၊ ကချင်အထူးဒေသ ၁ တစ်ခုလုံးကို KIA က လုံး၀ ထိန်းချုပ်လိုက်ပြီ – KT

တရုတ်ဖိအားကြား လားရှိးကို MNDAA အင်အားဖြည့် – TI

ဆီဆိုင်တွင် စစ်တပ်နှင့် ပြည်သူ့စစ်ပူးပေါင်း ထိုးစစ်ဆင် – TI

⚠️ မိတ်ဖက်ပြဿနာ

ချင်းပြည်နယ်တွင် တော်လှန်ရေးတပ်ဖွဲ့အချင်းချင်း ဖြစ်ပွားသော ပဋိပက္ခသည် AA နှင့် မဆိုင်ဟု MDF ပြော – AT

🌐 နိုင်ငံခြားရေးထူးခြားသတင်းများ

တရုတ်နိုင်ငံက မိမိတို့ဘက်မှ ပြတ်ပြတ်သားသား ရပ်တည်ဟု အကြမ်းဖက် မင်းအောင်လှိုင် ပြော – KT

အမည်ပျက် ရုရှားအုပ်ချုပ်ရေးမှူးကို မင်းအောင်လှိင် ကော်ဇောနီနဲ့ ကြိုဆို – TI

ဆီးရီးယားကို ကျော်တက်ပြီး မြန်မာက မြေမြှုပ်မိုင်းကြောင့် ထိခိုက်သေဆုံးမှု အများဆုံးဖြစ်လာ – TI

📊 စီးပွားရေးထူးခြားသတင်းများ

ဆုံးရှုးနယ်မြေများသို လောင်စာဆီမရောက်ရေး စစ်ကောင်စီ ပိတ်ဆို – TI

🗑 ကျားဖြန့်

တန့်ယန်းမှာ ကျားဖြန့်လုပ်တဲ့တရုတ် ၇၀၀ ကျော်ကို ‘ဝ’ တပ်က တရုတ်ဘက်ကို လွှဲပြောင်း – BBC

🖥 အခြားထူးခြားသတင်းများ

စစ်ခေါင်းဆောင်မင်းအောင်လှိုင် တရုတ်ကပြန်ရောက်လာပြီးနောက် ဟိုတယ်ခရီးဝန်ထမ်းများအား တရုတ်ဘာသာစကားသင်ခိုင်း – PS

#rangoonscoutnetwork

🟣 မင်္ဂလာဒုံမြို့နယ်

ယနေ့ည ၆ နာရီ ၅၅ မိနစ်ခန့်တွင် မင်္ဂလာဒုံမြို့နယ်၊ ခရေပင်လမ်းခွဲနှင့် ပြည်လမ်းထောင့်ရှိ မင်္ဂလာဒုံ မြို့မရဲတပ်ဖွဲ့စခန်းကို ပစ်မှတ်ထား၍ Dark Shadow တပ်ဖွဲ့မှ တိုက်ခိုက်ခဲ့ပြီး ရန်သူဘက်မှ ပြန်လှန်ပစ်ခတ်မှုဖြစ်ပွားခဲ့သော်လည်း ထိခိုက်မှုမရှိ ဘေးကင်းစွာ ဆုတ်ခွာနိုင်ခဲ့ကြကြောင်း သိရှိရသည်။ – Dark Shadow

20 Nov 2024
#RangoonScoutNetwork

'ကျိုက်လတ်တွင် အင်အား ၄ ဒသမ ၅ အဆင့်ရှိ ငလျင်လှုပ်ခတ်'

... မြေငလျင် တခု ယနေ့ ညနေ ၅ နာရီ ၄၈ မိနစ်အချိန်တွင် လှုပ်ခတ်သွားကြောင်း စစ်ကောင်စီ လက် အောက်ခံ မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်သည်။

ကမ္ဘာအေးမြေငလျင်စခန်းမှ အနောက်တောင်ဘက် ၄၂ မိုင်ခန့်ကွာဝေးသော ကျိုက်လတ်မြို့၏ အနောက်ဘက် ၃ မိုင်ခန့်အကွာ၊ မြောက်လတ္တီတွဒ် (၁၆ ဒသမ ၄၅) ဒီဂရီ၊ အရှေ့လောင်ဂျီတွဒ် (၉၅ ဒသမ ၆၈)ဒီဂရီ၊ အနက်(၁၀)ကီလိုမီတာကို ဗဟိုပြု၍ အင်အားရစ်(ခ်) တာစကေး (၄ ဒသမ ၅) အဆင့်ရှိ အင်အားအနည်းငယ်ရှိသော မြေငလျင်တခု လှုပ်သွားကြောင်း မိုးဇလက ဖော်ပြထားသည်။

အဆိုပါ မြေငလျင်လှုပ်ခတ်မှုကို ရန်ကုန်မြို့နေပြည်သူများပါ သိသိသာသာ ခံစားလိုက်ရကြောင်း ပြောဆိုရေးသားထားကြသည်။ – The Irrawaddy

20 Nov 2024
#RangoonScoutNetwork

DAILY HIGHLIGHTS (19 Nov 2024)
•••••••••••••••®•••••••••••••••
⚠️ စစ်ရေးထူးခြားသတင်းများ

စစ်ကောင်စီနှင့် ရှမ်းနီ တပ်စခန်း ၄ ခုထက်မနည်းကို KIA ဦးဆောင်သော တော်လှန်ရေးတပ်များက တိုက်ခိုက်သိမ်းပိုက်လိုက်ပြီး KPDF ၂ ဦးကျဆုံး – KT

အနန်းကွင်းစစ်ဗျူဟာ စခန်းသိမ်းတိုက်ပွဲ ပြင်းထန် – DVB

🌐 နိုင်ငံခြားရေးထူးခြားသတင်းများ

MNDAA ခေါင်းဆောင် ဦးဖုန်တာရွှင်ကို ထိန်းသိမ်းထားမှု တရုတ်ငြင်း – TI

AA ၏ ထိုးစစ်ကြောင့် ကျောက်ဖြူ အထူး စီးပွားရေးဇုန် စီမံကိန်းကို ကာကွယ်ရန် တရုတ်- စစ်ကောင်စီ ပူးတွဲ လုံခြုံရေး အဖွဲ့ကို ဗိုလ်ချုပ်ကျော်ရွှေထွန်း ဦးဆောင်ပြီး တရုတ်များပါ ပါဝင်ဖွဲ့စည်း – KT

မူဆယ် ဆင်ဖြူဂိတ်ကို တရုတ်နိုင်ငံဘက်က ပြန်ဖွင့်ပေး – RFA

မြန်မာသံရုံးဘက်က ထောက်ခံချက်မရ၍ အိန္ဒိယအကျဥ်းထောင်မှ မလွတ်မြောက်ဟု ထောင်အာဏာပိုင် ဆို – MZM

အိန္ဒိယထောင်တွင် အကျဥ်းကျနေသည့် မြန်မာနိုင်ငံသားများ ထောင်အာဏာပိုင်နှင့်ဆွေးနွေးပြီးနောက် အစာငတ်ခံဆန္ဒပြမှုရပ်ဆိုင်း – MZM

ထိုင်းတွင်မွေးသည့် မြန်မာကလေးငယ်များ မွေးစာရင်းလုပ်ရန် စစ်ကောင်စီသံရုံးထုတ်ပြန် – DVB

📊 စီးပွားရေးထူးခြားသတင်းများ

နိုင်ငံခြားငွေလိုနေတဲ့ စစ်ကောင်စီ ကျောက်စိမ်းတွဲ ပိုထုတ်ရောင်းလာ – TI

#rangoonscoutnetwork