ذكرياته باالسجون المظلمه
كل حياته بضلمه ياابن فاطمه
والله غربه غربته من يشيل اجنازته
*
چان يتنفس حزن موحش عليه السجن
ضلمة الطاموره ماواحد يشوفه
من ثكلها الجامعه چفه گوه يرفعه
گوه يدعي وگوه يفتحهن چفوفه
رايد يشوف الاهل گبل لحظات الاجل
الله يدري بحالته ويدري بضروفه
هذا امام الرافظه لودره بحاله الرضى
چان گابل سجنه وابدن ما يعوفه
امنياته يلتقي بأهله يرد
امنياته تخلص ايام البعد
صعبه كلش حالته من يشيل اجنازته
*
شدته ام الشدد باالغدر چبده نمرد
جنازته فوگ الجسر ضلت حزينه
كلها تنشد عن هله ليش ماواحد اله
مادرو من يا بلد من يامدينه
والاهل مابينو وعله نعشه مابچو
مادرو بجنازته ضلت رهينه
بچه حيطان السجن والجسر هم ضل يحن
وماي دجله ضل يردد ياولينه
ياغربته بكل گلب خلت اثر
ياغربته بجت ايات وسور
والاهل ماحظرته من يشيل اجنازته
*
كل سنه بهل الفاجعه نعشه احنه نشيعه
وغادي يم جسر الحزن ننصب عزانه
احنه اهله وشيعته ماتضل اجنازته
مانخلي نعشه مطروح بمكانه
نواسي كل اهل العبه بهل المصيبه الراتبه
نعتني مشايه ويرفرف لوانه
لوسمعنه احنه بسجن نذكره ونظل نون
وکل موالي باالحزن يلهج لسانه
كل دعائه وكل دموعه ومنيته
كل دعائه ينجمع وي شيعته
الدنيه ابد مارحمته من يشيل اجنازته
*
احنه باالهم والدمع والطم فوك الظلع
وباالحزن نگضيها ياهاي المسيه
هل اجينه الحظرتك بيها نحي مصيبتك
كلها متجها واجت للكاضميه
هذا شايل رايته واذاك شايل لافته
عليها كاتب ياامام الرافضيه
لووصلنه للصحن يمه الاصوات اعتلن
ويلي عاالمسموم ويلي اشهل الرزيه
ياامامي تعله اصوات الطم
ياامامي والله نشعر باالهظم
غادي نرفع لافته من يشيل اجنازته
***
#سعدالعبودي


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء