بیر دئییمین اؤیکوسو
«#بوندان_فاطی‌یا_تومان_اولماز!»
گونلرین بیر گونو بیر شاه واریمیش؛ شاه وئرگی¹ مامور لارینا بویورق² وئریر : هر کیمسه‌نین آدی قاراش، فاطی اولسا و هر کسین خکی‌سی³ اولسا ایکی شاهی⁴ علاوه وئرگی وئرمه‌لیدی.
بو قانون مملکتده یاییلیب و اجرا اولور.
او زامانلار، سیچان اوستونده گزه بیلمه‌سین دئیه تیکانی پردی‌نین* اوستونه دؤشردیلر. بیر تیکانچی واریدی؛ گونلر تیکان ساتیب آلتی شاهی پول ییغمیشدی. آروادی دئییر: آی کیشی گئت شهره منه بیر تومان، ائوه ده بیر آز آیین اویون آل.
کیشی یولا دوشدوور. شهره یاخینلانلاشاندا مامورلار، تیکانچی‌نین خکی ائشکله گلدیینی گؤرورلر. کیشییه «دایان! ایکی شاهی وئرمه‌لیسن!» دئییرلر.
ک- نییه کی؟
م- شاه بویوروب خکی‌سی اولان ایکی شاهی وئرمه‌لیدی.
تیکانچی ایکی شاهی وئریب دئییر: داش باشینا قاراش! تیکان ساتماقلا آلتی شاهی ییغ اونوندا ایکی شاهی‌سینی وئر بولارا.
«قاراش کیمدیر؟» مامورلار سوروشارلار.
ک- منیم آدیمدیر.
م- ایکی شاهی ده وئرمه‌لیسن!
ک- او ندن؟
م- شاه بویوروب کیمسه‌نین آدی قاراش اولسا ایکی شاهی وئرمه‌لیدی.
قاراش باخیر الینده‌کی قالان ایکی شاهی‌یا دئییر: «بوندان فاطی‌یا تومان اولماز!»
مامورلار «فاطی کیمدیر؟» سوروشدولار!
ک- منیم آروادیمین آدیدیر!
م- ایکی شاهی‌دا وئرمه‌لیسن!
ک- دای او نییه؟
م- شاه بویوروب هر کیمسه‌نین آدی فاطی اولسا، ایکی شاهی وئرگی وئرمه‌لیدی!
قاراش بئله‌سی بوتون پول‌لاری الدن وئریب بوش بئکار ائوه دونور.
راوی: #حاجی_ولی_فرجی
✍یازییا آلان: #عباس_حمیدزاده
🎙سس: #نادر_سولدوزلو
1.وئرگی: مالیات_عوارض
2.بویوروق: فرمان_دستور
3.خکی: بیر نوعی ائششک
4.شاهی: قدیم ایشله‌نیلن پول
*.پردی: قدیم داملارین اوستون آغاج، قمیش، توپراقلا توتوب سوواردیلار و سیچان اونون آراسیندا یووا قورماسین دییه آغاج و توپراق آراسینا تیکان دوزردیلر.
@a_z_soz
@Turknagillar
«#بوندان_فاطی‌یا_تومان_اولماز!»
گونلرین بیر گونو بیر شاه واریمیش؛ شاه وئرگی¹ مامور لارینا بویورق² وئریر : هر کیمسه‌نین آدی قاراش، فاطی اولسا و هر کسین خکی‌سی³ اولسا ایکی شاهی⁴ علاوه وئرگی وئرمه‌لیدی.
بو قانون مملکتده یاییلیب و اجرا اولور.
او زامانلار، سیچان اوستونده گزه بیلمه‌سین دئیه تیکانی پردی‌نین* اوستونه دؤشردیلر. بیر تیکانچی واریدی؛ گونلر تیکان ساتیب آلتی شاهی پول ییغمیشدی. آروادی دئییر: آی کیشی گئت شهره منه بیر تومان، ائوه ده بیر آز آیین اویون آل.
کیشی یولا دوشدوور. شهره یاخینلانلاشاندا مامورلار، تیکانچی‌نین خکی ائشکله گلدیینی گؤرورلر. کیشییه «دایان! ایکی شاهی وئرمه‌لیسن!» دئییرلر.
ک- نییه کی؟
م- شاه بویوروب خکی‌سی اولان ایکی شاهی وئرمه‌لیدی.
تیکانچی ایکی شاهی وئریب دئییر: داش باشینا قاراش! تیکان ساتماقلا آلتی شاهی ییغ اونوندا ایکی شاهی‌سینی وئر بولارا.
«قاراش کیمدیر؟» مامورلار سوروشارلار.
ک- منیم آدیمدیر.
م- ایکی شاهی ده وئرمه‌لیسن!
ک- او ندن؟
م- شاه بویوروب کیمسه‌نین آدی قاراش اولسا ایکی شاهی وئرمه‌لیدی.
قاراش باخیر الینده‌کی قالان ایکی شاهی‌یا دئییر: «بوندان فاطی‌یا تومان اولماز!»
مامورلار «فاطی کیمدیر؟» سوروشدولار!
ک- منیم آروادیمین آدیدیر!
م- ایکی شاهی‌دا وئرمه‌لیسن!
ک- دای او نییه؟
م- شاه بویوروب هر کیمسه‌نین آدی فاطی اولسا، ایکی شاهی وئرگی وئرمه‌لیدی!
قاراش بئله‌سی بوتون پول‌لاری الدن وئریب بوش بئکار ائوه دونور.
راوی: #حاجی_ولی_فرجی
✍یازییا آلان: #عباس_حمیدزاده
🎙سس: #نادر_سولدوزلو
1.وئرگی: مالیات_عوارض
2.بویوروق: فرمان_دستور
3.خکی: بیر نوعی ائششک
4.شاهی: قدیم ایشله‌نیلن پول
*.پردی: قدیم داملارین اوستون آغاج، قمیش، توپراقلا توتوب سوواردیلار و سیچان اونون آراسیندا یووا قورماسین دییه آغاج و توپراق آراسینا تیکان دوزردیلر.
@a_z_soz
@Turknagillar