#مقتطفات
حكايتي
انا الإتزوجت ود صاحب بابا رغم انو بابا ماكان موافق إلا بعد ضغط جدا عالي منى ومن ماما عشان كنت بشوف فيه الحب والمستقبل المشرق كان انسان خلوق لي ابعد صور الخيال تم الزواج عشت اجمل ايام حياتي رجعنا من شهر العسل نزلنا عند امه كانت منتهى الذوق عاملتني تعامل راقي جدا اخواتو كانو نسخه من امهم جدا محترمات سكنت معاهم سنتين حياتى اتغيرت تماما كنت ملتزمة تمامآ في الصلاة في وقتها وبقيت بحب اقرا قران كتير كان بشجعونى على كل شئ حلو حتى الصيام بقت بعشقو وبالمناسبه كان اول مره اتعلم صيام السنة عندهم كانت حياة حلوة ونسة وضحك وناس نيتم صافيه جدا بعد سنتين كان عندنا عرس مشترك العروس منهم والعريس مننا فانا كنت حامل في الشهر السابع تعبت شديد في الصاله لي درجة اننو بعض الناس افتكرونى مت لأنو النبض ضعف شديد فمعظم الاقارب اتحركو معانا المستشفى انا في نص الطريق فقت لقيت زوجي ببكي شفت في عيونه نظرت حب كفيله تخفف علي كل الانا حاساه إطمانيت وطمنتهم وقلت لن يصيبنا الا مكتب الله لنا وصلنا المستشفى استدعو لي الاستشاري عشان حصل انفصال تام في المشيمة ونزيف حاد وخلاص دخلونى غرفة العمليات دون اي تجهيزات حالتي كانت شبه معدومة البنج كان كامل ماعارفه ليه يمكن عشان الزمن مابسمح ليهم للنصفي وامكن عشان عندي مشكلة في العمود الفقري بعد فقت من البنج سألت انا ولدت وهل هو حي وانا طيلة شهور الحمل طبعا كنت رافضه اعرف نوع الجنين بس عرفت انى حامل في تؤام فالممرضات قالو لي جبتي تؤام بت ولد زي الفل سبحان الله للحظة حسيت بضجيج بعيييييييد ماقدرت افرز الكلام بس خفت شديد في مويه جمبي كبيتا في راسي لأنو حاسه لسه مامجمع اصريت علي الممرضة تفتح الباب والا حاقوم فتحت الباب شفت الاستشاري العمل العمليه واقف مع ناس بابا وزوجى صوتوه كان عالي كأنهم متشكلين فسبحان الله ماسمعت من الشكله حاجة الا زوجي بكرر لي بابا بتك طالق طالق انا ماعايزا ولا عايز جناها انا اقبل وين بي بت منقوليه عشان بكره تلف بالشوارع وتحمل وتجيب لي العار وشفت الاستشاري اداهو كفين وبابا ماقدر اقيف اتسند على خالي رغم انى شفت وسمعت المشهد بوضوح تام إلا ماصدقت زوجي بقيت ميقنة تمامآ انو حلم وعشت على كدا سألت الممرضه تاني قلت ليها انا جبت شنو قالت لي بت وولد وصحتك تمام قلت ليها والبت جاني الاستشاري رد لي قال لي بالزات البنوتة رحمة من رب العباد ولو فضلتي العمر كله تشكري عليها ربنا ماحتوفي
متلازمة داون دي نعمة مابفوز بيها اي زول فرحت شديد شديد وحسيت انو باب من الجنة اتفتح لي وحمدت ربناا بإحساس تمام الصالحات احساس اول مره احسو اصريت اني اشوف التؤام بس في الاول قالو لي مابتتحركى الا بكره بعد بقيت ابكى شديد لمن صدعت جابوهم لي واول ماشفتهم حسيت انو شلت قلبي واديتو ليهم حسيت روحى فيهم حبيتم حب كأنهم معاي سنين شفت بتى كأنها نور سبحان الله وعشان ماكنت مصدقه موقف ابوهم واتوهمت انو حلم قلت لي ماما ابوهم وين خلي يجي يأذن ليهم ويشوفم قبل مايسوقوهم مني قالت لي اذن ليهم جدهم وباستنى شديد في جبيني وشفت عمتى دمعت شديد عرفت انو بالجد كان صاح فسبحان الله قلت قدر الله وماشاءالله فعل وحسيت بي حاجة زي النعاس الشديد نمت لمن فقت لقيت خالتي جمبي قلت ليها عايزة اشوف اولادي لمن جابوهم كبار ماشاءالله حتى الملامح اتغيرت بس عرفتهم انهم اولادي جانى الاستشاري محمد ومعاهو زوجته دكتورة طب نفسي عرفني بيهاا وخلونى معاها وطلعو كلاما كان حلوووو وعرفت منها انى كنت في غيبوبه شهرين وإني قوية وحاتجاوز الصدمة المهم اتكلمت معاي اربعه ساعات لمن طلعت مني حسيت اني اتولدت من جديد وحياة جديده أكن ليها بالشكر والجزاء حدي اخر يوم في حياتى بعديها اول زول قابلتو أخوي قال لي انا ابوهم وانتِ كان وقعتى انا سندك وانتِ عزوتى في الدنيا حضنى حسيت بالامان انا ابتسمت ليهو لكن هو انهار وبكى طلع دخل على باباقال لي قبيل اديتو وردة من بناتى لكن هو ماقصر رجعم لي احلى تلاته وردات وانا الربحان وتبشري بي عز ابوك فرحت شديد من كلامه والحمدلله اتجاوزت الازمة وطلعنا البيت اول م وصلت البيت لقيت اهلي كلهم متجمعين وكرامة والناس مبسوطة عشانى الفرحة بقت مسيطرة علي وبقو يحكو لي ونضحك عرفت انو عمو بتاع الامن لمن ابو اولادي طلقنى عمو اتغاظ شديد وماقدر اسيطر علي نفسه قام عضاهو لمن خيتوها ليهو وهو والاستشاري الكفتو باتو في القسم ضحكت وقلت اهو في رجال لسه مابرضو الحقارة لبنات الناس ووالله بالصدفه عرفت انو سموهم صافي ومحمد خلال الونسه قالو سمتم نسيبتي وواقفه معاي حدي اسي انسانه بعشرة رجال الله يديها العافية عشت مأساه كانت اكبر من اني اتجاوزا لكن ربنا ييسر لي الناس الحولي من دكاتره لي اهل الحمدلله
عدت تلاته سنين صافي كانت فيهم رحممممة لكل ناس البيت بابا قال الكان بربحو في سنه بقي يربحو في اسبوع اخوانى الله فتحا عليهم كانو بحبو صافي ومحمد لدرجة انو بجو متلهيفين من برا اول حاجة بسالو منهم وال