Wir.by

Ужо не першы год мы збіраем для вас цікавосткі пра беларускую і сусветную культуру: выпусцілі серыю падкастаў, мапу беларускіх легендаў, разнастайныя відэа. Але ўвесь гэты час мы працавалі над магчымасцю сабраць усе нашыя матэрыялы ў адным месцы. Сёння мы нарэшце можам сказаць, што сайт Wir.by афіцыйна пачынае сваю працу.

На сайце ёсць і ўсе нашы старыя матэрыялы, і абсалютна новыя ў фармаце тэксту і відэа. Wir.by працуе на дзвюх мовах — рускай і беларускай, вы можаце абраць тую, якая пасуе вам больш.

Мы вельмі чакаем наведвальнікаў і будзем рады, калі вы распавядзеце пра гэтую навіну сваім сябрам. А тым, хто ўжо паспеў усе прачытаць, паслухаць і паглядзець, рэкамендуем падпісацца на нашыя сацсеткі, каб не прапусціць новыя матэрыялы.

Вiруем разам — wir.by/be.