•| مساحــ(كتاباتي)ــتي الخاصة ? |• ♡

طالما قلت ساحاول ان 😂😂😂💔
يعني عادك مش متقبل الموضوع 😂😂

المهم بالتوفيق وان شاء بتستمتع به وترجع تحمدالله انك دخلته 🌚

وااااااااو قصتك لحاااال 😦
ايش كنت تحلم ✈️
وايش حاولت تدخل 💡
وايش بالاخير دخلت 👨‍⚕
لفيت كل بقعه وجربت كل شي
بس مثل ماقلت مايختار الله الا الخير
وبما انك قد دخلت الطب وودفت استمتع به 😂🤣

#الجزء_الأخير
°• حلم و قضاء و قدر °•

اهم شي طلعين النتائج ولا انقبلت في واحده لا الطب ذاكرت له ولا الهندسة سبرت جاء الدبور و المرض وقت الإختبار .. بدات افكر اسافر أوكرانيا قالوا الدراسه حالية و رخصية وقدهي اوكرانيا احسن من الدراسة بجامعة خاصة .. خليتها في رأسي بعدا يكلمني صاحبي ليش ما تقدم موازي طب .. كذا اذا انقبلت انقبلت ولا سافرت وزد قال لي ١٠ ايام ذاكر هو و انقبل .. و ابي قال ضروري أقدم و أعمامي و عماتي و عيال خالي و البيت كلهم يقولوا قدم طب و يقنعوني بالطب .. بدأت الفكرة برأسي قلت شبسر و أقدم ..سرت سجلت قبل اخر يوم موازي في صنعاء طب و سجلت في جامعة ٢١ سبتمبر و كانت الهندسة عادة مغلق .. يومين مدري 3 ايام ذاكرت فيهن و قلت على الله وسرت اختبر طب في صنعاء و بعدها بيومين اختبرت لغات كذا قلت احرب اشوف المستوى حقي كيف..و انقبلت فيها بدون ما يدرى أبي اني قدمت و اختبرت🤣 كان باقي لي المقابلة عتكون يوم الثلاثاء ، المهم الساعة ٢ بعد منتصف الليل وانا في بيت خالي مفتهن و ازبج و أنتر مع قد كنا ساع السكرانين كنا😂😂😅 ما رقدنا سوا اليوم اللي قبل اصلا مواصلين من اليوم اللي قبل و شنبكر الصباح المقابلة حق اللغات إلا توصل لي رساله من أبي تقول لي انقبلت في الطب .. كان قدنا نوم و ما ركزت سوا .. نمت و صحيت بدري عشان المقابلة افتح التلفون و اقرأ الخبر ..😅😌 اقيم ابن خالي قم قم هيا🙂 ولا قام اهم شي سحببته بالغرفه لما قام و قلت له .. فرح و صحصح طوالي قال كيف الآن قلت خلينا على ما حنا نسير المقابلة اشتي اختبر اللغة حقي كيف هي😝 سرت وانا مفتهن ..وصلت الكلية و الدنيا زحمه ساع اللي مساربين على محطة غاز ملان عيال و بنات .. و انتو داريين كيف جامعة صنعاء و التعامل و الطلاب المساكيين مرزوعين بين الشمس ..المهم لما قده ٩ فتحوا للطلاب يدخلوا وقسموا الاسماء المهم كنت امشي براحتي و الطلاب يتسابقوا عشان يدخلوا سريع و ويتصايحوا و انا اهنجم 😍😎 عليهم دلا دلا كلكم عتدخلوا .. وخر أفسح 😅 هذاك الوقت مثل ما يقول المثل
Like u have a million bucks in ur pocket ..
المهم ريعت لين الظهر و دخلت أقابل و سألوني و جاوبت و قالوا لي حط رقمك عشان نتواصل معك ... روحت البيت إلا و الكل فرحانين و يباركوا و يتصلوا ..😅 بس حتى مع الفرح كان في هذيك النظرات اللي ترمقك🤨 كأنهم يقولوا لو بس اشتحطت و ذاكرت سوا في إختبار العام زي الأوادم انك انقبلت عام بس يالا ولا مابش و انا أدي لهم الضحكة العريضة😁 اللي عامل فيها ولا فاهم حاجه ..

و بالاخير يعني انقبلت طب و تبهذلت في سنة اولى و تمردغت لما شبعت في ترم اول و ثاني كنت مش متأقلم مع الوضع وبدأت اتأقلم في ترم 3 و رابع 😅 و قدنا كومبر و معي إختبار حاليا .. دعواتكم😂

حتى لو انه خرجت المنحه بعد اول شهر من دراسه في ترم اول لاكن أبي رفض لانه هندسة قال قدك مقبول في صنعاء😏 لو هم عغيرواها لك طب سهل .. و رجعت دعممت . و الحمدالله انه حتى السفر لدراسه في اوكرانيا خربت على هذا و الوضع وسعر الصرف كانت عتوقع نكبة بعنف ..
و كمان الحالي بالموضوع انه اخوتي كلهم رجعوا يشتوا طب بعد ما وقعت فيه☻

واهم شي من أجمل ماقيل في الرضى ..
" عسى أن تكرهوا شيء وهو خيرا لكم ..💙"
وربك ما يختار لك شي إلا وهو خير لك 🌸
النهاية ..

#الجزء_الثاني
°• حلم و قضاء و قدر °•

بدات أدرس معاهد و جاء وقت ما يفتحوا المنح قدمت فيهن و أختار هندسة وانا مغمض😍 كنت أقرأ اي منحه طب اكنسلو أسحب عليها مشتيش 🙃 ..
قدمت هنا و هنا المهم البعض كان صعب تحصل على مقعد و خصوصا انه مافيش توفل و خاصه انه تخصص هندسه عليه ضغط . ..بس كنت مثابر و اشوف ناس اعرفهم و استفسر عن المنح وكيف سافروا .. بالاخير سبرت لي منح هندسة بروسيا راسلوني بس على اساس انهم بيدوا لي مقعد فقط و الصرفة علي و ايضا في نفس الوقت سبرت لي منحه الى جامعة الملك عبدالعزيز في جدة كانت على اساس متكاملة ، وصلي لي الأمر أنه ابدا اسبر أموري .. وفي هذاك الوقت كان قد بدأ التسجيل لإختبارات القبول في جامعة صنعاء و كنت سجلت هندسة 😍 و سجلت صيدلة من ريحة الطب من اقتراح الوالد مدام أنه ما اشتي طب .. 😅 طبعا فترة بسيطه قبل اختبار الصيدلة بفتره بسيطه وصل لي خبر القبول المبدأي .. ما صدقت انه خرج لي الأمر المبدأي بالقبول🙃 زبطت جامعة صنعاء طوالي قلت خلاص طز بجامعة صنعاء 🙂 بس رحت اختبر صيدلة عشان رغبة الوالد بدون مذاكرة ولا شي ء😂💔 و اختبرت هندسه نفس الشيء بدون مذاكره و بعدين سافرت القرية اغير جو بعده بأيام .. حتى مش عارف كم جبت في الهندسة والصيدلة 😇 #طزز قلنا😅😆
و بعدين بفترة شهرين او أقل تواصلوا معي انه أكمل الإجراءات و اسير اعمد الشهائد و أعمل لي جواز سفر عشان يدوا لي الفيزة و أسافر وانا متحمس قطبت اموري في أسبوع 😅😁 يالا خلصت وانا مفتهن قالوا عيرسلوا الامر حق الجامعة و الفيزة خلال الشهرين هذا😁😅 و قدنا فارح إلا و الحرب قرحت و خربت ام الشغلة.. و تكنسلت كل شي😁😂😃 و خرب كل شي😅😆 ها كيف قد كانت اموري جاهزه و شدرس هندسة للمه هكذا .كيف .. و الحل ؟! طار كل شي بلمح البصر ..يله أمر الله مابش نصيب .. عساه خير .. 🙂
واصلنا ندرس معهد و جت من جديد السنه الجايه .. مسحت يدي من السفر مع انهم وعدوني أن المنحه عاده بتتعامل من جديد ..قلت حرام ما اركن عليهم أصلا كل شي كان خارب في بلادي ، سرت قدمت في جامعة صنعاء هذه المره أبي اصر مابلا طب ولا طب يابه مشتيش الا هندسة قال قدمهن الثنتين قلت تمام و سرت اختبر وانا مش مذاكر سوا للطب ذاكرت يومين قبل الاختبار بيني وبينكم كنت مشتيش😅😆 وبعدين بأيام سرت اختبرت هندسة و قد كنت صليت من قبل استخاره بين الطب و الهندسة و المنحة .. اهم شي دخلت قاعة من حق كلية الشريعة اختبر فيها الا وقدنا اختبر بدأت الكلى توجع و البطن تلف .. يالطيف ايش هذا 😢 اشتي اخبتر عادنا ما حليت الرياضيات .. كيف اسوي افلته ..ماشي بدات احل الحاصل .. و هباش و واختيار على الحظ قدنا شطفح من الكلى ... اهم شي حليت الحاصل و خرجت ، داري اني هببت فيه 😞 بس ما نسوي أمر الله ..

#يتبع

•° حلم و قضاء و قدر .. °•

هو قسمته 3 اجزاء لانه طول قوي

#الجزء_الأول داري انه تهورت و نزلته بس سهل🤣

أذكر لما كنت صغير كان كل من سألني ايش حلمك اي تشتي تكون لما تكبر ؟!
بهذاك الوقت عيوني تفتحين و يلمعين و الابتسامة ترتسم و الصوت يعلى و أقول طياااااار ✈ .. وهم يقولوا ماشاء بس تكون تشلنا معك رحلات ببلاش ، و أستحي منهم و أقول طيب☺ .. أصلا هذيك الأيام كانت موضة و حلم كل طفل طبيعي يوقع طياار .. مش زي الآن تسأل طفل يقلك اوقع دكتور أو مهندس ولا مقوت اهم شي فلوس ، ما عليه اصلا هم كِبروا و ما شافوا طائرات ولا عرفوا مطارات ولا شي .. ما ينلاموا 💔.
و بعدين لما كنت ألتقي انا و أصحابي و اتفاخر انه بوقع طيار .. و يجي واحد منهم يسألني ها و كيف بتكون تعرف طريقك وانت بالجو ..هذيك الساعه ترتسم النظرة الخطيرة مع البراءة الطفولية 😏 و العين اليسار تلمع ؛ و تقول بتعالم "بعرف" للطريق من الجبال و الباقيين يشوفوا لك و التعجب و الفرح عليهم كيف انك خطير بتعرف الطريق من الجبال 😁 .
و بعدين كبرت سنه وراء سنة و أنا ما زلت صامد أشتي اوقع طيار بس ضروري تقابل المحلبطين و المكاسلين ولازم يخربوا عليك سنة الحياة و ضروري تلاقيهم بكل فترة حياتك ، كل ما تقوله اشتي اوقع طيار يقلك كيف بتوقع و بعدين يفتح فمه الا منه ٢٠ و ربع سنتميتر و يبدأ يسرد لك المعوقات ؛ انه يشتي لك ويشتي لك ... و انه مافيش و صعب ...إلخ المهم ما تصدق انه سكت ." تسمعه أنت لما تنسد نفسك و المشكلة ياليت انه مره واحد ..كل ما تقول تشتي توقع طيار يسرد لك نفس الكلام كانه أكل مسجلة ماشاء الله عليه😂 ..
المهم ترجع من كثرة الرفاس و المكاسلة حق الأوادم ترجع تفلت حلمك حق الطيران و ترجع حلم آخر اللي هو أغلب الناس الطبيعين يواصلوا فيه وقد يحققونه .. المهم رجعت و حولت من طيران إلى هندسة كوني أنه أحب الفيزياء و الرياضيات بس ايش من هندسة مش عارف😅 ما حددت ، المهم نفس السؤال كل ما تكبر لازم تنسأل فيه من عاد و عمرك 4 سنين لين تخلص الثانويه وهو يتردد عليك ..😁 ايش تشتي توقع لما تكبر ؟!
تقلهم خلاص بدرس هندسة و أوقع مهندس ، هو لازم احيانا انه في ناس يحاولوا يغيروا رأيك كنت أقول هندسة يقولوا حلو ماشاء الله بس الطب احسن ..🙃 وانا لا مش ممكن اوقع طبيب او أدرس طب اكره المستشفيات كان أبي " الله يحفظه " يشلني معه المستشفى عشان أحبه و اطلع طبيب زيه كنت أروح معه بس اجلس وسط السيارة او ألعب بالحوش حق المستشفى المهم ما ادخلش البناية😅 اكره المستشفيات و الامراض و هذيك الزحمة و عندك مريض يا ليد عالجووووه🤣 .. و الفكرة برأسي مش ممكن أدخل طب .. حتى أبي و امي الله يحفظهم يشتوني ادخل طب بس ايضا ما يشتوا يغصبوني على شيء ما أشتيه .. المهم كنت متمسك بفكرتي اوقع مهندس نفط ولا مدني ولا معماري ولا ألكتروني و اصلح روبوت كنت احبهم زمان و الآن ايضا .. المهم أي شي متعلق بالهندسة. ضليت على الفكرة لين تخرجت من الثانوية و جبت معدل حلو .😁

ومن هنا بيبدا مشوار النكبات خلاص يا سعم قدنا كبير 🤦🏻‍♂
#يتبع