Ешқашан "адамдар мені жақсы көрмейді. мен ешкімге керек емеспін" деп айтушы болма. Сен бір адам үшін жеке əлемсің. Рас айтамын. Кем дегенде күніне бірнеше адам сен жайлы ойлайды. Кезінде сенің айтқан əзіліңді есіне алып, көшеде күлімсіреп кетіп барады. Сенің қылықтарыңды, келбетіңді, сөздеріңді есіне түсіріп, бір ойлайды.

Оған сенбеймін десең, сен маған керексің. Шын сөзім. Осы арнаға тіркелген əрбір оқырманды жақсы көремін. Әрқайсысының орны мен үшін ерекше. Оқырмандар тізіліп тұрған тізімді бастан аяқ көріп шығамын. Кім бар, кім жоқ... суреттері тұрса, суреттерін көремін. Түрлеріңе қарап қалай тамсанатынымды білсеңдеер. Инстаграм парақшаларын жазып қойса, ерінбей іздеймін. Арнадан шығып кетсе, бір мұңайып қаламын. Жаңа оқырман тіркелсе, балаша қуанып, іштей "қош келдің, жарқыным!" деймін. Мен бəрін көріп, бақылап отырамын. Менің арнамнан шығып, өзі де арна ашып, менің жазбаларымды салғанды да көремін. Мені ештеңе білмейді деп ойламаңыздар :)