İman əminin dişləri tökülmüş
Qarısının beli bükülmüş
Var-yox ları
Bir həsir-bir püsür
Bir gün qarı, qocadan küsür
Deyir:
tanrı evinə getmək istəyirəm!
İman əmi bu işdə qalır
Kəndin mallasından məsləhət alır
Malla deyir:
malını “pak”la get
İmam malı, seyid malı, ...
İman əmi deyir:
yalnız bir inəgim var
Onu necə bölmək olar?!!!...
Malla deyir: bax! bucür
Dibi mallanın
Başı mallanın
Sinə-qabırqa
Döşü mallanın
(Qalanın)
Onu yeddi böl
Beşi mallanın
İman əmi əli-ayağından uzun qayıdır evə
Qarısına deyir:
Daha imanda hərnə vardı malla aldı
Tanrının evinə ancaq imansız gedə bilirsən...

#Pozğun_Tufarqanlı

ايمان عمى

ايمان عمى نين ديشلرى تؤكولموش
قارى سينين بئلى بوكولموش
وار- يوْخ لارى
بير حصير-بير پوسور
بير گون قارى، قوجادان كوسور
دئيير:
تانرى نين ائوينه گئتمك ايسته ييرم!
ايمان عمى بو ايشده قالير
كندين ماللاسيندان مصلحت آلير
ماللا دئيير:
مالينى "پاك" لا گئت!
ايمام مالى، سئييد مالى،...
ايمان عمى دئيير:
يالنيز بير اينه گيم وار
اوْنو نئجه بؤلمك اولار؟!!!...
ماللا دئيير: باخ،! بوجور
ديبى ماللانين
باشى ماللانين
سينه-قابيرقا
دؤشو ماللانين
(قالانين)
اونو يئتدى بوْل
بئشى ماللانين
ايمان عمى، ألى-آياغيندان اوزون قاييدير ائوه
قارى سينا دئيير:
داها ايمان دا هر نه واردى ماللا آلدى
تانرى نين ائوينه آنجاق ايمان سيز گئده بيليرسن...

@Uyqarliq