سُكَرِية

احبک الا مابي الايد
الاقيک في طريق اعوج

اکيد محتاجه لي شديد
وماعارفاني ليک احوج...

😭

❤️

كان تعفيني من السكته
ماداام القبوور ملحوقه...

والصح

انتِ قايله
بتشبهي شنووووو
بتشبهي
الباب لما يفتح
و تدخل النسمه
الخفيفه
تشبهي الليل
لما يدخل
بيتنا ويتلمّو المجانين
اللطيفين الحلاتن
عرضه في حوش الخليفه
بتشبهي السفَر
الكتابه
على بطن كفّ الصديق
المدرسه
وحصص المذاكره
قلوة البن المقعّد
في نهار رمضان
احبك
تشبهي
القُبله النضيفه
............
عمر السناري

ابتسامتك التي تأخذ حيزا صغيرا من وجهك
تأخذ حيزا كبيرا من قلبي ❤️

#الاغلبية_الصامتة
#ود_الامام

لا المسافه ولا الخيال يشغلني منك
عارفني منك 😍...

اجمل حاجه في الشغل حاليا السفر. .
في اسبوع
دنقلا القولد الدبه ...
ثم شندي غير مدني القضارف احاسيس طيبه ان شاءالله تاني لمن اكون ماشي محل فيهو زول بعرفو بقعدد اخر اليوم نقرا شعر😂

بتاع تكسي قال بتوالصغيرة عندها أزمة
وقال كان مفلس تمن بخاخ الازمة ماعندو ، قال لي اتوكلت على الله رغم إنو بخاخا خلصان وقفت في قلب السوق العربي بالليل راجي مشوار ، لغاية 12 بالليل مافي مشوار وانا قلبي على البت وبدعي ربنا يلطف ماتجيها نوبة أزمة في الليل دا هي وامها براهم وثالثن الفلس ، قال وصل شاب قيافة قاشر قال لي ياخال مشوار لي (منطقة طرفية) حاول يتفق معاي قلت ليهو ياولدي بالساهلة بس اركب مابنختلف وكان هدفي بس اطلع حق بخاخ الأزمة بتاع بتي وأرجع البيت ، لمن وصلنا الحلة وقف قصاد بيت كدا وقال لي ياخال قروشي ناقصة بس ادخل اتمها من اخوي وأجيك فقلت ليهو مافي مشكلة ، وقف دقا الباب كم دة ودفروا ودخل وقفلو وراهو ، إنتظرتو قريب ربع ساعة ماجا ، قال وانا صورة الشافعة قدامي خايفا تتعب وانا مافي ، نزلت دقيت الباب مافي زول فتح دقيتو تاني كم مرة قال واحد من الجيران طلع وقال لي ياخال دا مابيت دا حوش مسور وجا لزا الباب لقيت الحيطة البي ورا واقعة ومافي بيت بل قطعة مسورة والمطرة رامية الحوش الورى ، فقال لي إنت عاوز بيت منو فحكيت ليهو القصة فقال لي دا زول غشاك ودا زول مابيخاف الله 😕
قال حزنت جدا وإتألمت شديد الليل ليل ومافي قروش وانا في حته بعيدة جدا وبتي قدامي ، قال قعدت في الدركسون واتكيت بعد حسيت بي قهر وضعف وقلت (يااارب ، الزول دا قايل نفسو غشاني لكن هو غشى روحو لانو انا لو دعيت عليهو إنت بتنصرني يانصير المظلومين لكن يارب أشهدك إني عفيت ليهو تعبي دا لوجهك الكريم بس ياربنا الطف بي بتي الإبتليتا بالأزمة أنا صابر وقبلان يارب تغفر ليهو )
دورت اتحركتا ودموعي في وشي،،😢
في الزلط وانا طالع من الحلة وقفني شاب قال لي مشوار المطار ، مشينا شلنا أسرة وصلتهم المطار ونزلوا الشنط فقال بتهم الكبيرة المسافرة مع أمها هي الحاسبتني قال ادتني وقالت لي شكرا يا ابوي الله يقويك ، فقال قولت (يا ابوي دي) خجلتني أشوف القروش كم دخلتها في جيبي وقلت ليها تصلو بالسلامة ، وانا لافي في لفت صالة الوصول بتاع تكسي شاحن ضرب لي بوري قال لي في كم طيارة نزلت الخلق كتار أغشى شيل ليك مشوار ، شكرتو ورجعت على الوصول لاقاني شاب لازي عربيتو فيها شنط وقفني ، ما اتفقت معاهو قلت ليهو اركبي ياولدي فقال رفعنا شنطو وطلع ماشي قريب من سكني (الحتانه) فقال في الطريق قال لي ياعمنا والله انا جايي كونكشن ومرهق وجعان جوعة غريبة رايك شنو تمشي معاي مطعم نتعشا ونواصل ، فقلت ليهو والله ياولدي ياريت لكن بس محصل اشتري لي دواء لي بتي عيانة مابقدر آكل مقلق عليها فقال لي معليش واصل .
في الطريق سالني بتك مالا عيانة ، قلت ليهو عندها ازمة فكفر لي وقال لي الأزمة فقرية ربنا يشفيها وابتسم ، فقال إستغربت من إبتسامتو صراحة ،
في الطريق إستئذنتو انزل دقيقتين الصيدلية فقال لي لا ياعمنا ماتنزل واصل ، قلت ليهو يمكن ما القى صيدلية تاني فاتحة فقال لي يا ابوي (ياخ الصيدلية في شنطي دي) وقعد يضحك 😂😂 قلت ليهو كيف ؟
قال لي انا شغال في شركة ادوية خليجية وسيد الشركة بيدينا دايما ادوية مجانية نوزعا للمرضى المحتاجين مجانا (نوع من الزكاة)ومافي زول محتاج في نظري زي زول كبير في سنك سايق تكسي قديم الساعة 2 صباحا شان يوفر علاج لي بتو ، فقال وصلتو بيتو نزل الشنط وفتح شنطتو اداني تلاته بخاخات قال شلت واحد وقلت ليهو ياولدي واحد كفاية فأقسم إلا أشيل التلاته بخاخات وقال لي يا ابوي دا رقمي كل ماتحتاج برسل ليك مع زول جايي السودان ارجوك ماتشتري 😊
عمك ماشي قال اداني قروش إماراتية فقلت ليهو ياولدي الدواء دا كفاية انت شلت مني هم فقال حلف واصرا أشيلا فقال عاينت ليهو جوى عيونو وكنت بقصد ربنا في كلامي قلت ليهو (إنت كريم للدرجة دي ) ؟!!! 😢 فقال لي يا ابوي دا كرم من رب العالمين جاتك من الله نيتك طيبة ، يعني كانو رد الله سبحانه وتعالى على لسانو ، فقال اتحركت وانا مبسوط ، مبسوط من ربنا ومبسوط اكتر من الشاب (الغشاني داك) 😊
لمن وصلت البيت دخلت سريع لزيت الباب فلقيت بتي نايمة سالت زوجتي قلت ليها ان شاء الله ماتكون تعبت فقالت لي والله زي الساعة 12 ونص اتضايقت لمن قلت بتموت وضميتا علي وبقيت ادعي بعد شوية قالت لي يا امي والله نفسي رجع طبيعي ارتحت ، ونامت فقال لمن رجعت اتذكر الزمن لقيتو نفس الزمن الانا رقدتا فيهو في دركسون عربيتي وبكيت وعفيت عن الزول وقلت لي ربنا أشفيها وأحفظا !! فقال مشيت صحيتا وبوستها وقالت لي انا كويسة يابابا ، فقال من اليوم داك وصل لي حقيقة ، لو لجئت لي ربنا (بصدق) واستغنيت عن خلقو بيجيب ليك الخير ويسخرو ليك 😊
اما انا فطلعت من قصتو دي بالآتي :
لو خليت ربنا خليفة على اهلك ومالك مابتجيك عوجة (بالصدق والنية )
الشاب الغشا عمك دا غشاهو لي خير لانو لو حاسبو كان رجع بيتو بالبخاخ مدفوع التمن
لو سامحت زول ظلمك دا حاجة صعبة قدرتا تكسر نفسك لوجه الله ربنا حايعوضك ولمن يعوضك ربنا (إيييييك ياخ) 👌
منقول ❤

ألعبو غادي..
عشرة هناك بتظاهرو برة
وعشرة هناك بلعبو في النادي..
وعشرة البيت ما بمرقو منو
وعشرة هناك حارسين الرادي ...
وناس تتظاهر شان اللقمة ..
وشان ماعندها مصدر مادي...
وناس تتضاحك من دون همة..
وعندها دخلاً فوق للعادي..

وناس خوافة...
ديك الأم تمنع في جناها...
اوووعك تمرقك او تتظاهر..
خايفاك لي ماترجع صادي...
شعبنا بتحمشن دون فايدة
وماظنيتو يكون يوم جادي..
شعبنا مابتظاهر كلو ...
نصو هناك محتار في محلو
الدنيا معاهم ماشة زبادي
وربع النص الفاضل منو
عامل فيها مجامل وهادي
ونص الربع الميت حسرة
دي الآلام زايداهو تمادي..
وآخر نص في الربع الفضل..
هم في وادي وباقي الناس
كلها في وادي...

ديل ثوار الحيلو إنهدا ..
البلد النشف...
البلد الصادي...
برغم النيل السطر ارضو..
ورغم الخير الكان مدادي..
ديل ثوار الحق والمبدأ
ديل احفاد المك والمهدي..
ديل ياهم سندك يابلادي..

وألعبو غادي ...
.
.
أما آن الاوان لنتحد؟؟

#ود_الامام

#الاغلبية_الصامتة
.

مثل هذه الرسائل ترد الروح

الى شندي😍..


شق الديار علم

حبيبتك مرايتك...
حضورك غيابك.
دوامك قرايتك...

هي بتذكر حضور
لمه ساعه فطور...
حافظه جيتك تقول
ماكله كان في سمايتك

حبيبتك كفى

الله يستر من سماحتك
وانتي اصلا مابتتوبي
كاتله الفين لابسه اسود
جايه لابسه الليله كوبي...

محمدالشيخ