سنه وشهر
فاتـوا كأنهم يوم أو يومين ، فاتـوا وانت مش فيهم ، كل ساعه و كل ثانيه استاحشتك فيهم دعيتلك و بكيت و ولا حرف قادر يوصف ألم الايام من غيرك ولا كلمة نقدر نوصف بيها حجم الوجع اللي ساكن فيا ، كل جزء فيا ينادي عليك و كل شعور نعيشه يكون مربوط بيك كل مابكيت على شي تافه يكون السبب الحقيقي وراه غيابك ، لا انى قدرت نتعرف على نفسي من بعدك ولا الحياة قعدت حياة و انت مش فيها ، بكيت و انى ف وسط الزحمه بكيت و انى عز ما مشغوله بكيت عليك و عليا ندعي فيهم لـربي انك تكون مرتاح و بس ، بين ماعيوني مش ذايقات طعم الراحه ، بديت نحس بقلبـي حاجه سوده قاعده اظلم فـ الدنيا قدامي ، قد ما استاحشتك بديت معاش قادره نشوف لـصورتك و لا قادره ننطق اسمك منغير مانبكي عليك بشراهه ، فـ غيابك عرفت كيف ممكن الإنسان يعيش و هوَ مطفي بلَا أمل كيف يعيش من برا و يشبع موت من داخل ، ديمه كنت نقول يارب اجعل يومي قبل يومه ، فراقك كسرني ، نجاهد في يومي ان يفوت منغير مانحسس حد إن كل حاجه فيا مكسوره من داخل و ان والله قلبي ثقيل عليا ، ، ، ربي وحده يعلم مرارة الوجع و الغصه يعلم كل شعور بلعته في داخلي يعلم لوعة الفراق اللي مالي قلبي .

‏"كم من فواجع شتى قد بُليت بها ، لكن موتك لا شيء يُدانيه"