Talabalarga 24 soat davomida xabar qoldirish imkonini beruvchi maxsus bot ishga tushirildi.
Oliy va o‘rta maxsus taʼlim vazirligi karantin davrida talabalar va ularning ota-onalari, qolaversa, keng jamoatchilik bilan muloqotni kuchaytirish hamda yurtdoshlarimizga sohaga oid taklif-mulohaza, muammolar to‘g‘risida tezkor xabar qoldirish imkonini beruvchi maxsus botni ishga tushirdi.
@otv_murojaat_bot boti orqali hamyurtlarimiz respublikadagi barcha oliy taʼlim muassasalariga muassasa faoliyatiga doir xabar qoldirishlari mumkin. Buning uchun bot orqali hududlar kesimida kerakli oliy taʼlim muassasasi tanlanadi va xabar qoldirilishi mumkin. Yuborilgan barcha xabarlardan oliy taʼlim muassasasi rahbariyati xabardor bo‘ladi.
Ushbu bot aynan hozir, karantin kunlarida oliy taʼlim muassasalarida o‘quv jarayonlari masofaviy yo‘lga qo‘yilib, vazirlik tomonidan talablarning masofadan turib sifatli taʼlim olishlari uchun barcha resurslar safarbar etilgan bir pallada ishga tushirildi.
👉
alisher_edu👈
