سانجاق SANCAQ

9000 تلگرام کسبی و ایشی باغلانیب

فرهنگ و ارشاد اسلامی باخانلیغی‌نین دیجیتال مئدیا مرکزی‌نین وئردیگی آمارا گؤره 9000 خیردا اینتئرنئت کسبی و ایشی تلگرامین سون گونلرده کسیلمه‌سی ایله بیرلیکده موشکوله دوشوب باغلانیبلار.
@SancaqDergisi
https://t.me/SancaqDergisi/4170

⭕️ اینگیلیس نوماینده‌لرینین بیر عده‌سی ایسته‌دیلر سپاه پاسداران تئروریست اعلام اولسون

🔹اینگیلیس پارلمانی‌نین اون‌لارجا عضووبو اؤلکه‌نین ایچ ایشلر باخانی، امبر راد-دان ایسته‌دیلر ایرانین اسلامی انقلاب پاسداران سپاهی‌نی تئروریست اعلام ائله‌ییب بو اؤلکه‌نین یئتکیلی‌لرینی تحریم ائتسینلر.

🔹69 نوماینده بو ایستگی دستکله‌دیلر، بونلاردان 30 نفری ایشچی حزبی‌نین عضوو یعنی اینگیلیس‌ین اوپوزیسیونو ساییلیرلار.

🔹بو نوماینده‌لر ادعا ائدیرلر تهراندا و ایرانین نئچه شهرینده کی اعتراضلار سپاه پاسداران طرفیندن باسدیریلیب و بو اوزدن بو ایستک‌ده بولونوبلار.
@SancaqDergisi
https://t.me/SancaqDergisi/4168

شرقی آذربایجاندا ولی فقیه-ین نوماینده‌سی:
سونگون میسی او زامان لاپ موفق اولار کی، بیر اَریتمه بیریمی (واحد ذوب) دا اونون کناریندا فعالیت ائله‌سین
تبریزین امام جمعه‌سی وورغولادی: سونگون میسی او زامان لاپ موفق اولار کی، بیر اَریتمه بیریمی (واحد ذوب) دا اونون کناریندا فعالیت ائله‌سین و بئله اولمایا کی اونون برکتلری اؤلکه‌نین گونئیینده استفاده اولونا.
حجت الاسلام والمسلمین سید محمدعلی آل هاشم شرقی آذربایجاندا ولی فقیه-ین نوماینده‌سی، ورزیقان-ین سونگون میسی‌نین مختلف بؤلمه‌لرینین مودورلری ایله گؤروشونده سونگون میسی‌نین عملکردیندن اؤز رضایتینی بیلدیررک دئدی: ایلک فرصتده سونگونه گلیب مختلف بؤلمه‌لریندن گؤروش ائده‌جاغام.
تبریزین امام جمعه‌سی آرتیردی: سونگون میسی او زامان لاپ موفق اولار کی، بیر اریتمه بیریمی اونون کناریندا فعالیت ائله‌سین و بئله اولماسین کی اونون برکتلری اؤلکه‌نین گونئیینه گئتسین.
شرقی آذربایجاندا ولی فقیه-ین نوماینده‌سی سونگون میسی‌نین کرمان و آیری اوستان‌لارا گؤندریلمه‌سی‌نین کسیلمه‌سیندن اؤز راضیلیغینی بیلدیریب دئدی: سونگون‌ده صادراتا اهمیت وئرمک اورانین مدیریتی‌ واسیطه‌سیله توتولان ان یاخجی سیاست‌دیر و اومید ائدیریک بو سیاست داواملی اولسون.
حجت الاسلام والمسلمین آل هاشم دئدی سونگون میسی «مقاومتی اقتصاد»ین لاپ آیدین نمونه‌سی دیر و آرتیردی: بو مجموعه‌ده 3500 نفردن آرتیق انسانا ایش ایجاد اولاجاق و بو دا اوستانیمیزا برکت گتیره‌جک هم ده اؤلکه اقتصادینا یاردیمچی اولاجاق.
او دئدی: سونگون میسی اؤز چالیشمالاری ایله هم ایش یاراتماق هم ده تولید آلانیندا چوخ پارلاق اولوبدور، بو مجموعه‌نین کشفیات و صادراتی سئویندیریجی دیر. افتخار ائدیریک کی سونگون میسی یئنی معدن‌لر کشف ائتمک دوغرولتوسوندا چالیشیز و اومید ائدیریک یئنی معدن‌لر کشف اولونجا، اوستانین معدن ظرفیتینه آرتیریلسین.
او آرتیردی: دولتی قوروملار، سازمانلار و وزارتخانالار خاریجی مال‌لاری ایشلتمه‌یی ممنوع اعلام ائده‌لر البته بو شرط ایله کی داخیلی محصول‌لار داها دا کیفیتلی اولا، و بو مهم ایشین گرچکلشمه‌س اوچون گرک قرارلی اولالار.
@SancaqDergisi

https://t.me/SancaqDergisi/4166

آنفولانزانین ماراغا تویوقچولوغونا 250 میلیارد ریال‌لیق خسارتی

ماراغا فرمانداری دئدی: آنفولانزا ماراغانین 22 تویوقچولوق بیریمینه 250 میلیارد ریال خسارت ووروب.

ظفرمحمدی ماراغانین اوره‌تیم و تویوقچولوق بیریم‌لرینینموشکولاتینا یئتیشن توپلانتیدا دئدی: آنفولانزا ماراغانین 22 تویوقچولوق بیریمینه 250 میلیارد ریال خسارت ووروب، بیمه گرک بیمه‌سی اولان بیریم‌لرین خسارتینی اؤده‌سین.
آذربایجان اوستاندارینین یاردیمچیسی بو شهرستانین تویوقچولارینین موشکولاتینا ایشاره ائدیب دئدی: یومورتا اوره‌تن تویوقچولارین خسارتینی واختیندا وئرمه‌ینده اونلارین فعالیتی غیرمومکون اولور و حتی بو بیریم‌لرین باغلانماسینا سبب اولور.
او آرتیردی: شرقی آذربایجان یومورتاسینین یوزده 16 -سی ماراغادا تولید اولور. بیمه مسئول‌لاری خسارت‌لری گئج وئرسه‌لر یومورتا باهالاشاجاق. بو اوزدن بیمه گرک تئزلیکله اونلارین خسارتلرینی وئرسین.
ماراغا فرمانداری دئدی دولت چالیشیز تولیدی بیریم‌لرین موشکولاتینی تئزلیقلا حلله سالسین. او آرتیردی: چالیشیریق تولیدی بیریملره یئتیشن ضرر- زیانلار و خسارتلر بیمه طرفیندن وئریلسین.
@SancaqDergisi
https://t.me/SancaqDergisi/4164

گاردین: ترامپ ایسته‌ییر ایران «صداو سیما»نین تحریم معافیتینی امضالاماسین

خبر قایناق‌لاری بیلدیردیلر دونالد ترامپ‌ین دؤلتی، ایران تلویزیونونا قارشی قاپساملی تحریم‌لر اویقولاسین.

گاردین قزئتی یازیب ایران اسلام جمهوروسونو «صداو سیما»سی 2013-دن آمریکا تحریم‌لرینین سیراسیندا ایدی آنجاق هم باراک اوباما هم ده دونالد ترامپ هر 180 گوندن بیر تحریم معافیتینی امضالاییب، بو تحریم‌ین اجرا اولونماسینی آسقییا آلمیشدیلار (تعلیق کردن).

گاردین‌ین بیلدیردیگینه گؤره سانکی «صدا سیما»نین تحریم معافیتی ژانویه‌نین سونوندا قورتولونجا، ترامپ اونو بیر داها امضالاماق ایستمه‌ییر. بئله‌لیکله بو قوروما قارشی تحریم‌لر فعال اولاجاق.

«صداو سیما»نین تحریمی اوزره قرار وئرمه‌لرین سوره‌جینه بیلگیلی اولان بیر قایناق دئییب ترامپ بو قناعته گلیب کی، ایران مرکزی بانکی‌نا یئنی محدودیت‌لر گتیرمک یئرینه اؤزل تشکیلات‌لاری، او جمله‌دن ایران‌ین دؤلت تلویزیونونو هدف توتمالی‌دیر.

گاردین‌ین استناد ائله‌دیگی قایناق دئدی: بو بیر سیمبولیک ائیلم دیر و ایرانا چوخ گوجلو بیر مئساژ گؤندره‌جک. آیریجا او بیری تحریم‌لر کیمی ایران جماعتینه ده سیخینتی و اذیت وئرمیه‌جک.

@SancaqDergisi
https://t.me/SancaqDergisi/4162

چین مئدیاسی: ایران‌ین نفت گمیسی احتمالا پاتلایاجاق

چین مئدیالاری ایرانلی نفت گمیسی‌نین بو اؤلکه‌نین دوغوسوندا پاتلاییب باتما احتمالیندان خبر وئردیلر
سی‌سی‌تی‌وی تلویزیون شبکه‌سی‌نین راپورونا گؤره، چین‌لی یاردیم تاخیم‌لاری ایران‌ین نفت گمیسی‌نین بو اؤلکه‌نین دوغوسوندا پاتلاماسیندان نیگران اولدوقلارینی بیلدیردیلر.
بو نفت گمی‌سی بیر چین‌لی یوک گمیسینه توققوشاندان سونرا دوغو چین دنیزینده اود توتدو و هله ده یانماقدادی.

یانقین سؤندورن اوزمان‌لار چین‌ین دؤلت تلویزیون شبکه‌سینه دئییبلر اوضاع بئله داوام ائتسه، بو نفت گمیسی‌نین پارتلاییب باتما احتمالی چوخ یوخاری دی.

بو اولایدا ایتن‌لری آختارما عملیاتی سون راپورونا گؤره ایتن‌لردن هله هئچ بیر ایز اله گلمه‌ییب.

چین دؤرد یاردیم گمیسی و اوچ تمیزلمه قاییغی اولای یئرینه گؤندریب و گونئی کوره‌دن ایسته‌ییب یاردیم سوره‌جینی یئیین‌لشدیرمک اوچون بیر گمی و بیر هئلی‌کوپتئر حادثه بؤلگه‌سینه گؤندرسین.

@SancaqDergisi
https://t.me/SancaqDergisi/4160

یمن‌لی‌لرین راکئتی عربیستانین «المغراب» پادیگانین داغیتدی
یمن قایناق‌لاری جازان‌دا «المغراب» پادیگانینا ساری بیر راکئت آتیلدیغیندان و بو راکئتین هدفی ووردوغوندان خبر وئردیلر.
یمن اوردوسونون راکئت بیریمی و انصارالله یکشنبه گونو عربیستانین گونئیینده جازان‌دا یئرلشن «المغراب» پادیگانینا بیر آیری راکئت آتدیلار.
یمن-ین رسمی خبر آژانسی‌ «سبا»نین وئردیگی خبره گؤره، یمن اوردوسونون بیر عسکری قایناغی و انصارالله-ین بیلدیردیگینه اساسن، بو راکئت دقیقا هدفه اصابت ائله‌ییب و دوشمانا هم جان هم دوناتما خسارتلری ووروب.
@SancaqDergisi
https://t.me/SancaqDergisi/4158

تئلگرم کانال‌لاری بیر هفته فیلتئرینگ‌دن سونرا اؤنجه‌کی گونلرین دورومونا گلمکده‌دیر. آنجاق بیر فرقلی‌لیک وار بو آرادا او دا بودور کی، قوللانیجیلار فیلتئر قیراندان یارارلانماغی دا اؤرگشدیلر!️

🔹ایله‌تیشیم (ارتباطات) باخانی، آذري جهرمی:

🔷 ایله‌تیشیم باخانلیغی‌نین سایبئری (مجازی فضا) فیلتئر ائلمکده هئچ رولو یوخ ایدی.

🔷 اؤلکه‌نین گووه‌نلیک شوراسی کئچیجی محدودیت‌لری سایبئره اعمال ائتمک قرارینا گلدی.
@SancaqDergisi
https://t.me/SancaqDergisi/4154

⭕️گلن ایل وارداتی بنیزینیمیز اولمایاجاق

نفت اورون‌لرینی تمیزلمه و یایما ملی شرکتین مدیر عاملی:

گلن ایلده نفت وارداتی اوچون هئچ بیر بودجه نظرده آلینماییب، بئله‌لیکله گلن ایل وارداتی بنزین اولمایاجاق.
@SancaqDergisi
https://t.me/SancaqDergisi/4152