قصيده عن لسان السيده زينب ع
••••••

مسبيات يم الحسن رحنه
ادينه مشدده بحبال خشنه

ولتنه الگوم الارجاس
صحنه بدمع عباس

يم الحسن يمه يم الحسن يمه

••••••

صعبه باليسر عالهاشميات

دروب طوال يمه وعدمن نبات

اخذنه الوكت يمه طول او فات

خويه يبو النوماس
صحنه بدمع عباس

يم الحسن يمه يم الحسن يمه

ام نادين المحمداويه

••••••

جرونة غصب ونصب الدموع

كلبنه من الحزن لحسين موجوع

نمشي والقهر بالكلب مطبوع

غريبه ابين هل ناس
صحنه بدمع عباس

يم الحسن يمه يم الحسن يمه

✍🏻ام امير الموسوي

••••••

خلاني زماني افتر بالبلاد

من بعد الخدر امشي ويه جلاد

يا فگد الاخو للگلب مراد

خويه الكلك احساس
صحنه بدمع عباس

يم الحسن يمه يم الحسن يمه

العلويه ام محمد الخطيب

••••••

يمه محيرة بعيله او نساوين

وما ندري ييمه وين ناوين

وصعبه لو دخلنه احنه بدواويين

ادخل رافعه الراس
صحنه بدمع عباس

يم الحسن يمه يم الحسن يمه

ام سجاد الصبيحاوي

••••••

الحگي يم حسن يمه عليه

شوف شلون ضربوها رقيه

ماعندي ولي وشلون بيه

راح الجان حراس
صحنه بدمع عباس

يم الحسن يمه. يم الحسن يمه

✍🏻متيمة عبدالله الرضيع

••••••

من بعد الكفل يمه انسبينه

يسرنه الشمر يزمخ عليينه

اطفال وحرم واحنه انولينه

وانگطعت الانفاس
صحنه بدمع عباس

يم الحسن يمه ...يم الحسن يمه

الشاعره ايه العمشانيه
خادمه العتره الطاهره

••••••

كعدنه بالخرايب فوك التراب

بغرفه يالاخو لاسكف لاباب

يشتمنه الشمر يهلي ولاهاب

ترضه الخدر ينداس
صحنه بدمع عباس

يم الحسن يمه يم الحسن يمه

علويه ام حسن البدري

••••••

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
https://t.me/Kfeilzainp