UzTUTOR- barcha fan ustozlari, TUTORlar va ularning faoliyatini qo'llab quvvatlash kanali.

Keyingi yildan toifasiz pedagoglar vazir jamg‘armasidan ustama ololmasligi mumkin.

Vazir jamgʻarmasidan ustama berish tartibiga oʻzgartirish kiritish boʻyicha tayyorlanayotgan Hukumatning yangi qaror loyihasiga binoan, endilikda barcha pedagoglar mazkur ustamani olishga daʼvogarlik qilishi mumkin.
 
Buning uchun talabgor pedagoglar malaka toifasi sinovlarida qatnashishi lozim. Bu haqda Maktabgacha va maktab ta’limi vazirligi matbuot xizmati xabar qildi.
Maktabgacha va maktab taʼlimi vazirligi tomonidan tayyorlangan ushbu qaror loyihasiga koʻra, kelgusi yildan boshlab Vazir jamgʻarmasi uchun oʻtkaziladigan birinchi bosqich (test) sinovlari oʻtkazilmaydi.
  
Keyingi bosqichga nomzodlar sifatida malaka sinovlarining birinchi bosqich natijalariga koʻra umumiy ballning kamida 80 foizini qoʻlga kiritgan fan oʻqituvchilari hamda maktabgacha taʼlim tashkilotlari tarbiyachilari orasidan eng yuqori natijani koʻrsatgan uchta nomzod tanlab olinadi (hududlar kesimida fan yoʻnalishlari boʻyicha taqsimlangan har bitta kvota uchun). 
 
2026-yilgi Vazir jamgʻarmasidan ustama oluvchi nomzodlar joriy yilgi malaka sinovlari ishtirokchilari orasidan tanlab olinadi.
 
Yanvar-iyun oylarida oʻtkaziladigan attestatsiyada ishtirok etish uchun yuborilayotgan murojaatlar:
 
–  Maktabgacha va maktab taʼlimi vazirligining pedkadr.uzedu.uz platformasi;
 
–  Yagona interaktiv davlat xizmatlari portali my.gov.uz;
 
–  Davlat xizmatlari markazlari orqali 2025-yil 1-martga qadar qabul qilinadi.