• rakhmanov

Muhit - eng katta kuch

Oldinlari "Boy insonlar bilan yursang boy, aqlli insonlar bilan yursang aqlli bo'lasan" degan tushunchani yaxshi anglamaganman.

So'nggi 2 yilda shunga tushundimki, insonga muhit qattiq ta'sir qilar ekan.

Siz o'zingizdan ilmliroq, boyroq, kuchliroq va taqvodorroq insonlar bilan bo'lsangiz, aynan ulardek bo'lish ehtimolingiz yuqori bo'ladi.

Muhit eng katta kuch, bunga dalil:

Abu Hurayra roziyallohu anhudan rivoyat qilinadi:
«Nabiiy sollalohu alayhi vasallam:

«Har bir tug'ilgan bola faqat fitrat (sof tabiat) ila tug'iladi. Bas, ota-onasi uni yahudiy yoki nasroniy yoki majusiy qiladi» dedilar.

Yuqoridagi hadisga e'tibor qilsak, farzand ota-onasi muhitida katta bo'ladi va ayni muhitdagi inson bo'ladi.

Undan tashqari xalqimizda "Qush inida ko'rganini qiladi", "Menga do'stini ko'rsat, men uni kimligini aytib beraman" kabi muhitga bog'liq hikmatli maqollarimiz bor. Ya'ni atrofingizdagilar sizning muhitingiz.

Qaysi sohada kuchli bo'lishni istasangiz, ayni sohadagi kuchli va tajribaliroq kishilar bilan birga bo'lishingiz kerak.

Bu qoida har holatda ishlaydi, masalan, oila qurishda ya'ni juft tanlashda ham kelajakda farzandingiz uchun ota yoki ona bilan birgalikda muhit ham tanlayotgan bo'lasiz.

O'zingizga to'g'ri muhit tanlang!

Shukr va harakat

Biz shukr qilish bilan birgalikda harakat ham qilishimiz kerak. Ayni holatimizga Allohga shukr qilishimiz kerak, ammo, shuni o'zi bilan kifoyalanib qolmasligimiz kerak.

Ochiqroq qilib aytganda, kishi "Hozirgi holatimga Allohga shukr qilaman, ammo, o'zimdan ko'nglim to'lmaydi, yanada ko'prog'iga harakat qilishim kerak" degan tushuncha bilan yashashi, uning rivojlanishiga eng katta turtkidir.

O'z nafsingizni malomat qila olyapsizmi, o'zingizni tanqid qila olyapsizmi, demak, sizga eng ulug' ne'matlardan biri berilibdi.

Hamma o’z kitobini to’ldirib bormoqda.

Eng muhimi, so’ngida kitobimiz qaysi tarafdan beriladiyu, kelajagimiz qayerda bo’ladi, shu…

Kuchli insonlarni yetishtirish uchun to'g'ri tarbiya va voyaga yetguniga qadar kuchli nazorat kerak bo'lar ekan...

«Agar, uhlayotganingizda ham pul kelib turadigan ish qilib qo'ymagan bo’lsangiz, o'limingizga qadar ishlashingizga to'g'ri keladi»

© Warren Buffet

Assalomu alaykum!

Sahifamda shaxsiy hayotim, fikrlarim, o’qiganlarim va o’rganganlarimdan siz bilan bo’lishib boraman…