اتصلت بيه ، سكر علها بالمشغول ،
عاودتله سكر علها وعاودت مرتين بعدها وهوا يسكر علها ،
بعتتله مسج !
رد اني نبيك ،
ردلها بمسج !
توا معاي جماعه طالع لما نفضى نكلمك ،
قعدت تستنى وتبكي لعند نص الليل ،
اتصل بيها ؛
ردت ،
قاللها انتي عششتي بكري واني معاي اولاد مش فاضي نكلمك ،
خنقتها عبرتها وحتا لي كانت بتقوله عليه نساته ،
قاتله سامحني نستادن منك ،
قاللها ادنك معاك اصلا مش فاضي حتا ني ،
سكرو الخط ؛
جي الصبح اتصل بها ،
تاليفونها يضرب ومفيش حد يرد ،
قعد يتصل طول اليوم ومفيش رد نهائي ،
معاش عرف كيف بيوصلها كيف بيعتدر علي داره ،
مشي لحوشهم لقي خيم ف الحوش وزحمه وعياط ،
قرب سأل ،
قالوله انه لي يحبها ماتت !
شافهم قدامه رافعينها ف التابوت ،
لحقهم ،
شافهم وقت يحطو ف حب حياته تحت التراب ؛
خلهم لين يمشو ،
وجي عند قبرها ومش مستوعب ان خلاص معاش في لي يحبها ،
قعد يبكي ويقولها ارجعي ني نبيك انحبك ،
ارجعي وسامحيني ،
انتي وعدتيني ان مش رح تسيبيني ،
فات اليوم الأول والتاني والتالت ،
وهوا قاعد عند قبرها ومش مستوعب ،
جي رابع يوم رن تاليفونه ،
رد لقاها اخت حبيبته ،
قالتله في ورقه كاتبتها ليك اختي قبل متموت ،
وأمنتني نسلمهالك ،
مشي وخدها منها ،
ورجع عند قبرها ،
فتح الرساله :
" حبيبي اني اتصلت بيك نبي نسمع صوتك نبي نموت مرتاحه نبيك تكون معاي ف اخر لحظات ليا ، اهو ريحتك من هبالي وعنادي ونكدي ، خلاص معاش في لي تبكي من ابسط كلمه تقولهالها معاش في لي تنكد عليك وتتبرد عليك ، معاش في لي تعاند فيك وكل حاجه تقلها علها تقولك لا ، معاش في لي تسكر ف راسها معاك ، سمحني حبيبي ولعند اخر لحظاتي قاعده نحبك وانت الحب لي ف قلبي ومتزعلش مني الان مش بإيدي سيبتك ربي يعطيك كل الخير .....
انحبك ي دنيتي وجنتي "
قعد يقرا ويبكي نادم ومتحسر ان هوا مردش علها ومكانش معاها ف الوقت لي احتاجاته فيه ،
قعد يقلها اسف سمحيني اني والله نضت الصبح واتصلت بيك بنقولك سامحيني اني انحبك ، اتصلت بنصلح غلطتي ، علاش سيبتيني ،
_ من غلطه دارها قعد نادم طول حياته ،
بلاش تطلعو كلام قبل متعرفو معناه وتجرحو بيه لي يحبوكم ،
وبلاش تخلوو حد تحبوه يرقد زعلان منكم ،
الأن الدنيا فراقه ،
ومتعيشش روحك ف الندم الان مينفعكش 💔!
#ويكو
@wekox
