أنا كل ماكنّي تشاليت من فرقاه
طرالي وزاد بميسمه بالحشا كيّه

وإذا قلت أبنسى يمكن إن خافقي ينساه
تزايد غلاه بدون ماجيب طاريّه

‏وإذا قلت أبسلا عن عذابه كيف أسلاه
وهو في الحشا محبته نارها حيّه

‏هو مادرا عن دمع عيني وكيف أجراه
غدا له على خدي علامه وماريّه

‏أنا ماعرفت شلون طعم الهوى لولاه
ولولاه مدري ويش معنى الرومنسيه

‏حبال الوصل بيده وعزّم على جفواه
علامه رحل وحبال الأشواق ملويه

‏ولو إنه حسب كم مرةٍ قال صدري آه
علي الحرام إن يقلب الجور حنيّه

‏عسى اللي بلاني به مع الوقت بي يبلاه
على شان ينسى طاري البعد موليه .