خلي احجيلكم شي بنص هذا اليوم الجميل⛅️
الشمس هي نفسها، السماء نفسها، الهواء نفسه.
ليتغيير شي واحد ...هو افكارج تريدين تغييرها وتنجحين او تبقين هيج خاملة وتتململين من كلشي!!!

جيبي قلم وورقة اكتبي اهداف اليوم لتريدين تحقيقيهن الأشياء لتحبيها انتي و ومهمة عندج شرط مابيه شي يغضب الله 💜

ابتسمي بوجهج الناس لتشوفيهم، ساعدي ليريد مساعدة سمعي اهلج كلمة حلوة اتمازحي وياهم وخاصة نبع الحنان💙، اتأملي بالكون واتمعني انتي ما نخلقتي عبثاً!!

حتى الدقائق الفارغة ...امليها بالتسبيحات او الباقيات الصالحات سبحان الله والحمد لله ولا اله الا الله والله أكبر

تذكرون هذا الحديث ليقراها الملائكة يبنون قصر واذا سكت يوقف البناء!
وقت الصلاة اتركي كلشي بيدج وروحي التقي بحبيبج، صديقج، السند احجي وياه على كل تفصيلة صارت.

سوي لأشياء لتحبيها وأملي يومج بأشياء تفيدج وطوري من ثقافتج وابتعدي عن الكلام الفارغ والأهم القيل والقال والغيبة... الخ

وبنهاية اليوم اني راح اضمنلج راح تعيشين يوم جميل ومميز وحيوي والاهم يوم مملوء بذكر ربي🌿