قناة سيد علي الموسوي

بالحسره العمر والنوح يبناه
نون ياعلي وساعه نون يبناه
البقيع اشوكت راعي الثار يبناه
وثاني كربلاء تصبح زهيه

وحگ البالعدل ناسه يمرهه
نار الحزن يتلاهب يمرهه
البقيع المهدي بالحسره يمرهه
وصبحهه يشوفه چنه مغربيه

سيد علي الموسوي

بقيع الغرقد ابيا ذنب مهدومه
والزهره عليهه اتنوح مهظومه

بقعه امن الجنان اگبور هالأطياب
واتعود ابنسبهه الأشرف الأنساب
نسأل واسئلتنه يا أولي الألباب
ليش امن الزياره صفت محرومه

مقبرة العلم والنور والتقوه
ومناير للشموخ ابيا ذنب تهوه
ملعون ابهدمهه الأصدر الفتوه
ناتج عن حقد هالفتوه مسمومه

هاي المقبره البيهه حماة الدين
علويات بيهه وبيهه معصومين
بيهه ام البنين الماتت اعله حسين
ولليوم العليله اتنوح مالومه

هذا اليوم يوم الفاجعه الكبره
وبهاي المصيبه الفاطمه اشنقره
الله ايعظم اجرچ صيحو يالزهره
واحبابچ يزهره الليله مهمومه

ويه المهدي ننعه ونجذب الونه
يايوم الفرج غايبنه نتمنه
نمشي وللبقيع اوياك نتعنه
نهد جيش الضلال ونكسر اخشومه

لابد مايعود ويرد مهديهه
يبنيهه البقيع ابفخر يبنيهه
هاي الدعوه من كل گلب ندعيهه
إلهي ابجاه زينب عجل ابيومه

سيد علي الموسوي

اخوتي واحبتي خدام سيد الشهداء عليه السلام
اتشرف وأعتز بمتابعتكم حساب خادمكم في الانستگرام
ونسال الله التوفيق لنا ولكم لخدمة محمد وال محمد ص
https://instagram.com/ali2.2020?igshid=icwg9w3rz7z3

كل عام امنياتي ولهفتي اتزيد
واسمع يالردت من گلبي شيريد
صلاة ابكربله وتتوافد الناس
ويم حسين تصبح هالمواعيد
كون امن المآذن نسمع الصوت
المهدي ابنفسه راح ايصلي بالعيد

سيد علي الموسوي

اللهم عجل لوليك الفرج

هَمَّك لايكون اهلال وافطار
ولا هَمَّك يكون اتهنِّي محبوب
خل هَمَّك نهاية شهر رمضان
حسن العاقبه وغفران الذنوب

سيد علي الموسوي

اللهم عجل لوليك الفرج
اللهم ارحمنا واغفر لنا واحسن عواقبنا
وارحم الشهداء والاموات من المؤمنين والمؤمنات
ووفقنا لخدمة محمد وال محمد ص
وارزقنا شفاعتهم يارب

بسمه تعالى...الى إخوتي وأحبتي خدام سيد الشهداء ع
بعد التعازي بمصابنا بمولى الموحدين علي ع
أُقدم بين أيديكم قصيدة الأستغاثه بأمير المؤمنين ع
وكما توفقنا بقصيدة (رسالة اشتياق)ان شاءالله نتوفق بهذه القصيده ونرجو من الخدام الاعزاء قدر المستطاع النشر على صفحاتهم لسبب سعة ذاكرة الجهاز لكن من يرغب بأرسال مشاركته على رقم واتساب الخادم كرار الزينبي (07715176297) وهو يقوم بنشرها كونه مدير صفحتنا الاعلاميه ونرجو مشاركة المنشور لتعم الفائده والخدمة المباركه وان شاءالله يكون تصوير المستهل مع مقطع يختاره الرادود وينشره ويكون العنوان في النشر
(ياعلي بِكَ نستغيث)وبخصوص اللحن يبقى الخادم مخير اما يقرء نفس اللحن او يغيره المهم الدعاء والاستغاثه
ونسال الله القبول والتوفيق وكشف الهم والغم عنا وعن المؤمنين بحق علي بن ابي طالب ع
لكم القصيده أحبتي مع مقطع الفيديو لتوضيح اللحن لمن يرغب بمعرفته...
ملاحظه يهدى العمل لمولانا المضلوم ابوطالب ع

(ياعلي بِكَ نستغيث)
كلمات سيد علي الموسوي


ياكاشف الكروب...يادافع البلاء
ياابالحسن عليك...مايصعب الوباء
بحماك...ياعلي ياعلي
ننخاك...ياعلي ياعلي
ياأمين الله وقسيم الجنه والنار
نورك ابساگ العرش مصدر للانوار
يامن ابإذن الله بيدك كل أمر صار
يالحظرت الأنبياء ابكل الاخطار
ياأول الوجود...يادائم البقاء
ياابالحسن عليك...مايصعب الوباء
بحماك...ياعلي ياعلي
ننخاك...ياعلي ياعلي

قدرة الجبار يانوره ورحمته
يانبي ومرسل نخاك وماحظرته
اليوم بسمك نستغيث وحاشه إنته
يسألك مكروب ماتكشف كربته
ياحاظر الصعاب...ياسامع الدعاء
ياابالحسن عليك...مايصعب الوباء
بحماك....ياعلي ياعلي
ننخاك...ياعلي ياعلي

والله ياعون الفقير وحامي جاره
تستغيث ابإسمك اگلوب الحياره
يللي قرص الشمس ردلك بالإشاره
علي رِدِّلنه المجالس والزياره
ياحيدر ونقيم...لبو اليمه العزاء
ياابالحسن عليك...مايصعب الوباء
بحماك...ياعلي ياعلي
ننخاك...ياعلي ياعلي

شيعتك ياحيدر وبينه اتعرف زين
يارجانه الغيركم ننطي الوجه وين
وداعة المكسوره خاطر بالدواوين
الدنيه ماتسوه بلا عباس وحسين
ابجرحنه ياعلي...ندگ باب الرجاء
يابالحسن عليك...مايصعب الوباء
بحماك...ياعلي ياعلي
ننخاك...ياعلي ياعلي

بيك آمنه ومحبتك بينه تكبر
ياسندنه وكل وكت نندب يحيدر
انريد منك ياعلي ابهالشده تحظر
ونلفي يمك كون واهواي انتشكر
وبحظرتك نطوف...وبيا علي النداء
ياابالحسن عليك...مايصعب الوباء
بحماك...ياعلي ياعلي
ننخاك...ياعلي ياعلي

سيد علي الموسوي

ابيات نعي لأمير المؤمنين ع

زينب والحسن وحسين صيحة موت
صاحو والدموع اتسيل ويه الصوت
تانينه عليك النام بالتابوت
گبل متشيله وترفعه..خل انشمه ونودعه

يشيال الجنازه هونك اعلينه
ولو لحظات بلكي اتشوفنه عينه
ونگله وحگ أمنه تأذينه
أبونه انريد نشكيله..وين انروح هالليله

نشبع شوف بلله من ابونه انريد
بلكي اويانه يحچي والجروح اتهيد
نسأله هم تمر بينه ابصباح العيد
العيد اشلون مويمنه..لا انت ولا أمنه

مصابك ياعلي بينه يجراح
رحت وانصيح چايمته يجي الراح
خبرنه علي اشحاله يجراح
هم يرجع بعد لو هاي هيه

أنه زينب عليه الليل مر هم
الجرح فگدك بعد مايصح مرهم
اليتامه ياعلي بالعيد مرهم
وعايدهم يحماي الحميه

سيد علي الموسوي

ياعلي امصابك أذاني

ذكرك ياعلي هيبت محلنه
ليالي السود مالحظه محنه
شايل وين يالكلك محنه
وعايف زينب الهاي الرزيه
وانتحب فگدك خلاني
ياعلي امصابك أذاني

أنه زينب عليه الليل مرهم
الجرح فگدك بعد مايصح مرهم
اليتامه ياعلي بالعيد مرهم
عايدهم يحماي الحميه
بس اون باچر تلگاني
ياعلي امصابك أذاني

مصابك ياعلي بينه يجراح
اليتامه اتصيح چا يمته يجي الراح
خبرنه علي اشحاله يجراح
يجينه المرتضى لو هاي هيه
بالگلب تلهب نيراني
ياعلي امصابك أذاني

يدهري الماله والي ارجوك عيناه
وين اللي يشيل الحمل عناه
الابو يادهر لو غمضت عيناه
تضل تنحب هله وداره خليه
والحزن عگبك عنواني
ياعلي امصابك أذاني

سيد علي الموسوي

علـي .. ياعلـي ........ علــي .. ياعلـي
.....................................................................
من هامتك تجري الدمه تنحب ملائكة السمـه
تصرخ يحماي الحمـــه وتصيح وينك ياعلي
.............................................................
لمصيبتك ناح الگلــــب ومدمع رسول الله يصب
وكل الملائك تنتحــــب وتنادي وينك ياعلــي
..........................................................
اهل الجفون الدامعـــه حلت عليهم فاجعـــــه
أيتامك المتلوعــــــــه ماعدهه غيرك ياعلي
..........................................................
زينب يبو زينب تــــون وترتل أيــــات الحزن
هذا الحسين اويه الحسن ينعون فگدك ياعلـــي
...........................................................
السبع المثاني الطبرتك تبچي وتنوح مصيبتك
هايه اليتامه نادتــــــك ياذينـــه جرحك ياعلي
..........................................................
ياذينه فگدك والـجرح يالمثلك ابدا مايصـــح
ياريته لا طر الصبح ونحظر وداعك ياعلي
........................................................
حيدر يروح المصطفى فگدك علي نتأسفــــه
بعدك عله الدنيا العفه ماتسوه عگبك ياعلي

سيد علي الموسوي
.......................................................

وحشه محرابه..وحشه محرابه
حيدر ابهاي المسيه..وحشه محرابه

وحشه محراب الولي ابهاي المسيه
يارزيه الما مثلهه اتمر رزيه
دار ابو الحمله علي منه خليه
واليتامه اتصيح ياحامي الحميه
تنحب ابابه..تنحب ابابه
گعدت الليله اليتامه..تنحب ابابه

علي حين اللي انطبر ياناس راسه
بالحقيقه انصاب قران القداسه
جرحت اصحاب الجهل للدين اساسه
خلت ابجرح الولي مهضومه ناسه
بالغدر صابه..بالغدر صابه
چف عدو الله ونبيه..بالغدر صابه

ليش أشقه الأشقيا صاب الصميده
لأن بالقران ماعنده عقيده
ابن ملجم ريت كون انشلت ايده
او لا ذبح بالسيف الاحلام السعيده
صوب احبابه..صوب احبابه
ابن ملجم حين صابه..صوب احبابه

مثل ايتام الولي صرنه يتامه
عگب والينه الوكت خيم ضلامه
الله يلعن من طبر راس الامامه
والحزن بمصابه صارلنه علامه
يصعب اغيابه..يصعب اغيابه
ياخلگ والدنه حيدر..يصعب اغيابه

عدنه ايتام اشكثر مكسوره خاطر
غير حيدر مايصح للكسر جابر
بچت ايتام الحشد حتى السواتر
يامصايبهم جمر وسط الضماير
دمعه سچابه..دمعه سچابه
نذرف اعله الفارگونه..دمعه سچابه

سيد علي الموسوي

ينحب شهر صومك...ماتممت يومك..ويل لقوم يجهلون
تعقيبة آذانك...آيات قرآنك.....إنا إليه راجعون

ينحب اصيام الولايه والإمامه
الليله لعلوم القدر بانت علامه
تعثر ابخطواتهه حتى اليتامه
چنهه تدري اليوم ميعدي ابسلامه
تقره المراسيمك...إشدد حيازيمك...فإنه يوم المنون
ترتيلة احزانك...آيات قرآنك...إنا إليه راجعون

كلشي بيك اتوسل ولازم ثيابك
إرجع ارجع ضل يگلك حتى بابك
يكسر اگلوب اشكثر حيدر مصابك
ياعلي وزينب تيتمهه ابغيابك
باين عله ارسومك...ياباالحسن يومك...لكنهم لايعلمون
ضل يلهج السانك...آيات قرآنك...إنا إليه راجعون

خطوتك للمسجد اتسابگ مسافات
الخيط الابيض بالسمه اتحول جراحات
جرح راسك مو جرح هد السماوات
اتحظرو ياولد الزچيه للمعانات
والحسن وحسينك...تنظرهم ابعينك...لحالهم تبكي العيون
ضمتهم احظانك...آيات قرآنك...إنا إليه راجعون

مايخاف الله السفك دمك يحيدر
عيب كل ذاك الملح والزاد غزر
من طبر راسك طبر الله اكبر
انهدمت اركان الهدى جبريل كبر
راحو يغدرونك...الصعبه يلاگونك...لاشك ولاهم يقدرون
ماجازو احسانك...آيات قرآنك...إنا إليه راجعون

مامتت رغما على الباعو ذممهم
إسمك ابعز ينذكر وابذل إسمهم
باچر الله ايحاسب الخانو قيمهم
ضلمو انفسهم الربك ماضلمهم
رغما عله اعداكم...ياعلي وياكم.. فنحن قوم فائزون
غذانه إيمانك...آيات قرآنك...إنا إليه راجعون

سيد علي الموسوي