Xullas boshladim:
Yil boshida o'zimni uyda ortiqchadek his qildim Toshkentga ketishga qaror qildim.
Maqsad yilni oxirigacha yaxshi daromadli ham intellektual ishga joylashish edi.
Yanvar oyi:Nima ish qilishni bilmasdim keyin kitob do'konlarida ishlash fikri keldi. Instagramda hamma do'konga yozib chiqdim Qamardan tortib eng kichiklarigacha. 30-40 ta joy bizga xodim kerakmas dedi, keyin Hadya kitobim degan akkauntga yozdim "online ishlaymiz bizga admin kerak 1 hafta sinov muddati" deyishdi. Akkaunt egasi bilan ko'rishdik gaplashdik hammasi yaxshi ketyotgandi birdan u odam yo'qolib qoldi meni 1 hafta ishlatib "chopishdi"😐
Fevral oyi:Yana instagramda qayta yozib chiqdim hamma bookshoplarga "Sarmoya books" akkauntidan javob keldi raqam berib bog‘laning dedi. Boshliqni raqami ekan gaplashdim bozorga chaqirdi (Solnechniy bozor bor kitob savdo qilinadigan) bordim Andijonlik akalar ekan 3 kun ishladim o'zimga ma'qul kelmadi u joy kitoblarni qo'limga kam olardim quti quti ko'tarib mashinalarga yuklab jo'natardik asosan ingliz tilidagi adabiyotlar edi
Mart oyi: O'sha yerdagi akalar bilan gaplashib o'zim online do'kon yuritishni boshladim kitob olib shahar ichida o'zim viloyatga pochtadan yetkazardim. Admin, yetkazuvchi, post yozuvchi, reklama qildiruvchi nima ish kerak bo'lsa hammasini o'zim qilardim.
Telegramda ozmi ko'pmi odam yig'dim savdo yaxshi edi keyin birdan pasaydi reklamaga pulim qolmadi kamiga do'kondan kitoblar qarzga olgandim bo'ynimda qoldi ishqilib biznes minusda tugadi.
Mart Aprel oylari shu biznesga ketdi.
May oyida universitetda sirtqi o‘qishim boshlandi miyaga dam berdim o'qib yengik stressni boshimdan o'tkazdim ayamga bildirmadim.
Iyun oyi:Barno Asqarova kanalida sotuv menejerlari uchun vakansiya joylandi shunchaki raqamimni qoldirib qo'yib ishim bo'lmadi.
Qarzim bor yashash uchun pul yo'q uydagilar majburan pul tashlab berardi uyga qayt deyishardi ko'nmasdim tilimni tishlab yarim yo'ldan qaytishga g'urur qo'ymasdi.
Uyog‘i qiziq yanayam Uzum tezkorga velo-kuryer bo'lib ishga kirdim. Velosipedni telegramdan 1 haftaga ijaraga oldim. Tushdan keyin eng issiq paytda ovqat yetkazib berardim, kuniga 50-60 km yo'l yurardim. Mijozlardan gap eshitib kechikib bir amallab yetkazardim. Kunlik daromadim o'zimni qoplashga yetardi lekin qarzimga ortirolmasdim, keyin kechasiyam chiqishga qaror qildim yarim kechadan o'tganda yo'ldagi beton to'siqni ko'rmay qolib yiqildim velosiped g'ildiragi dabdala bo'ldi baxtimga bir yap-yangi qora "gentra" da bitta aka velosipedimni ortib yotar joyimga yetkazib qo'ydi. Yiqqan terganimga velosipedni ta'mirlab egasiga topshirib bu ishni ham tashladim.
Iyul oyi: Keyin kutilmaganda Barno Askarova menejerlaridan telefon bo'ldi suhbat qilishdi sotuv bo'limiga ishga taklif qilishdi. 2 haftalik treningdan o'tdik sotuv texnikalarini o'rgatishdi. Ularda ishlashim kerak edi lekin oxirgi pallada
mohirdev.uz ga sotuv bo'limiga ishga kirdim. ( menga uyer tanish edi qiynalmayman deb o'yladim)
Ish joyi vaqti hammasi zo'r edi dasturchilar bilan tanish bilish orttirdim yaxshi odamlarni uchratdim qarzimdan qutildim hammasi zo'r ketardi. Lekin 2 oygina ishladim.
Sotuvda qolish niyatim yo'q edi asli dasturchiman shu sohada ishlashni orzu qilardim.
Mohirdevdan chiqib dasturlash bo'yicha ish qidirdim lekin topolmadim.
Sentabr oyi:Yana sotuvga qaytdim ilojsizlikdan
prep.uz ga ishga kirdim yaxshi oylik olardim lekin tan olaman ishdan zavqlanmasdim. U yerda ko'p narsa o'rgandim shaxs sifatida o'sdim.
2 oylik sarguzasht kechdi u yerda ham. ( Sezgan bo'lsangiz bir joyda 2 oydan ko'p ishlamadim😁 ayb menda yangilik qilishni yaxshi ko'raman)
Dekabr oyi: Farg'onadan dadam telefon qildi. "Hamma ishingni yig'ishtir maktabdan ish topdim dars berasan" -dedi. Yolg'iz hayotdan charchaganimgami bilmadim darrov rozi bo'ldim faqat maktabda ishlashga ko'nolmasdim(chunki davlat ishxonalarini yoqtirmayman)