.......

*بشان وصايه ام البنين عليها السلام*

🚩🚩🚩🚩🚩🚩

*يبني يبني ياعباس … يمه ردتك ترفع الراس*

*حامي عن خدر العقيله الهاشميه*
*حتى لو گطعو اچفوفك يالشفيه*

&&&&

يبني يانعم الفخر … ردتك لزينب ذخر
ترفع الراس
جودك ايروي الحرم …حتى لو طاح العلم
يبو النوماس
تبگى كافل للابد … حتى لوصابك عمد
تشهد الناس
عهد ونطيته العلي …تفدي روحك للولي
لاخر انفاس

*يمه ردتك بالطفوف… سيفك ايهز الالوف*

*لا تدوس حسين خيل الاعوجيه*
*حتى لو گطعو اچفوفك يالشفيه*
&&&&

اقسم بتعبي عليك… ارفع الرايه بيديك
الكربلا روح
ذل عروش الظالمين...افدي نفسك للحسين
ابذل الروح
صول صولة والدك… الموت اريده يمجدك
تشهد السوح
گدها اعرف يابطل … أنته ترباة الفحل
صيتك يلوح

*ياگمر حامي الضعون …وري خصمك الفنون*


*تجري بعروكك الغيره الحيدريه*
*حتى لو گطعو چفوفك يالشفيه*
&&&&


عدك الغيره صفه … أنه رضعتك وفه
أبعمر يوم
چنت الوليك دمع … انظر اكماطك درع
مخضب ادموم
طيف وبعيني نرسم... أتخيلك رافع علم
بين النجوم
إلك ناغيت بهمس … ضحي يبني بالنفس
بحر العلوم

*حسين احميله ظهره … الخصم ذله وكسره*

*بيك بيض وجهي يم امه الزجيه*
*حتى لو گطعو اجفوفك يالشفيه*
&&&&

انه ربيت البنين … لجل خاطر الحسين
بدمع العيون
اربعه كلهم صگور … تحامي الذيچ الخدور
من يطبون
بالحرب نعم السند … لبن والدهم عضد
مايقصرون
يضحو ابدم النحر … مايهابون الخطر
من يهجمون

*بكربلا اخذو الشهاده… دخلو الجنه بسعاده*

*كون بجوار النبي وحيدر وصيه*
*حتى لو گطعو اچفوفك يالشفيه*



*بقلم الاخوات*
*عاشقة الولايه*
*و_ام اباذر السكيني*


*نسالكم الدعاء*