လောင်းလုံးမှာ တနင်္သာရီတိုင်းဝန်ကြီးနဲ့ NLD ဗဟိုကော်မတီဝင်တို့ရဲ့ နေအိမ်တွေ ချိတ်ပိတ်ခံရ

တနင်္သာရီတိုင်းမ်၊ နိုဝင်ဘာ ၂၃

တနင်္သာရီတိုင်းအစိုးရအဖွဲ့ရဲ့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီး ဦးမြင့်စန်းနဲ့ NLD ပါတီရဲ့ ဗဟိုကော်မတီ(CC) ဝင် ဦးဗိုလ်ထွေးတို့ရဲ့နေအိမ်​တွေကို ချိတ်ပိတ်လိုက်တယ်လို့သိရပါတယ်။

လောင်းလုံးမြို့နယ် မင်းရပ်ရွာက ဦးမြင့်စန်းရဲ့နေအိမ်နဲ့ ကျောက်ဆင်ရွာက ဦးဗိုလ်ထွေးတို့ရဲ့ နေအိမ်တွေကို နိုဝင်ဘာလ ၂၂ ရက်မှာလာရောက်ချိတ်ပိတ်ခဲ့တာဖြစ်ပါတယ်။

ဦးမြင့်စန်းနဲ့ ဦးဗိုလ်ထွေးတို့ဟာ သူတို့ရဲ့နေအိမ်တွေမှာ မနေတာကြာပြီလို့သိရပါတယ်။

ဝန်ကြီး ဦးမြင့်စန်းဟာ ပြီးခဲ့တဲ့ ရွေးကောက်ပွဲမှာလည်း လောင်းလုံးမဲဆန္ဒနယ်အမှတ် ၂ ကနေ အနိုင်ရခဲ့သူဖြစ်ပြီး NLD ပါတီရဲ့မြို့နယ်အတွင်းရေးမှူးတစ်ယောက်လည်းဖြစ်ပါတယ်။

ဦးဗိုလ်ထွေးကတော့ လောင်းလုံးမဲဆန္ဒနယ် အမှတ် ၁ က တိုင်းလွှတ်တော်ကိုယ်စားလှယ်တစ်ဦးဖြစ်သလို ၂၀၂၀ ရွေးကောက်ပွဲမှာလည်း ထပ်ပြီးအနိုင်ရရှိထားသူဖြစ်ပါတယ်။

တနင်္သာရီတိုင်းထဲက NLD ပါတီရုံးတချို့ ပစ်မှတ်ထားဖျက်ဆီးခံရတဲ့ဖြစ်စဉ်တွေလည်းရှိခဲ့ပါတယ်။

The Tanintharyi Times

ဓာတ်ပုံ - ကျောက်ဆင်ရွာက ဦးဗိုလ်ထွေးနေအိမ်။