وزن ميمر🍃

عباس اجيتك والدمع بعيوني
بس ردت اشوفك لجن ميخلوني
┄┉❈❥ًً❀••••••••••••••❀❥❈┉

ياخويه اجيتك ياحليف الغيره
محنت دليلي ياجفيل جبيره
من ديره امشي يالعضيد لديره

بحماك انه مكطعات ضنوني
عباس اجيتك ولدمع بعيوني

. ✍🏻الشاعره مريم العبوديه اسيرة الاحزان💔
┄┉❈❥ًً❀••••••••••••••❀❥❈┉

بحماك انه خويه ياهيبتنه
اثكيله المصايب يالاخو واذتنه
الدنيه خانت لا ولا رحمتنه

والخارجيه اعداكم يسموني
عباس اجيتك ولدمع بعيوني

✍🏻الشاعره أم علي الحلفي
┄┉❈❥ًً❀••••••••••••••❀❥❈┉

بهمومي اجيت اشكيلك بحسراتي
وحجيلك الصار وجره بدمعاتي
اشرحلك وضعنه خويه وبآهاتي

جدي محمد يا وسف يسبوني
عباس اجيتك ولدمع بعيوني

. ✍🏻 الشاعره أزهار جبار الجياشي
┄┉❈❥ًً❀••••••••••••••❀❥❈┉

عباس ياواهس سوالف ترفه
ياباب خيمه وياامان وعفه
أبحضن حيدر بي تنام وتغفه

يوم سمعت طايح تغير لوني
عباس اجيتك ولدمع بعيوني

.✍🏻الشاعره العلويه ان رقيه الموسوي
┄┉❈❥ًً❀•••••••★•••••••❀❥❈┉

فكدك يبو فاضل يهدم حيلي
ماغفت عيني مساهره بنص ليلي
يادمعتي بفكد النحبهم سيلي

بحبال مجتوفه يخويه اخذوني
عباس اجيتك ولدمع بعيوني

✍ الشاعره سهام المالكي
┄┉❈❥ًً❀••••••••••••••❀❥❈┉

بعدك رحت مسبيه خويه الغالي
حزن الكلب ياخويه عذب حالي
فوك الرمح راسك اشوفه كبالي

ياخويه بعدك هالعدى يولوني
عباس اجيتك ولدمع بعيوني

. ✍🏻الشاعره أم حيدر الزينبيه
┄┉❈❥ًً❀••••••••••••••❀❥❈┉


تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
ام رقيه الموسوي

نسألكم الدعاء
بتعجيل الفرج لصاحب الزمان (( ع))

https://t.me/ssrgk