Fayzullayev braziliyaliklar nigohida!Hozir futbolchilarimiz ichida eng o'yini yoqadiganlaridan biri Abbosbek Fayzullayev bo'lib turibdi menga. SSKAda Premyer ligani gullatyapti. Oxirgi marta Rossiya chempionatidada Denisov, Ahmedov yoki Shomurodovning shu darajada (balki kamroqdir) o'ynaganini bilaman. Abbosning o'yini yorqinroqdek ham.
Bugun yutubda
mana bu videoni ko'rib qoldim.
Brasil Scout degan kanal yosh, umidli va endigina tanilayotgan futbolchilar haqida video tayyorlar ekan. Unda hozirda Yevropaning top klublarida o'ynaydigan yoki o'ynagan, nomdor futbolchilar bor.
Berardi,
Gakpo,
Foden,
Kamavinga,
Pedri va Judni ukasi
Job Bellingem bor ekan.
Bu aslida Abbos uchun natija emas, haqiqiy natija maydonda ko'rsatiladi. Fayzullayev esa hozirda buni qaysidir darajada uddalayapti. O'yin uslubini kimlargadir solishtirish, kelajakda qaysi chempionat yoki top-klublarda o'ynashi mumkinligini taxmin qilish darajasidagi futbol mutaxassis emasman. Lekin kuzatuvchi, muxlis sifatida 20 yoshli yurtdoshimizni Yevropa grandlari qatorida ko'rishni istardim. Unda shunga yarasha potensial bor.
Faqat o'sishdan to'xtamasligi, o'z ustida doimiy ishlashi, kibrlanib ketmasligi va har doim boshqalardan ko'proq mehnat qilishi kerak bo'ladi. Chunki har qanday sohada ham ko'p mehnat qilgan kishi shunga yarasha mukofotga ham ega bo'ladi.
Orzuga ayb yo'q dersiz, lekin men Fayzullayevni "Barselona" tarkibida, asosiy motor sifatida ko'rishni xohlardim. SSKA libosidagi ranglar ta'sir qilgandir yoki ispanlarga muxlisligimdan shu xohish kelib chiqqandir. Lekin eng kamida Roma, Dortmund, Tottenhem, PSJ kabi jamoalarda o'ynashini tilayman.
Shunchaki shartnoma imzolab, 1-2 yilda soqqani qilib qaytish emas, o'sha klub muxlislari qalbidan va jamoa tarixidan joy egallashini istardim. U bunga qodir va munosib.
Abbos, gazini bos, uka. Sendan umidimiz katta.Sport+
