نوې غــــــــزل

زړګی مې ډير دی ناقرار ، یاره دا ستا له غمه
پکښې غمونه دي بېشمار ، یاره دا ستا له غمه

دا ستا یادونو خوب او خیال راڅخه نن وړی وو
شبګیر شبګیر وم تر سهار ، ياره دا ستا له غمه

ستا دارتلو په طمعه طمعه به مې شپه ویښه کړه
وم به تر ډیـره انتظار ،
ياره دا ستا له غمه

بېشمېر غمونه دي زما زړه کې دمه ولي دي
زړګی مې ستا په غمو بار ، ياره دا ستا له غمه

یاد دي آشنا ډیر وفادار راسره تل پاته وي
کم دي جانانه دی دیدار ، ياره دا ستا له غمه

ورکه آشنا په زړګي سخته ولي نه را درومې
څارمــه ستا د راتلو لار ، ياره دا ستا له غمه

قلم مي اوښکي اوښکي توی کړلې طالب فیضانه
لیکۍ مي ستا دسوز يادګار ، ياره دا ستا له غمه

@talebfayzan1887