بعشك ابو اليمه لاتلوموني
على هالفطره اهلي ربوني
___________

أرضعت حبه من حليب امي
ساكن بروحي ويجري بدمي
بالشدد انخاه وينجلي همي
وبسمه اتمنه يقترن اسمي

خادمه اتشرف لو يسموني
بعشگ ابو اليمه لاتلوموني
___________

بخدمة اتعله و يرتفع شاني
حسين البدمه ثبت ايماني
أبقه له خادم وهوا سلطاني
والدموع اعليه اتثقل اوزاني

دخيل يحظرني من يدفنوني
بعشگ ابو اليمه لاتلوموني
_______________

بالحشر هوا شافع ذنوبي
بدمه نورلي ظلمة دروبي
أية الباري هوا محبوبي
يامن تزوره خذله مكتوبي

لجله خطيته بدمعة عيوني
بعشگ ابو اليمه لاتلوموني
___________

يامن تزوره وتوصل القبره
هاك مرسالي وصله للحظره
حاجتي صعبه واقسم بنحره
ارتجي منه بس ولو نظره

سيدي حشاه يخيب اضنوني
بعشگ ابو اليمه لاتلوموني
___________

حاشه يخذلني بشدتي مجربه
بس احشمنه والثم التربه
والنعم يگضي حاجتي الصعبه
بفضله يبارك رزق النكسبه

حسين من خيره مالي ماعوني
بعشگ ابو اليمه لاتلوموني

ام اباذر السكيني


https://t.me/rugeamajeed