Farrux Muxtarov | TATU Farg'ona filiali direktori

Aziz professor-o‘qituvchilar, talabalar, filialimizning ahil jamoasi!

Mana shu unutilmas, shukuhli damlarda sizlarni va siz orqali oila a’zolaringizni qutlug‘ qadamlar bilan yurtimizga kirib kelayotgan yangi 2024-yil bilan chin qalbimdan tabriklab, samimiy tilaklarimni izhor etishni o‘zim uchun katta baxt deb hisoblayman.
Bugungi kunda oldimizda turgan buyuk maqsadlarimizga erishish, yurtimizdagi islohotlarni yangi bosqichga ko‘tarish yo‘lida mamlakatimiz qo‘yayotgan amaliy qadamlar, O‘zbekistonimizning xalqaro maydonda obro‘-e’tibori yuksalib borayotgani barchamizga yaxshi ma’lum.
Shu ma’noda, o‘tib borayotgan 2023-yilda oliygohimizda ham keng ko‘lamli ishlar amalga oshirildi.
Shu bilan birga, hammamiz yaxshi tushunamizki, faqatgina jismoniy va ma’naviy jihatdan yetuk, zamonaviy bilimga, o‘z fikr va qarashlariga ega bo‘lgan, Vatanimizning taqdiri va kelajagi uchun mas’uliyatni o‘z zimmasiga olishga qodir bo‘lgan yangi avlodimizni kamol toptirish – hukumatimiz ko‘zlagan obod va farovon hayot barpo etishning asosiy garovi va aytish mumkinki, hal qiluvchi sharti bo‘lib maydonga chiqmoqda.
Kirib kelayotgan yangi 2024-yil yurtimizda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” deb e’lon qilinganini xalqimiz katta mamnuniyat bilan kutib olgani va keng qo‘llab-quvvatlayotgani, bu qaror el-yurtimizning olijanob orzu-intilishlariga naqadar hamohang ekanidan dalolat beradi. Va o‘z navbatida universitetimiz jamoasi oldiga ham yanada ulkan vazifalarni qo‘yadi.
Kirib kelayotgan yangi 2024-yil yurtimizga, barcha-barcha oilalarga baxtu saodat va omad keltirsin! Vatanimiz tinch, xalqimiz omon, osmonimiz musaffo bo‘lsin! Yangi yil barchamizga muborak bo‘lsin!