مشواࢪ الثانوية || سنة اولى

🌐نصائح لمذاكرة جيدة للطالبات🌐

عزيزتي الطالبة
قد لايكون السبب في انخفاض تحصيلك ومعدلك الدراسي ضعفاً في قدراتك وإنما بسبب :تأجل الأعمال المهمة كالمذاكرة والاستعداد


🌐 اطلبي الله التوفيق وتوكلي عليه

🌐المذاكرة المبكرة ستجعل الطالبة على وعي ببعض المعلومات التي تحتاج لتركيز

🌐ضعي جدول لمذاكرة المواد يشبه الحصص الدراسية. والتزمي به، اجعليه يشمل اوقات الراحة وأوقات الأكل

🌐قلق الاختبار يخف كثيرا بالاستعداد المبكر وتنظيم وقت المذاكرة وتنظيم المادة المتعلمة ليسهل مذاكرتها قبل يوم الاختبار



🌐 من المهم تشفير المعلومات باي نوع يناسبك ولا تنسيه بسهولة مثل استخدام الاشكال او الالوان او الصور

🌐 لا تفكري كثيرا بنتيجة الاختبار فهي غيب ولكن ركزي في ما تقومي به الان وهو المذاكرة واتقانها

🌐 المذاكرة عمل يحتاج لاتقان ، والاختبار عمل اخر يتوقف على اتقان ما سبقه : المذاكرة ، الصحة ، النوم ، الوقت

🌐 استخدامي القلم وغيره لكتابة الملاحظات وتسجيلها وتقييم فهمك لاحقاً ، لها اثر ايجابي في اثراء فهمك .

🌐 وضع جدول للمذاكرة امر ضروري كي ينظم وقتك : يشتمل على ساعات مذاكرتك وساعات اكلك وساعات الراحة، وساعات نومك

🌐 حين تركزي على الاتقان في المذاكرة سيخف قلق الاختبار ، تزيد درجاتك ، تتعلمي بفهم ، تحتفظي بالمعلومات وقت اكبر

🌐 من اهم عناصر التفوق الدراسي تعزيز مبدأ الاتقان فحين تذاكري اجعلي هدفك اتقان ما تذاكره اكثر من تركيزك على درجتك في الاختبار


🌐 للمذاكرة الجيدة انتِ بحاجة لتحفيز نفسي قوي وافضل تحفيز هو في اخلاص عملك ثم اعتبار انجازك ليس خاص بك وحدك بل بمجتمع ينتظرك.

🌐 اربطي بين مذاكرتك وبين الاجر والثواب من الله وان يسهل الله بتعلمك طريقا للجنة .

🌐 لا تفكري بصعوبة المواد او صعوبة الاساتذة وانما ركزي على قدراتك ، تنظيمك لوقتك، مقدار فهمك، بناء شخصيتك العلمية ومعارفك.

🌐 تذكري انك فرد ربما يكون لك شأن عظيم لن تصله الا من خلال تخطي الاختبارات بنجاح .


🌐 تصوري(تخيلي) نفسك في مكان ترغبه لنفسك مستقبلا يحقق آمالك وطموحاتك.

متحمستلهه 🔥😂.

طلبة أولى ثانوي لعام 2022/2023 "2007" تعالوا نحكيلكم عن مواد أولى ثانوي شوي 🤍.

نبدوا بالرياضيات :
رياضيات اولى ثانوي عبارة عن تسخين لسنة ثانية وثالثة ثانوي يعني مقدمة ، والي لازم تركز عليه في رياضيات اولى هو باب " المجموعات " لأنه ح يصادفك في إحصاء سنة ثالثة و باب " الأسس والأعداد غير القياسية واللوغاريتمات" وهذا في غاية الأهمية لأنه برضو ح يصادفك في سنة ثالثة وثانية وفيه قوانين مهمة مبني عليها الرياضيات ، وباب "نظرية فيثاغورس وحساب المثلثات" وحتى هذا مهم جداً جداً لسنة ثانية وثالثة والقوانين الي فيه مهمات ، وباب "الهندسة الإحداثية والرسوم البيانية الخطية " هذا باب في غاية الأهمية لازم تفهمه عشان تفهم رياضيات ثانية وثالثة ، بالنسبة لباب التغير هذا مش مهم واجد ، وباب الحلول البيانية برضو فيه حاجات مهمة ، ونجو لباب "المعدلات التربيعية" الباب هذا مهم وفيه معلومات ممكن تفيدك في المستقبل ، اخر بابين مش مهمات واجد 💗.

نجو للفيزياء :

الفيزياء ساهلة وما تخافوا منها عبارة عن تحويلات وهذينا لازم تفهمهن كويس عشان ح يلحقنك في سنة ثانية وثالثة ، وعبارة عن قوانين سرعة والمسافة وما فيش منها خوف ساهلة وبسيطة وممتعة ، ح تستغربوا حاجة الي هي الرموز ح يقعدن بالإنجليزي ، بس هي مهمة جداً لأنه ميكانيكا متاعت ثانية وثالثة مبنيه عليها 💗.

الكيمياء :

ساهلة ولكن تبي من يعطيها حقها في الشرح ! يعني تبي انسان كيميائي يشرحها لك هنا تفهمها ع طول !
ممتعة وحلوة ومشوقة وخاصة كان كملتوها ، تعتمد ع الحفظ والفهم في نفس الوقت بس اكيدة تبي فهم اكثر 💗.

الأحياء :

دسسمم جداً جداً ويبي تركيز وحفظ وفهم 😂.
أحياء سنة اولى يشبه واجد لعلوم الأعدادي بس هنا اكيدة ح يتوسع وح يتعمق !

الأنجليزي :

قواعده مهمات جداً لانه تقريباً في اكثر من قاعدة مشتركة بين سنة اولى وثالثة علمي !
المهم قواعدة ساهلات لما تلقى من يشرحلك ! واغلب قواعده ازمنة 💗.

تقنية المعلومات "الحاسوب" :

ابرد مادة ح تواجهكم في سنة اولى 😂.
لا تنحفظ لا تنفهم مهما تشرح الأبله 😂.
المهم اول بابين نظري وبعدها كله عملي 💗.

التاريخ :

يتكلم عن تاريخ الأنسان قديماً وحلو للناس الي بتخصص أدبي ، يبي حفظ وفهم .
في بدايته يتكلم ع الانسان القديم وبعدها يبدا في القبائل في ليبيا وشمال افريقا وما ادراك ! المهم حلو 💗.

الجغرافيا :

صعبة شوي ودسمة ! وتبي قراية اول بأول !
جغرافيا سنة اولى عبارة عن علل وعرف 😂.

الدراسات الأدبية :

الدراسات الادبية هي تعريف للبلاغة والنقد والشعر والنثر والأدب ! بعدها يبدا في النصوص الشعرية ❤️‍🔥.

المهم التغير الي ح يطرأ عليكم هو بدل ماكانت اسمها قراءة ونصوص بدا دراسات ادبية راه 😂😂😂.

الدراسات اللغوية :

وهي النحو والصرف والاملاء

النحو ساهل وتافه اخرى ! حاجات عامة وساهلة وواخذينهن من الاعدادي

اما الاملاء ف برضو هي زي السنين الي فاتن

الصرف ، صرف صف تاسع اوعر منه 😂.

الدين : ساهل وحلو وممتع وفي معلومات حلوه ❤️.

علم الاجتماع : برضو حتى هو تعريف لعلم المجتمع ولازم تفهمه كويس عشان ح يلحقك في سنة ثانية وثالثة 💗.

وبسس ، بالتوفيق ان شاء الله 💗.

لغة فرنسية وايطالية يسسس💃💃

مفروض قبل النتيجة وقفوه مش توا 🙂🙂
شن استفدنا احني🦦💔

ليس ضرورياً أن تكون عظيماً في البداية
ولكن يجب أن تبدأ لتُصبح عظيما ً.𝒀𝒐𝒖 𝒅𝒐𝒏'𝒕 𝒉𝒂𝒗𝒆 𝒕𝒐 𝒃𝒆 𝒈𝒓𝒆𝒂𝒕 𝒂𝒕 𝒇𝒊𝒓𝒔𝒕
𝑩𝒖𝒕 𝒚𝒐𝒖 𝒉𝒂𝒗𝒆 𝒕𝒐 𝒔𝒕𝒂𝒓𝒕 𝒕𝒐 𝒃𝒆𝒄𝒐𝒎𝒆 𝒈❤𝒓𝒆𝒂𝒕.

"لا تندم على ما لم تستطيع فعلهُ في الأمس، بل قف و قاتل اليوم لتحققَ ما هو أفضلُ منه ♥️🫀."