Eldan burun Noyabrga “Hello!” demoqchiman. Xuddi kechagina sentyabr boshlangandi. Endi esa kuzni oxirgi oyi.

Gapimni oktyabr qanday o’tgani bilan boshlamoqchiman. Oktyabrni shubhasiz kuz oylari ichidagi eng zo’r o’tgan oyim deb hisoblayman va unga birinchi o’rinni beraman (hali noyabrda yashab ko’rmagan bo’lsamda). Oktyabr o’ylab yurganimdan zo’r o’tdi. Judayam ko’p yangi joylar va o’zgarishlar bo’ldi.

Oktyabrda bittayam kitobni oxirigacha o’qib tugatmagan ekanman o’ylab qarasam. Lekin kino va podkastlarga kelganda anchagina narsa ko’rdim. Hozir ham “Бумажный дом"ni 2-sezoniga keldim. Deyarli har kun bitta podkast yoki qanaqadir foydali video zarar qilmayapti. Hech qachon qilmagan ishim - audiokitob eshitish ham bajarilyapti sekin-astalikda. Umuman olganda, oktyabr eng zo’r oy.

Sentyabrga keladigan bo’lsak.. Ko’nglimdagi sentyabr qanaqa o’tgan bo’lishini bilmadim-u, lekin noshukrlik qilmasdan aytsam, sentyabr yaxshi o’tdi. Ammo noshukrlik qiladigan bo’lsam, bu oyda deyarli yashamadim. Tez va shoshilinch o’tdi go’yo. Yana ko’p darslar berdi)

Noyabr qanaqa o’tarkan? Kuz oylari ichida 2-o’rinni olishiga umidvorman. Ko’p rejalarim bor, qiladigan ishlarim bor. Hammasiga ulgurishim va bu uchun yetarlicha kayfiyat va kuchim bo’lishi kerak. Yangi narsalar kutib turibdi ekan, o’ylab qarasam.

Aytgancha, bugun Shimoliy Amerikada Halloween bayrami ekan. Mayli, ularniyam hurmat qilgan holda bitta qo’rqinchli kino ko’raman bugun)

So’zim oxirida, hammaga chiroyli noyabr tilayman 🧡

🍁!