جروح عاشوراء(1)

#الى من فارقونا وتركو ديارهم خاليــه


آه يادرب النجف .. بيك عيني ماتجف
فاركت بيك الغوالي ونور العيون
تركو الاحــزان بيــنه ومــايردون
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

آه يادرب النجف فركت الأحباب
راحو اعزازك يكلبي جوه التراب
طالت ايامج يفركة وطال الغياب
تظل عيني مناطره وتعاين الباب

✹فاركت بيك الغوالي ونور العيون✹
✹تركو الاحــزان بيــنه ومــايردون✹
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

امشي وبكلبي عشك يتبع اثرهم
تسوه هذا الكــون ياشمة عطرهم
ضاعــت الاحــلام ماتت وبكترهم
أدري مــيردون نــار ابصــدري ألهم

✹فاركت بيك الغوالي ونور العيون ✹
✹تركو الاحــزان بيــنه ومــايردون✹
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

يازمن وين النحــبهم عنه ماشيــن
سكنو ابعــيد ولجلهم تعمه هالعــين
كمت اعاين بس صورهم عالحياطين
راحة ماشفت بحياتي صارلي سنين

✹فاركت بيك الغوالي ونور العيون ✹
✹تركو الاحــزان بيــنه ومــايردون✹
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

فاركوني اعزاز كلبي وضيعتهم
خلص عمري بالموادع من عفتهم
بدمع عيني بكل مسيه ناشدتهم
ياعلــي عنــدك ٱمانــه ودعتــهم

✹فاركت بيك الغوالي ونور العيون ✹
✹تركو الاحــزان بيــنه ومــايردون✹
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

صحت تانيني اعله بختك ها يدفان
نحل عودي من الحزن والوجه ذبلان
صعبة ليــفارك عزيــز واغلى انســان
محــد يعــوض بعــد فركــة الوليــان

✹فاركت بيك الغوالي ونور العيون ✹
✹تركو الاحــزان بيــنه ومــايردون✹
آه يادرب النجف .. آه يادرب النجف

❀❀❀⇒⇒⇒❀❀❀⇒⇒⇒❀❀❀

تمت بحمد الله
28/2/2019
✍🏻آلّشآعرهً آلــــّ؏ــلّويِـــــه آلّمٌوسويِــــۿ
❌لاإجيــــز حذف الأســــم❌

اهداء الى روح العلويــه أكرام


قنواتنا المتواضعة ونتشرف بانضمامكم الينا

قناة جروح عاشوراء 1

للقصائد والحان فقط 👇👇👇👇👇



https://t.me/Wounds_AshuraOne
قناة جروح عاشوراء 2

للمواليد فقط 👇👇👇👇👇👇👇

https://t.me/Wounds_Ashura

السلام عليكم ((حياكم الله ))

🌂 نستقبل جميع طلباتكم القصائد
هنا👇👇👇 على المعرف

https://t.me/ABRAR532

أربع منارات ... نور السموات
صحنك ملاذي وبالشدد أگصد إله
لمن أزورك چني زايــــر كــــــربله
....................
عيني من تـــــنظر الگبتين بدعائي
أشتبه حسبالي شمــــسين بسمائي
من أشمّٙــــك يا ملاذي و يا رجائي
الهوه بگبــــــرك بيهْ مِيزٙه كربلائي

هيچ انته تنقاس ... يا ثاني عباس
باب الحوايج لليجي بأي مشـكله
لمن أزورك چني زايــــر كــــــربله
......................
أشتم اترابـك يهــــيم الشٙبٙه بيّه
چنّي شـام تــــــراب تلّ الزينبيّه
وين ما أمشي برياض الكاظميه
أنــــــتقل رئساً لوادي الغاضريه

بعيوني گبتين ... موسى والحسين
للحب قــــــرأيين وأسمكم بسمله
لمن أزورك چني زايــــر كــــــربله
.....................
بمشيتي اباب الـــمراد ويه الموالين
حته باب القبله لو امــشي خطوتين
شارع السِـــــدره يشابه ذني الثنين
يلّي بابك هيه هيّه بــــاب الحـسين

گـــبرك كأٙنّٙه ... يامـوسى جنّه
بلون اللواوِين الصـــحن ما أجمله
لمن أزورك چني زايــــر كــــــربله
.....................
بصايتك عمري وســـنينه لمّٙن تدور
خدمتك ثوب للمماتي يبقه مذخور
من أخدمك واسمع يگلولي مـأجور
تغيب روحي وترجع لأيام عــاشور

ياخذني واهس ... ذيچ المجالس
أذكر محــــــرّم و المــدامع هامله
لمن أزورك چني زايــــر كــــــربله
......................
أرتدي الاســـود وأقـيم اليــوم مــأتم
جفني يهمل مـــــــدمعه بيومك تعلّٙم
رجـــــب ماخذ شبه من شهر المحرّم
كربلـــه صحـــــنك أشوفه بلا مخيّم

يعني بشكل عام ... بس ناقصه خيام
يعني اختصاراً والكلام اســتكمله
لمن أزورك چني زايــــر كــــــربله

الشاعر حاتم صبري الكاظمي قنواتنا المتواضعة ونتشرف بانضمامكم الينا

قناة جروح عاشوراء 1

للقصائد والحان فقط 👇👇👇👇👇



https://t.me/Wounds_AshuraOne
قناة جروح عاشوراء 2

للمواليد فقط 👇👇👇👇👇👇👇

https://t.me/Wounds_Ashura

قصيده للكاضم
لموسى ابن جعفر رفعنه الرايه
جينه للتشيع الك مشايه
...........
رأيه تتبع رأيه الك مولانه
كل موالي رافضي عنوانه
جينه يم جسر الرصافه هنانه
جينه واندگ الصدر عنايه
...........
جينه الك مولاي واتعنينه
كل محب هاليوم هلت عينه
اه يا مسموم من نادينه
الك مهموم وحزين اهوايه
..........
سيدي مطروح باقي عالجسر
والسلاسل شاده حيل النحر
الگيد بچفوفه وحفر بيهن حفر
كل محب هاليوم تيه رايه
..........
كل محب هاليوم محتار الفكر
يصيح يا مولاي وايدگ الصدر
زيارتك يا حيد چن يوم الحشر
واليوايلكم ينول الغايه
............
صحنه كلنه وياك دنيه واخره
والمشه بممشاك يفرح ناضره
اليوم كل مهضوم تجبر خاطره
جينه بحزان والك نعايه
...........
جينه بحزان وننادي سيدي
شلون سماك النذل والمعتدي
شجرة الملعون هارون الردي
يا امامي المهدي الك شكايه
..........
يا امام المهدي عجل بضهور
خلصو بسم وذبح بيت الطهور
الطاغي ابضلمه عليكم ضل يجور
ردت منك تنتفض مولايه
.............
,الشاعرة الحاجه ام حسين العسكري:


قنواتنا المتواضعة ونتشرف بانضمامكم الينا

قناة جروح عاشوراء 1

للقصائد والحان فقط 👇👇👇👇👇



https://t.me/Wounds_AshuraOne
قناة جروح عاشوراء 2

للمواليد فقط 👇👇👇👇👇👇👇

https://t.me/Wounds_Ashura