طِبيُّون 2005🥼💉.

#فالعضوية

#تذكر_انّ🤍.

اول شي ضروري كلنا نكونو حافظين اهم شي فالعضوية بالترتيب ل هما ميثان،ايثان الخ.. مفروض من شهادة حافظينهم ولو في حد مش حافظهم تو نحطلكم فيديو فالتعليقات يقعدو ديما ف دماغكم المهم:

-اولاً عندنا تنقسم اول شي الكيمياء العضوية للمركبات الاليفاتية والارومتية اروماتية بنزين فقططط
اليفاتية تنقسم ل مشبعة وغير مشبعة المشبعة عندها زوز بس الكان والكان حلقي برو وبرو ماكس
الغير مشبعة عندها تلاتة حالتها صعبة الكاييين والكان حلقي ل هوا السايكلو والكان عادي وهكي تمام

-فالالكانات اول واحد الميثان رمزه c وحده بس و 4 H
ول بعده ايثان 2Cو 6H ركز كويس انّ كل ما يزيد ديما ال C تزيد وحده وال H تزيد 2 ل عند اخر واحد ل هوا الديكان C10 و H22

-الكان ،الكين ،الكاين هكي رتبوهم ب دماغكم تمام
الالكان رمزه :Cn H2n+2 بالزايد ديما حاله مليح
الالكين رمزه :CnH2n الوسطي ديما منسي لا يزيد ولا ينقص
الالكاين رمزه:CnH2n_2 الاخير ديما بالناقص

-فالصيغ البنائية ديما ل ع الطرف تكون CH3 والوسط CH2 سواء فالبروبان او فالبيوتان والخ...

-#الألكانات غير قطبية والسبب أنها تتكون من كربون وهيدروجين ومفيش تجاذب اكتر من ناحية اي ذرة ومفيش شحنات جزيئية

-نبدو فالكحول الاولة حطو ف بالكم انّ فالبوست بدينا بيها الاوله خلوها ف دماغكم معناها شني رمزها R-oh رابطه وحده فقط وديما من اسمهم الكحوول يعني ديما المركب ينتهي ب وول ميثانووول ايثانووول

-عندك aldehyd الالدهايد رمزها R-C-H وفوق ال C بالزبط رابطه ثنائية مع حرف O وديما الالدهايد تنتهي ب أل تفكر زوز روابط مع زي أل وقلنا تنتهي ب أل زي ايثنال

-الروابط تلاتة:تساهمية،ايونية،تناسقية

-نبدو بالايونية (فلز +لافلز)فقطط
اهم ميزاتها تفكر ديما انها اقوا وحده وبدينا بيها اول وحده باش تقعد ف بالك انها اقوا وحده
وحط ف بالك ديما انّها مش مستحقه ل حد مفيهاش لا فقد ولا اكتساب زي الالكانات قلنا عليها امبكري انها مشبعة يعني رابطتها ايونية احادية مش محتاجه حد

-الرابطة الهيدروجنية اقوا من dipol

-الروابط بين الجزيئات تلاتة انواع
فاندرفالز ،dipol,هيدروجينية

-كلما يزداد الوزن الجزيئي وعدد ذرات الكربون .تزيد درجة الغليان.

-اشكال الالكانات :هيكلية رسمة زي الهيكل فوق لوطة كل مكان..تراكمية ورا بعض زي المنهج فيها رابطه وحده بس ...نباتية من اسمها كل رابطة متفرع منها غصن ل اصل النبتة ل هوا C ول متفرع منه H...جزيئية عادية اسم المركب بس

-طول السلسلة فالهيكلية يحدد درجة الغاليان كلما كانت اطول كلما زاد الغليان كل ماوراك منهج اكتر كل ماحيزيد يدخن دماغك ويغلي

-شن وظيفته الغليان؟يكسر الروابط الجزيئية معلومة مهمة الغليان للبيوتان اكتر من الايزو بيوتان الاصل اكتر من الفرع ركززز فيها

-الترقيم اقوا من الحروف ولو تساوى الترقيم نركزو ع الحروف الابجدية حطو عليها هلبا نجوم هيا*****

-لما يكون عندي تفرع من ذرة كربون وحده وعليه 3 هيدروجين يكون اسمه #ميثايل (methyl)

-ديما #فالتفرعات حدد أطول سلسلة وابدا من اقرب رقم للتفرع مع اهم شي وهوا مراعاة الابجدية

-المركبات القطبية كلها تذوب بشرط 5ذرات كربون واقل عدد صوابع يدك 5 اكتر من صوابع يدك ميذوبش

انواع التفاعلات الكيميائية العضوية

احلال: فالمركبات المشبعة ديما المشبع بتحله وتاخذ منه
الاضافة: فالغير مشبعة ديما بتحذف منه ،اضافة حذف الزوز عامل مشترك حرف (ف)

التهجججييين ل الكل يتلخبط فيه تعالولي جاي

خلي نرتبوهم مع انهم مش مرتبات وكل حد واسمه متع الشكل الهندسي اول حرف فيهم التلاتة كيف نحفظوهم شركة النت عندنا LTT

نبدو ب رقم واحد SP اسمه Linearالزاوية بين الفلاك المهجنة 180 حد تغير 180 درجة هدا الاول
والثاني 2SP .Triangular الزاوية 120 نقص من الاول 60 الشرط الاساسي فيه يكون محاط ب تلاتة ساحبات الكترونية

الثالث والاخير SP3 tetrahedal الزاوية 109.5 #هرمي رباعي احفظه الاخير فيه علة ل هيا .5 واهم شي الشرط الاساسي فيه انّه يكون محاط ب اربعة ساحبات الكترونية زي H وطالعين منها اربعة راوبط H,H,H,H

-معلومة مهمة جداً تركيز الاس الهيدروجينيPHيتناسب عكسيا مع تركيز ايون الهيدروجين H+ كيف نحفظوها الاس فالاهيدروجين عكسي اس عكسي حرف س عامل مشترك

-التكسيرررر مصدر مهم لتحضير غاز الهيدروجين

كيف نفرقوا بين الاحماض والقواعد القوية والضعيفة ؟
القواعد:
عناصر المجموعة الاولى كلها قوية
( Na
, K
, Li ,
Rb )

عناصر المجموعة الثانية كلها قوية
(ca ,
Ba ,
sr )
والباقي غيرهم كلها ضعيفة

بالنسبة للاحماض
الهالوجينات كلها قوية( I , Br , cl )
‏HBr , Hcl , HI

‏No3 قوي
ضعيف No2

‏so4 قوي
‏So3 ضعيف
احفظوها ل رقمه اكتر هوا اقوا

اي حاجة تنتهي ب COOH ضعيفة

‏Clo3 + clo4 قويات


حاجه بسيطه والجاي اكتر بعون الله ،وكالعادة #تذكروا_انّ خوكم احمد أبوظهير يتمنالكم التوفيق دائمًا وأبدًا🤍.

20 | رمضان 🌙✨.

بدأت العشر الاواخر فيا من قصّر فيما مضى لا يزال امامك الفرص،لقوله صلى الله عليه وسلم(من أحسن فيما بقي غفر له ما مضى ، ومن أساء فيما بقي أخذ بما مضى وبما بقي.)♥️.

و توا فـ 17 من رمضان اعتقد انك اقتنعت ان سريب القراية فـ رمضان مش سريبك ... فـ الأحسن لكي انك تمشي لـ الشيتات اللي نهار كامل تخمم فيهم وتضربهم كانشو .. وتوقف قدام المراية و تقول "إن شاء الله تخلى وتنبت فيها نخلة" و تقرر انك تستمع بـ اجواء رمضان فـ باقي الأيام اللي قاعدات .. بدل مـ انت ماسك نفس التركينة لا قريت ع روحك ولا طلعت وفرهدت زي الناس الطبيعية ✨.

15 | رمضان🌙✨.

اكتمل القمر وانتصف الشهر ،ربي اغفرلنا تقصيرنا فيما مضى من رمضان وأعِنا على ماتبقى منه وتقبل منّا يا مولانا انّك انت السميع العليم ♥️🤲🏻.

اخر كلام نبي نقولهولكم 🤍، معاش تدوروا الجامعة وامتى يقرروا موعد الامتحانات رغم انّ اخر موعد نزلوه الجامعة في صفحتهم الرسمية يوم 18 الطبية 🤍،انتم جهزوا نفسكم وكملوا قرايتكم وامتى يقولولكم وقت الامتحان تتوكلوا علي ربي، ربي يوفقكم ويفتحها عليكم🤍.

اوراق الاجابة للامتحان النصفي لمقرر الكيمياء العامة
الفترة الاولي
الجزء الاول
https://drive.google.com/file/d/1dGH5oc8tIvYKWeVNx17dusAqyMcvHBeV/view?usp=sharing
الجزء الثاني
https://drive.google.com/file/d/1o-BTO7hv2eo7-iUV7Vc1yEpvag_qf2vj/view?usp=sharing
الجزء الثالث
https://drive.google.com/file/d/1IBciCbk7ZHNZwrJgiUiACzvyGy43yHws/view?usp=sharing
الجزء الرابع
https://drive.google.com/file/d/1cjuvm0Ky9tc4LUjf6qB4LMSrJran0urR/view?usp=sharing

اوراق الاجابة للامتحان النصفي لمقرر علم النبات
الفترة الاولي
https://drive.google.com/file/d/1IdJ-VZYhtHCt6hPsg9skL3IjEk0EY-f-/view?usp=sharing
الفترة التانية
https://drive.google.com/file/d/1rig6EUQBMo-sqw_lFV70_9DC13CMNh1F/view?usp=sharing

#جامعة_طرابلس
#المرحلة_التمهيدية
#العلوم_الطبية

اوراق الاجابة للامتحان النصفي لمقرر اللغة العربية

الفترة الاولي
https://drive.google.com/file/d/1ixyXmne29GTUmA1ThX_xHHI9R8KMmdLO/view?usp=sharing

الفترة التانية
https://drive.google.com/file/d/1kQPHdJVxwk-ELKQ0ewYZveUi0uFltYKD/view?usp=sharing

طمنونا التفكير معاكم من بكري والله ان شاء الله درجات باهية 🤍؟

قرّب موعد النتيجة 🤍


نبي نقوللكم مهما كانت نتيجتكم خليكم فخورين بنفسكم المرحلة التمهيدية ومع كامل الاسف محد فينا مايعرفش الضغط والظلم ل صار فلهذا متخلوش الموضوع يأثر فيكم وباذن الله تكون نتيجتكم كلكم قنينة 🤍،ربِّ يجبر خاطركم جميعًا ويفرحكم ب نتائج تسر خاطركم وتفرحكم يارب العالمين 🤍🤍🤍🤍.

غدوا فطوركم احبائي✨:


3تمرات❌
النتيجة✅

1 | رمضان 🌙✨.

(أَيَّامًا مَّعْدُودَاتٍ)

اللهم اجعل بها اجورنا لا تُعد ودعواتنا لا تُرد♥️🤲🏻.

السلام عليكم ورحمة الله وبركاته
خوتي الطلبة بعون الله تعالى حنبدا معاكم في اقرب وقت فيديوات شرح ل جزئية بعد النصفي في اقرب وقت وحتكون كلها مجانية هني فالقروب ل درته الخاص بالمادة باذن الله ،غر أنّظم كل شي والوقت وناخذ ايباد كويس يساعدني فالشرح ونبدو مع بعض ومانبو شي الا دعواتكم فقط وربِّ يفتح عليكم🤍.

"علم حيوان"


أ.احمد ابوظهير

أحيوا سنة التبشير

عن أبي هريرة رضي الله عنه قال:

كان رسول الله ﷺ يُبَشِّر أصحابه بقدوم رمضان يقول :
قد جاءكم شهر رمضان شهرٌ مبارك، كتب الله عليكم صيامه، فيه تفتح أبواب الجنة وتغلق فيه أبواب الجحيم، وتغل فيه الشياطين، فيه ليلةٌ خيرٌ من ألف شهر، من حُرِمَ خيرها فقد حُرِم.


نظموا وقتكم كويس بين القراية والعبادات ومتضيعوش فضل الشهر هدا ديروا ساعات للقراية وساعات قران وتراويح صدقوني وقتها حتى ربي يباركلكم في وقتكم ويسهل عليكم حتى القراية 🤍،وان شاء الله ربي يعيده علينا وعليكم جميعًا بالخير والبركات يارب 🤍🤍🤍.

#رسمياً

دار الإفتاء الليبية تعلن أن غداً
هو يوم الأثنين.