✧ شـٰـُ͢ـُٰـاࢪی شـٰـُ͢ـُٰـین ✧‌

یەکەم پۆستی ٢٠٢٢ ☹️

پۆلیسی ئەبو زەبی پیاوێکی دەستگیرکرد کە سەیارەکەی ئەشۆرد ، پیاوەکە تووشی سەرسوورمان بوو کاتێک بینی کوڕە دوو ساڵانەکەی بە بزمار شووختی خستووەتە سەیارەکەی.

باوکەکە توڕە بوو و ئەیدا لە دەستی کوڕەکەی ،نەیزانی کلکە چەکووشێکی بەدەستەوەیە و پێی لێی ئەدات.

باوکەکە دوایی بە ئاگا هاتەوە کە چیی ڕوویداوە ،کوڕەکەی برد بۆ نەخۆشخانە و کوڕەکە پەنجەیەکیان بڕییەوە.

کوڕەکە بە باوکی وت : کەی پەنجەم دێتەوە ؟
پرسیارەکە وەك شۆکێك وابوو بۆ باوکەکە بۆیە چووە دەرەوە و دەستی کردە شکاندنی سەیارەکەی ئینجا لەبەردەم سەیارەکە دانیشت و دەستی کرد بە گریان بۆ کوڕەکەی ،بە ڕێکەوت سەیری شوێنی ئەو نووسینەی کرد کە کوڕەکەی بە بزمار شووختی لێداوە ، سەیر ئەکات نووسیوویەتی : خۆشم ئەوێیت باوکە.
بۆ ڕۆژی دوایی باوکەکە ئازاری ویژدانی زۆری بۆ هێنا و باوکەکە خۆی کوشت.

ئەمە کۆتایی چێرۆکەکە بوو.

با تۆزێ لە چیرۆکەکە ورد ببینەوە

کەس هەیە بە چەکووش سەیارە بشوات ؟

ئەسڵەن چەکووش چیی پەیوەندیی بەبابەتەکەوە هەیە ؟

تەمەنی کوڕەکە دوو ساڵە ئایا ئەتوانێت بنووسێت باوکە خۆشم ئەوێیت ؟

ئایا ئەتوانێت قسە بکات و بڵێت ئایا باوکە کەی دەستم ئەڕوێتەوە ؟

پۆلیسی ئەبو زەبیی چیی پەیوەندیی بە ریازەوە هەیە ؟

پۆلیس چۆن پیاوێك دەستگیر ئەکات کە خۆی کوشتبێت ؟

زۆربەی ڕووداوەکان ئاوا دائەڕێژرێن ،ئێمەش لە پشتی سۆزەوە (عاتیف)ەوە سەیریان ئەکەین ، واز لە عەقڵ ئەهێنین و بە قوڵیی بیریان لێ ناکەینەوە.

ئا بەمشێوەیە عەقڵ و بیرکردنەوەمان لێ ئەدزن بێ ئەوەی هەستی پێ بکەین