قصائد ..... شيلات

عجائب القران

https://t.me/alahabah7

💢


مايفرح الرجال طيحه ابن اخيه
‏ولا يزعل الطيب نجاح ابن عمه

سألت بعض أهل البادية عن معنى كلمة (شواوي) فقال باللهجه العاميه: الشواوي بعيد عنك اللي ما يقري (يعني يضيف ويعزم الرجال) والشاوي راعي الدبش (يعني الغنم الكثيره)؛ متعني وراها شاوي معها وما يذبح منها: (يعني كل يوم في ديره)


منقول

قصيدة ابوجري با الشيخ بن عجل الشمري من شيوخ عبده


ياجري دن العلم لي كان يشفيــــن
قلبي على قرب الاجاويد هــــاوي
هات الدوات وهاتلي من ايحاكين
مادام بالي بالتماثيل نــــــــــــاوي
نقول قولن لشيوخ القديميـــــــــــن بريك هو والعرفجي والقـــــراوي
شدو هل المعروف ياجري مقفـــين
هل الرباع محرقين القــــــهــاوي
شالو على العتلات ماهن قعاديـــن
طوال الخطا ماهن رحايل شـواوي
ياجري دوك العجل راحو مقفـــــين
دونك سلفهم مع هك الريع هــاوي
العجل للجيران مامثلهم شيـــــــــن
قصيرهم ياجري يصبح غنــاوي
استجنبو ياجري مثل الشياهـــــــين
يتلون قطعاناصخافا مهــــــاوي
اخيل قطعانا عليها تقل طيـــــــــــــن
وكل افتخا قرم شجاعا صخاوي
ياما رعو من خايعا باول الـــــــحين
غب المطر ياجري قفرا سماوي
يتلون من يصبر على العسر واللين
شيخا على عسر الليالي ايلاوي
للقاسي اقسى من صفا الضلع قاسين وللعاني الين من اقماش الحساوي
جزا عشوق الي تحط السباهيـــــــــــن
له منزلا بين ولاهو دنـــــــــــاوي
امدلهين الي نزل مامعه شيـــــــــــــن
ويزبنون المجرم الي جــــلاوي
قاصرتهم ياجري عشر وثمانيـــــــــن
كنه ربع يوما على الي شقاوي
ودي بهم ياجري لوهم تعيبيــــــــــــن
لاشك ماعانق هل الخور شاوي
ياجري راحولابسين القياطيـــــــــــن
شيخان يزهون الجوخ والكساوي
بغيت اشيل وصار مامن بعــــــاريـــن
هل النداء شالوو انا اجلدت ثـــــاوي
للجار سهلينن وللضد نكديــــــــــــــن
فرسان ون جو بالعريني هداوي
اولهن الترحيب والبن بالصيـــــــــن
وكبشا اليادنق خطات السواوي
ماسميو عكو زربعا ضريريـــــــــــــن
سناة مكدين العدو بالاهــــــاوي

كل من عاش بالدنيا يشوف العجايب


الشاعر / أحمد الناصر الشايع




كل من عاش بالدنيا يشوف العجايب
مثل ماشفت بالدنيا وشفته باهلها
قمت ابرق وافرق بين مخطي وصايب مثل فرق الجبال النايفه من سهلها
والتوافيق عند حظوظ و وهايب
عند رب يجازي كل نفس بعملها
اشهد ان الهدوم يسترن المعايب
اثرها تستر الحرمه وتستر فحلها
الاوادم بعضهم مثل وصف الجلايب
لو توحد بها ذيب الخلا كان اكلها
كم صبي تحسب انه ع الضرايب
وان بخصته , كرهت الديره اللي نزلها
مايسر ان حضر , وان غاب ماقيل غايب مار الارزاق عند ربٍ لخلقه كفلها
مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
وااقفٍ للزوم ومرتكي للنوايب
والحمول الثقيله مالها الا جملها
ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها
وفيه منهو يبا الجودا فلاشك هايب
كل ماناض صدره جى عضوده خللها
وفيه منهو يحل المعجزات الصعايب اصغر افعاله الجزلات محدن فعلها
وفيه منهو يعيش وعيشته بالسبايب
كل ماسمعله غلطة من رفيقه نقلها
وفيه منهو على نفسه رضى بالغلايب
الله اللي رفع نفس ونفس خذلها
لو تبي تنصحه لله نجر الهبايب
انكرك والنصيحه ردها ماقبلها
اشهد انه عقوبه من كبار العقايب
قاصر المعرفه قلبه كما قلب بلها

رفيقي تسامى واستمع لي وابيك تقوم
وأبي تصافح أيامك من اليوم ،، بموده
.
.
وأبي تعرف إن بكره معه رزق غير اليوم
ياكم واحدٍ وصْل السما / والبشر ضده
.
.
وأبي تدري إنّه مايصيبك سوى المقسوم
وإذا الليل طول بك ،، ترى النور لابده
.
.
وترى ماهي الحاجه تجيلك بدق خشوم
إذا الله منعها ،،، كل الابواب منسده
.
.
وترى ماهي الحاجه لاطالت أمر معدوم
إذا الله كتبها ،،،، توصلك لو بعد مده
.
.
تعايش مع العالم وطنش كثير علوم
وبابٍ تحس إنّه وراه الغثا / سده
.
.
وترفع عن اللي دايمٍ حكيهم / مذموم
وتجاهل / ولو صبرك معاهم وصل حده
.
.
وتواصل مع اللي في وصاله مطر وغيوم
ومن صد جعله للتساهيل في صده
.
.
وتركد على قلبك ،،، ولاتثقله بهموم
كثير الزعل يتعب لك القلب ويهده
.
.
وبهالناس خذها قاعده والعمر محتوم
ف من يزعلك خله ،، ومن يفرحك بده
.
.
ولا تنصدم فيهم ليا صار لك ملزوم
لأن الاوادم تنعرف ،،، ساعة الشده
.
.
يقولون دايم من صفت نيته / محروم
وأنا اقول دامه صافي القلب / من قده
.
.

مبارك الحجيلان

لا جاك بعض الكلام ومالقيت إرتياح
‏استوضح !! ولا تخلي القِدر ماله غطا

‏أحيان سوء الفِهم يمشي بعكس الرياح
‏ولا يترك بين الناس (أخذ و عطا )

‏قال أنت وش اسمك قال : (مالك صلاح)
‏هذا يقول اسمه .. وهذا فهمها خطا

لا تحسبن الطيبين اشكال
الطيب واضح وانعرف شكله
.
ما تضحك الدنيا على رجال
لا شافته رجال تضحك له

من القصائد النادرة الجميلة للشاعر/ محمد بن عبيد البلوي رحمه الله
"يوصي ابنه عبيد"

لاشفت دلو فيه فتقٍ وشقّا ....
اعرف ترى الماء مايجي وافيٍ فيه

‏ولاشفت حبل السانية فيه دقّا ....
اخْذْ الحذر من قبل تِقْطَع مثانيه

ولا اوْحَيْت جرحٍ بالمعاليق لقّا ....
اعْرِف ترى ماعاد ينفع تداويه

‏والجرح لا مِنّه بسمٍّ تسقّا ....
حَمّ الحديد الصلب بالنار واكويه

والظلم لو انّه لبس ثوب حقّا ....
لابد مايخلع ثيابٍ تغطيه

‏ومن طق باب الناس بابه يطقّا ....
فـي خيـر ولاّ شرّ ربه يجازيه

وماصابكم ما اخطاك مهما توقّا ....
وما اخطاك ما صابك ولو صاب راميه

‏وعن لازمٍ يَلْزَمْك حرصك تتقّا ....
لاخير فـي رجلٍ يخلِّي عوانيه

وفي عشرة الانذال حرصك تهقّا ....
كم واحدٍ بالنذل خابت هقاويه

‏وحرصك ورى المقفي تصيح وتنقّا ....
من باعكم بالرخص بيعه بغاليه

ووسط المجالس لا تهرج وتلقّا ....
أصمت ترى ان الصمت ميزة لراعيه

‏وليا هرجت اهرج بلطفٍ ورقّا ....
وافصح لسانك لاتجي لكنةٍ فيه

إنّ انكر الأصوات صوت النهقّا ....
وفم الرجل واحد وثنتين أذانيه

‏بعض العرب بالوزن مايازن اقّا ....
لكن بفعل الطيب تندا أياديه

وبعض العرب دمه كما دم بقّا ....
دمه ثقيل وبارداتٍ علابيه

‏وبعض العرب مثل الذهب له تشقّا ....
اتعب على الطيِّب لياما تلاقيه

ياعبيد هذا واعرف اللي تبقّا ....
حق الجوار وضيفكم لا تخليه

‏هذا كلام ابوك قولٍ منقّا ....
قولٍ قليل وزبدة الهرج تكفيه

لولاي ما اكتب بالقلم ع الورقّا ....
واملي هواجس خاطري يوم تطريه

شبّ الحشا في داخلي واحترقّا ....
لكن بيوت الشعر لا شبّ تطفيه .

وصلاة ربي عد ما النور شقّا ....
على نبيٍ تمم الله مساعيه

الطواريق


مساعد الرشيدي


الطواريق ماعادت تسلي
والحنايا تدامى وتحدا
والطواري تتل البال تلي
كل ماورق اللي وهدا
لاني اشوا ولاني مسفهلي
اتهيا وانا ضايع جدا
واتسمر على جدران ظلي
اتشره على رجع الصدا
اتوحا ياعلة صوت خلي
اتلفت ولا حولي حدا
وانشد الليل يسمران قلي
لية انا وانت من الصبح احددا
ويش اباخذ من طعوني وخلي
والملامح تشابة ماعدا
ضل نعناعة قامت تصلي
في حشاية على قطر الندا
غصنها بسراجيف متدلي
لة بروحي تفاصيل ومدا
من فداها لوني جيت كلي
وان خذتني طواريها فدا