Najot kapsulasi | Katta inqilob dostoni

SOYA KUCHI
("Katta Inqilob Dostoni" to'plamidagi 3-kitob)

Kitobning nomi hozircha va keyin ham katta ehtimol bilan shundayligicha qoladi.

Bu kitob "Najot kapsulasi"ning to'g'ridan to'g'ri davomi bo'ladi desam ham bo'ladi, aniqrog'i asosiy qahramon yana Miles bo'ladi.

Bu safar uning yangi shahardagi Universitetdagi hayoti bilan boshlanadi.

Bu kitob qamrab oladigan masshtab "Najot kapsulasi"nikidan kamida 2 karra katta va kengroq bo'ladi (In Shaa Allah).

G'oya 100% emas (80-90%), lekin eng asosiy va juda ko'p qismi shakllanib bo'lingan.

(Bu men uchun "Katta Inqilob Dostoni" to'plamidagi men eng sevgan kitob bo'ladi)

3-kitobdagi voqealar asosan 2017 – 2022 yillar orasida sodir bo'ladi va majoziy ma'noda karantin hayoti ko'rsatilib o'tiladi.

Bir sirni ochadigan bo'lsam, bu kitobda o'qigan odamni emotsiyalari bilan o'ynashadigan keskin joylari ko'p bo'ladi, bu uchun hozirda uzr so'rab qo'yaman.

Bu kitobdagi asosiy salbiy qahramon uchun 1-kitob ("Najot kapsulasi") ni oxirida yaqqol belgi qoldirilgan.

Menimcha hech nima qolib ketmadi-a?!

P.S. Fikrlaringizni yozib qoldiring!

@Salohiddinov_book

Bu safar faolroq bo'ldik, Mash Allah!

Ha mayli, va'daga ko'ra, 20:00 da shu post chiqadi )

@Salohiddinov_book

Bu yerda kelajakda chiqadigan "Jumboq" nomli ikkinchi kitobim haqida ta'rif yozgandim.

Agar huddi mana shu post 30 ta "👾" shu reaksiya to'planadigan bo'lsa, kelajakda chiqadigan uchinchi kitobim haqidagi ta'rifni kanalga joylayman.

Menimcha iloji bo'lsa kerak. Oldingi safar 2 kun ichida to'plangan edi.

Bundan maqsad kitob(lar)imga qanchalik odam qiziqish bildirayotganini bilish xolos )

30 ta 👾👈

@Salohiddinov_book

Keyingi kitoblarni chiqish vaqti

1-kitobimni o'zim o'qib bo'lib, nashrga topshirgach, 2-kitobim ustida bosh qotirib, asta senariy qismini yozishni boshlash rejada bor.

Kecha o'ylab qoldim-da, 2-kitobimni tez yozib, tugatgan taqdirimda ham, nari-berisi bilan nashrdan chiqqunigacha aniq 2025-yil bo'lib ketarkan.

1-kitobni o'qib ko'rgach, 2 va 3-kitoblar tezroq chiqishini xohlab qolsangiz kerak deb "o'zimcha" tahmin qilayotgandim.

Agar 2-kitobim 2025-yilni birinchi yarmida chiqsa, 3-kitobim juda katta ehtimol bilan 2027-yilni birinchi yarmida chiqsa kerak deb tahmin qilyapman (eng ertasi 2026-yil oxiri).

Sababi, kitob yozish hozirda asosiy ishim emas bilasizlar-ku?!

Aytgancha, 2-kitob nima haqida bo'lishini yozibman-u, lekin 3 va 4-kitoblar nima haqida bo'lishini qisqacha "описания"sini yozmagan ekanman.

Yozaymi, nima deb o'ylaysizlar?😁

@Salohiddinov_book

Vanihoyat tugatdim!

ALHAMDULILLAH!!!

Bugun "Katta Inqilob Dostoni" to'plamidagi birinchi kitob "Najot kapsulasi"ni qo'shimcha yozish ishlari 100% yakunlandi.

Bu kitobni DEMO (homaki) variantini o'tgan yili sentyabr oyida o'qib chiqib, 3-oktyabrdan keyin qo'shimcha kiritishni boshlagandim.

Sal kam bir yilda Maylz bilan birgalikdagi sayohat yakunladi.

Kitob 338 bet bo'ldi.

Endi buni o'zimga qulay formatda, to'liq o'qib chiqaman.

Keyin xatolari bo'lmasa, men o'qiydigan Universitet kutubxonasining yonidagi eshikda joylashgan Asaxiy books nashriyotiga safar uyushtiramiz.

Eng birinchi variant Asaxiy, agar qabul qilmasa "Tirilish"ga (Ibook ga tegishli), agar u ham bo'lmasa Akademnashrga boraman.

Duo qilib turinglar, Asaxiy ga borganimni o'zida hammasi hayrli bo'lib ketib, qabul qilishsin!

@Salohiddinov_book

Tirik murda

– O’sha paytda u seni ixtiroyinga qiziqish bildirib meni oldimga kelganida, uni ichkariga kiritgandim va undan rozilik shartnomasiga imzo qo’ydirgachgina uni kapsulaga olib kirganman. Kapsuladan chiqqanidan keyin, unda hech qanday natija ko’rmadim. Umid ham qilmagandim. Lekin, unda ijobiy yoki salbiy natijalari keyinroq namoyon bo’lishi mumkinligini tahmin qilgan holda, uni kuzatishni boshladim. 3 haftadan so’ng, maktabini oldida, 3 ta bola uni o’rab olib, urishmoqchi bo’lishganida, Miles o’zini himoya qila olganini ko’rgach, shu vaqtgacha barcha o’tkazilgan tajribalar natijasiz yoki salbiy natijaga olib kelaverganidan keyin, vanihoyat unda ijobiy natija berganini ko’rgach, qattiq hayratga tushdim. O’shanda meni qanchalar hursand bo’lganimni tasovvur ham qilolmaysan. Men undagi o’zgacha potensialni ko’rgach, laboratoriyamga borib, o’ta puxta va tizimli reja tuzishni boshladim. Bunga 3 oy vaqtimni ketkazdim. Keyin esa, maxsus odam yollab, Miles’ni va uni atrofidagilarni doimiy kuzatishni boshladim.

"Najot kapsulasi" kitobini 16-bobidan parcha.

@Salohiddinov_book

Blake Miles uyqudaligida olingan DNK va qon namunasidan yangi preporat tayyorlashni boshladi.
– O’rnimdan turolganimda edi, nima qilishni o’zim bilardim. – Miles yerda o’tirib qolgan holida shunday deyishdan boshqa hech nima qilolmadi.
– Hatto, shu holatingda ham o’zinga bo’lgan ishonching o’ta yuqori. Ammo, sen endi hech nimaga yaramaysan, o’n mingdan bir urinishdagi takomillashmagan eksperimentning omadli chiqib qolgan natijasisan! – Blake qo’liga o’sha preporatni oldi
– Blake, nima qilmoqchisan? – Miles yana bir bor o’rnidan turishga urinib ko’rdi, lekin bir soniya ham tik tura olmay yana yerga yiqildi.
– Miles, qadrdonim! Ko’z o’ningda senga qadrli bo’lgan insonlardan qanday foydalanishimni tomosha qil! Ulardan keyingi navbat, ota-onangga yetib keladi. Afsuski, ular seni ustozing ekanligimga bir pasta ishonishgan edi, bu safar ham ularni ishontirib bu yerga olib kela olaman. Eng qizig’i ularda bo’lishi mumkin bo’lgan barcha ijobiy-salbiy natijalari uchun sen sababchi bo’lasan.

"Najot kapsulasi" kitobini 15-bobidan parcha.

@Salohiddinov_book

"Dalil" bobi

– Bir narsaga tushunmayroq turibman. U paytda Blake’ning g’arazli niyatidan taqdimotdan so’ng sezib qolgan bo’lsalar, unda nega taqdimot paytigacha Blake’ni yashirincha suratga olgan bo’lishlari mumkin. Menimcha bu yerda men bilmagan yana nimadir bor. Yaxshisi, surat va qog’ozlarni barchasini olib, politsiyaga olib borganimda, bir yo’la dadam bilan ko’rishib so’rab olishim kerak. Unday bo’lsa, bularni o’zim bilan olib, hoziroq yo’lga chiqaman. – Robbie ularni obdon ajratib o’tirmasdan hammasini o’zi bilan oldi-da, laboratoriya eshigi tomon ketayotganida to’xtab, laboratoriyaga yana bir bor qarab bir laxzaga hayolga berilib qoldi:
– O’z konseptsiyalarimni realizatsiya qilish uchun juda ajoyib muhit, shinamgina joy ekan. – Robbie turgan joyida laboratoriyadagi anjomlarga termulib qarab chiqarkan, bexosdan otasi bilan birgalikda shu yerda ilm-fan ustida shug’ullanib, ishlayotgani hayolidan jiz etib o’tdi. Bir boshini silkitib, hayollarini yana jamlab oldi-da, laboratoriya eshigini qulflab, binodan chiqib ketdi va qorovulga yana bir bor tashakkur aytib, kalitlarni unga qaytarib topshirdi.

"Najot kapsulasi" kitobini 15-bobidan parcha.

@Salohiddinov_book

"Sirli Laboratoriya" bobi

Blake laboratoriya xonasiga kelib narsalarini yana bir bor ko’zdan kechirib chiqdi. 3 ta kapsula foydalanishga tayyor bo’lgan holatda turganligi ko’rib, Blake yarim jilmayib, kulib qo’ydi. Har bir kapsulaga kichik quvur orqali Blake boshqaradigan apparatga ulangandi. Blake esa apparatni ishga tushirib ko’rib, test qilib ko’rdi. Hammasi barqaror holatda ishlaganini ko’rgach, uni o’chirdi va chap tarafdagi stolga o’tib, 2-3 ta shprits tayyorlab qo’ydi. Tibbiy qo’lqopni yechib, o’zini boshqa qo’lqopini taqib oldi. Keyin, alohida jamadonni stol tagidagi tokchadan olib, stol ustiga qo’ydi. Ichini ochib, uning qolipidan maxsus shprits va flakonni olib ehtiyotkorlik bilan uni ham stol ustiga qo’ydi va shpritsga flakondagi suyuqlikni oxirigacha tortib oldi. Bu suyuqlik Miles’ni najot kapsulasiga olib kirishidan oldin “tinchlantiruvchi dori” deb yolg’on gapirib qilgan ukolidan edi. Blake shpritsni og’zini maxsus avtomatik tirqishidan berkitdi va uni yashirib qo’ydi. Jamadonni esa og’zini yopib, olgan joyiga qaytarib qo’yib qo’ydi.

"Najot kapsulasi" kitobini 14-bobidan parcha.

@Salohiddinov_book

Bundan bir oy oldin. 24-may. Chorshanba.

O’quv yili tugashiga oz qolib, imtihon kunlari ham yaqinlashib qolgan edi. Blake Bristol maktabiga, director bilan gaplashish uchun bordi:
– Men Pennington Universitetining Doctor Smythe tadqiqot guruhidan kelgandim. Imtihon jarayonida shaffoflik sifatli bo’lishi uchun o’quvchilarni nazoratchi sifatida kuzatib o’tirishga ruxsat berishingizni so’rab kelgandim. – Blake eshikni bir marta taqillatib, ohista eshikni ochib, stulda o’tirdi-da, yengil tabassum bilan shunday deb qo’ydi.
– Sizdek inson nega mendan ruxsat so’rashi kerak? Doctor Smythe tadqiqot guruhi haqida eshitgandim. Sizdek insonlar bizga juda kerak. Marhamat, bemalol kelib kuzatishingiz mumkin. – Direktor ham xursand bo’lganidan boshi osmonga yetdi-yu, o’rnidan turib Blake’ni qo’lini qisib, rozilik bildirdi.
– Men ham bundan bag’oyat xursandman. O’quvchilar ta’limi uchun jonimiz fido bo’lsin, janob direktor! – Blake yana bir bor jilmayib, bunga javoban ikkala qo’li bilan direktorni qo’lini qisib qo’ydi.

"Najot kapsulasi" kitobini 14-bobidan parcha.

@Salohiddinov_book

Kitob hajmi

Najot kapsulasi kitobimni eng birinchi versiyasida 250 bet edi.

(Kitobni yozishni boshlaganimda shunday bo'lsa kerak deb tahmin qilgandim. Tasodif bo'lib qolipti.)

Hozirgi versiyasida 313 betga yetgan.

Kitobni hali 4 ta bobi qolgan (qayta ishlanadigan joylari).

Menimcha yakuniy holatida 330 betlar atrofida bo'lsa kerak.

2-kitobim ("JUMBOQ") ham unchalik uzun bo'lmaydi, tahminan shuncha yoki shundan oshadi.

Lekin, 3 va 4-kitob ("SOYA KUCHI" va "ADOLAT QIROLLIGI") larim aniq 400-450 betdan oshadi deb o'ylayman.

(Chunki, bu kitoblardagi voqealar masshtabi ancha kattaroq bo'ladi.)

@Salohiddinov_book

Boston. Robbie'ning tug'ilib o'sgan mahallasi.

U fayldagi barcha chizmalarini ko’rib chiqdi. Hayriyatki, qutidagilarni ham qog’ozda chizmasi bor ekan. U o’ziga ortiqcha yuk bo’lmasin deya, faqat chizmali faylni o’zini oldi va xonasidan chiqib ketayotganida, eski rasmiga ko’zi tushib qoldi. Ammo, bu sinfdoshlari bilan tushgan rasm emasdi, IT o’quv kursidagi guruhining birga tushishgan rasmi edi. Robbie rasmga bir qaradi-yu, o’sha paytdagi hotiralari yodiga tushib, bir muddat tikilib qoldi...
– O’zingga kel, Robbie! Senga nimalar bo’lyapti, o’zinga xos bo’lmagan ish qilyapsan. Endi barcha-barchasi o’tmishda qolgan. Eski tanishlaringni rasmini nimasiga tikilib qolding? Sinfdoshlaringni ham bu qadar sog’inmagansan-ku, yana qanday xotiralarni eslab qolding? Unutma, Robbie! Sen endi butkul boshqa odamsan, eski o’zligingni zarrasi ham qolmagan. Sen ortiq Anthony Brown emassan, sen Robbie Jones’san. Hayolingni chalg’itma, miyangni chalg’itma! Miles’ga yordam beraman deya va’da bergansan. Seni, Robbie Jones’ni joyi bu yerda emas, bu mahallada, bu shaharda emas! – Robbie shunday deya, o’ziga kelib, hayollarini, diqqatini qaytadan jamlab oldi va rasmni olgan joyiga qo’ydi-da, eshikni qulflab, uydan chiqib ketdi. Tezda yo’l boshiga chiqib, taksi ushlab, ortga qarab yo’l oldi.

"Najot kapsulasi" kitobini 13-bobidan parcha.

@Salohiddinov_book

Robbie televizorni yoqdi va yangiliklar berib boriladigan telekanalni qo’ydi:
– Bugun 2017-yil 2-iyun kuni Bristol maktabida yakuniy imtihonlar olinayotgan vaqtda kutilmaganda kimyo xonasida kimyoviy moddalarning noto’g’ri reaksiyasi natijasida portlash sodir bo’ldi. Yengil jarohat olganlar soni 17 tani tashkil qiladi. Og’ir tan jarohati olganlar hali aniqlanmadi. 2 ta o’quvchi don-daraksiz yo’qolgan. Qidiruv-qutqaruv ishlari hali ham davom etmoqda. Lekin, yomon xabar shuki, New-Jersey’dagi Peddington universiteti tadqiqotlar bo’limi sobiq laboranti Doktor Blake, o’sha xonada o’quvchilardan imtihon olayotgan vaqtda ushbu baxtsiz hodisa sabab uning tanasi to’liq kuygan va o’lik holda topildi.
– Nimadir g’alati emasmi? – Miles hayron bo’lgancha Robbie’ga qarab shunday dedi.
– Faqat biz uchun g’alati, qolganlar uchun esa haqiqat.

"Najot kapsulasi" kitobini 12-bobidan parcha.

@Salohiddinov_book

Robbie Miles’ni ortidan maktab ichiga yugurib kirdi. – Blake? – Robbie uni ko’rib ko’zlari katta ochilib ketdi va u ham g’azablangani tishlarini ko’rsatib turganidan bilinib turardi. – Axir bu meni prototiplarimdan biri emasmidi? – Robbie Blake’ni qo’lidagini ko’rib, tushunmay qoldi va Blake’ga yana o’qrayib, nafrat bilan qaradi.
– Ehhh shogird! Amaliyot davrida bunday ishlaringni uyingda qilganingda, hozir mendagi bu prototip ham bo'lmasdi. – Blake tishlarini ko’rsatib, tirjaydi.
– Shogird? Robbie u nimalar deyapti? – Miles, Blake’ni gapidan shubhalanib, Robbie’ga qaradi.
– Buni keyin gaplasha… – Blake qo’lidagi matoqni olib ularga qarata ishga tushirdi. Bu ovozli zarba to’lqiniga ega Blake tomonidan yasalgan qurol edi. Ular buni zarbidan 10 metr orqaga otilib ketib, hushidan ketishdi.

"Najot kapsulasi" kitobini 12-bobidan parcha.

@Salohiddinov_book

– Ho’sh, nima bo’ldi? – ? U ham havotir bilan so’radi.
– Hayriyat hammasi joyida ekan. Lekin, begona raqamdan qilgan odam yolg’on ma’lumot berganiga emas, aksincha Blake’ni tasvirlab bergani hayron qoldirdi. Bu bizni bu yerga olib keltirish uchun qo’yilgan tuzoqmikin? – Robbie Miles’ni gapidan chuqur o’yga cho’mgandi. – Kim bo’lsa ham, bu Blake’ni odamlaridan bo’li...
– To’xta-chi?! – Miles Robbie’ni gapini to’xtatib, ortiga qaradi. Uni yana ko’rish atrofi qorong’ulashib ketib, yuragi tez-tez urishni boshladi.
– Nima bo’ldi? – Robbie’ni gapi qulog’iga ham kirmay, uyoq-buyoqqa qarashda davom etardi. Shu soniyalarda qayerdandir portlash ovozi eshitildi:
– Bu qayerda bo’ldi? – Robbie ham portlash ovozi kelgan tomonga qaradi. Miles buni eshitgach, yana karaxt holatga tushib qoldi. Miles’ga yolg’on qo’ng’iroq bilan mahallasiga shoshib kelishiga undagani bu Robbie aytganidek, tuzoq bo’lishi mumkinligi birdan tushunib qoldi:
– Yo’q, faqat maktab emas! – U shunday deb eski maktabi tomonga qarab yugurib ketdi. Robbie ham Miles’ni ortidan yugurdi.

"Najot kapsulasi" kitobini 12-bobidan parcha.

@Salohiddinov_book